.وعليكم السلام ورحمة الله وبركاته
حياك ربي
نعم انا جربت وكيل نيسان الجديد بترومين وشريت سيارة منهم
من ناحية الاستقبال هم افضل من العيسى وايضا كلهم شباب والوضع سوالف مهب وكيل لان وكالتهم صغيرة
سبب اغلاق الفرع من المرور
التصريح فقط والشى الثاني المرور يعتقد ان بترومين يعرضون سياراتهم خارج الصالات وهذا مخالف لنظام المرور
والسيارات المعروضة في الخارج
1- تجارب تبع تيست درايف
2- سيارات العملاء
والمرور يحسبونها تعرض للبيع والمرور اغلق 55 معرض يحسبون بترومين معرض مهب وكيل ثاني
الايجابيات :-
1- استقبالهم رائع
2- بعضهم عنده معلومات عن سيارات نيسان
3- جميع الموظفين والإدارة خدمتهم رائعة
4- عندهم سيارات العيسى استغنى عنها مثل ميكرا
السلبيات :-
1- التأخير في تسليم السيارة لان مستودعهم في جدة انت وحظك تنتظر من اسبوعين او ثلاث اسابيع او شهر
2- الموقع صاد وغير واضح اللي يبحث عنه
3-اعتبر الفرع معرض وليس وكيل
سبب شراء السيارة من عندهم لاخوي الصغير :-
كنت بشتري ماكسيما 2017 لاكن اخوي الصغير طلبني يبي سيارة وتنازلتها له وكان يبي سنترا خيرت اخوي انتظار 2017 الفيس لفت او ياخذ 2016من الفرحة الضعيف اختار 2016
طبعا انقطعت فترة عن المنتدى بسبب اختيار سيارة لاخوي الصغير وراح اطرحها تفصيلية
اهم ميزة حصلتها عندهم هي نيسان سنترا SL1.8 غير متوفرة عند العيسى بسبب انه يقول سعرها قريبة من التيما استاندر
وبكره بإذن الله استلم سيارة اخوي السنترا فل كامل عن طريق اجار منتهي بالتمليك من فرع بترومين
الله يرزقك ويرزق الاخوان جميعا بالسيارات اللي بخاطرهم
ويعطي اخوي الصغير خيرها وكيفه شرها بإذن الله
وهذه سيارة اخوي من فرع بترومين
يلا عقبالك وعقبال كل الاخوان بإذن الله السيارات اللي يحبونها
تحياتي لك ،،،
