هل ضمان كيا الجبر يشمل السيارات الخليجية الزيرو وارد الامارات

muhsamir @user_137103 · 04-10-2016

السلام عليكم ..
و كل عام و انتم جميعا بخير..
يا أخوان ..
عزمت إن شاء الله على كيا سورينتو 2016 و بعد البحث .. وجد فارق سعر كبيييييير بين المعارض للمواصفات الخليجيه وارد الامارات و بين مواصفات الجبر ..
سورينتو الجبر نص فل ... مافيها شي غير بصمه و حساسات و بانوراما.. 89 الف
سورينتو إماراتي من المعارض.. كل شي فيها ماعدا نافيجيشن .. 89 الف

سألت في الوكاله طبعا المناديب يقولون لا يشمل الضمان.. المعارض يقولوا يشمل لو شكيت في التجاره..
صراحه المواصفات كثيره .. يعني تقل شي بسيط عن الفل الي في الوكاله الان و سعرها 110 الف ..

رأيكم شباب و تجاركم ..
شكرا

Abo Saeed11 @user_287124 · 13-10-2016

اتصل على 1900 وزارة التجارة واسألهم

انا متصل عليهم قبل اسبوعين تقريبًا
وقالوا تدخل بشرط ان السيارة تكون اصفار ومعك البطاقة الجمركية

واتصل تأكد بنفسك

cover me @user_164128 · 05-10-2016

وعليكم السلام ورحمه الله

اذكر في 2013 اخوي كان يفكر في الكدينزا و كانت تجي مبواصفات ناقصه و في الكويت مواصفات اكثر و اقل سعر
لما سئلنا الموظف قال تدخل للضمان لكن راح تتعامل كانها سعوديه

يعني مثل اخرب حاجه غير متوفره في المواصفات السعودي لو نفرض تبريد المراتب مثلا هنا يقولك مايشملها الضمان لانه غير متوفر في المواصفات او التفاف النور عند الانعطاف و عليها

هذا كلام الموظف و الله اعلم

قبل فتره رحت اشوف النترا حق اخوي الصغير و شفت الخليجي في المعارض و كلهم قالو الضمان في الامارات لو خرب حاجه لكن تقدر تسوي صيانه هنا بشكل طبيعي ( هي على حسايب العميل مو مجانيه )
لكن الخوف لطلع خلل ولا حساس كذا بشكل مفاجئ تبلش يا تشيلها 1000 كلم بسطحه على الامارات بمبلغ و قدره و يمكن يطلع حاجه بسيطه ويمكن الوكيل هناك عنده حركات و لا يستقبلها و غير تكاليف السفر او تصلحها هنا في الورش او الوكاله الي يمكن يصلخون صلخ في السعر

لو السياره من البحرين ممكن تهون بالنسبه لاهل الشرقيه كلها نص ساعه هو في البحرين

فكر كويس و احسبها من جميع الجهات و المواصفات الخليجيه حقيقه مغريه في السعر و المواصفات مقارنه بالمواصفات السعوديه

لايف ستايل @user_146718 · 05-10-2016

كيا او غيرها اذا شريتها خليجي روح اول 5000 كيلو عالصيانة وافتح ملف واعمل لها صيانة واذا رفض الوكيل اتصل على التجارة وعلى طول تنحل المشكلة ( رقم الشكاوي 1900 )