رجة أثناء تغيرات القير - تاهو 2011

ابوو باسل @user_319008 · 12-12-2016

لما ادوس وأصل سرعه 40 او 60 الين ميه تقريبا وابطل ادوس وارجع مره ثانيه اكمل على خفيف تجي هالرجه والكركره وتختفي مع زياده الدعسه .طبعا غيرت بواجي واسلاك بواجي وفلتر هواء وزيت قير وفلتر قير ووجه ولسا المشكله مثل ماهي توني شاريها وشبه جديده . ملاحظه اكثر شئ تجي هالحركه بالزحمه وتكون واضحه. زيت القير لما تغير مو مره معدوم حسب كلام المكانيكي .

ابوو باسل @user_319008 صاحب الموضوع · 20-12-2016

اشكرك ياسوبر على اهتمامك ومتابعتك للموضوع الله ييسر الامور خوفي من هالتوظيب ماامدانا نتهنا بالموتر هههههه

super_safari @user_201024 · 20-12-2016

جميل..

فحص الكمبيوتر لسيارتك يتم بواسطة جهاز Tech2 .

للمعلومية

ابوو باسل @user_319008 صاحب الموضوع · 20-12-2016

ينبعاوي ..حراره القير طبيعيه
واخونا سوبر استخدمت زيت دكسرون6 ويقولون هو الافضل وماادري بصراحه.
المهم رحت اليوم للوكاله وركب معي سوداني وشاف الحاله وقالي قيرك بدايه مافيه شئ تغيرات تمام ولا حنه ولاتأخير تقريبا عندك مشكله بالدعسه عموما ياتخلي سيارتك عندنا اقل شئ يوم او تجينا السبت ابفحص فحص شامل وابطلع معاك كهربائي ومكانيكي وان شالله خير قلت له تمام التمام وموعدنا باذن الله يوم السبت. ودمتم بود

super_safari @user_201024 · 20-12-2016

أبو باسل..
الحاصل في سيارتك هو عدم انتظام ضغط الزيت. و هذا له أسباب و منها الطنجرة و منها أشياء أخرى.
أحد الأسباب أيضًا : نقص مستوى الزيت - استخدام زيت أثقل من الموصى به - خراب منظم الضغط المتواجد في مخ القير.
فقبل أي كلام , أتمنى أنك تستخدم الزيت الصحيح فقط , و هو Dexron-VI . إذا كنت تستخدم القديم Dexron3 فربما هذا السبب.

ينبعاووي @user_278239 · 19-12-2016

هل ترتفع حرارة القير عن الطبيعي ؟ .

ابوو باسل @user_319008 صاحب الموضوع · 19-12-2016

مافيه مشكله بالنسبه لوضع القير على N .احد يفيدني هل شريحه القير لها دخل بالموضوع مهندس بتراي ستار يقولي غير الشريحه واذا ماصار فيه فايده الله يعينك وظب القير. وناس تقولي لاتوظب غير من التشليح احسن .واخر حل بكره باذن الله راح اروح الوكاله ونشوف نهايتها مع هالقير.

super_safari @user_201024 · 19-12-2016

زين أنه تحمل المسؤولية و اعترف بالخطأ , و هذا خير منه إذا أرجع لك أجرة يده.
جرب فضي القير على N و لاحظ هل توجد رجة أم لا. أقصد نريد معرفة هل السبب من المكينة أم من القير .

ابوو باسل @user_319008 صاحب الموضوع · 18-12-2016

السلام عليكم
غيرنا الطنجره يالربع وماكو اي حل نفس المشكله .والله احتست الي قاهرني التغيرات سلسه بدون حنه وتأخير وطقه حتى بالدعسه الثانيه ممتازه المشكله بهالقرقرة رفعت ضغطي. قال المهندس هذا الي عندي من تشخيص للسياره وبرجع لك الطنجره القديمه .وطبعا هذا ثالث فحص كمبيوتر وماطلع شئ لا بالمكينه ولا القير.

ابوو باسل @user_319008 صاحب الموضوع · 13-12-2016

لايوجد طقه ابد وكراسي المكينه والقير ممتازه بصراحه شيكت عند اكثر من 10ورش ثلاث اشخاص قررو انها طنجره واول مهندس ضمنها لي انها تروح بعد توفيق رب العالمين. بنغير طنجره والله بيسهل الامور ان شاءالله

نظم معلومات @user_312967 · 13-12-2016

لما تشيل الدعسة وترجع تحصل طقة؟

هل شيكت على الكراسي من مكينة وقير؟

super_safari @user_201024 · 13-12-2016

متابع للاستفادة ..

مركز جوانا @user_231566 · 12-12-2016

اتوقع والله اعلى واعلم المسبب القير على الرغم من الممشى القليل
انصحك بان تمر على ورشه متخصصه للقيرات والتاكد
ايضا انصح بالفحص كمبيوتر والتاكد من داتا المكينه اثناء الرجه لااكثر دقه في التشخيص
اذا انت في الرياض نتشرف بزيارتك للفحص المجاني
تواصل معاي مباشرة قبل المجيئ ان تسنى لك ذالك
موفق

ابوو باسل @user_319008 صاحب الموضوع · 12-12-2016

تاهو lt موديل 2011 خليجي ماشي 14000

مركز جوانا @user_231566 · 12-12-2016

نوع السياره وموديلها؟