تاهو LTZ 2016

Shurrab @user_319303 · 25-12-2016

السلام عليكم

اخواني انا بشتري جيب بصراحه لفيت وتعبت وانا ادور
انا كان معي برادو 2006 وبعدين جبت q7 2009
بعدين للاسف غيرته والسبب فقط انه الوكيل عنا في الكويت يتسهبل بالاسعار الفلكيه لقطع الغيار والسيرفس
جبت لكزس 570 lx وبصراحه كان رائع بكل المقاييس خصوصا عزل الصوت والثبات بس طبعا مو مثل الالماني ابدا
المهم بعته وجبت باترول بلاتينيوم 2016 للامانه ماحبيته ابدا
مافي اي نوع من انواع عزل الصوت تحس انك جالس جوه المكينه وصوت الناس بره غير ارتفاعهه الكبير يخليه مو ثابت مثل غيره وصرف البنزين فيه مو طبيعي والغريب انه ابسط المواصفات الداخليه جوه مفقوده !!

ما اطول عليكم >>>> صارلك ساعه تسولف 😂
افكر بالتاهو LTZ خصوصا الوكيل منزل سعر ال 2016 بطريقه عنيفه بس مادري شرايكم فيه ؟
انا ابدا ما اطلع بر او صحاري
يهمني فزه السياره وثباتها وعزلها للصوت واحب التكنولوجيا المتقدمه طبعا
هل فعلا التعليق فيها افضل من lt ؟

ياريت تنصحوني وشكرا

cover me @user_164128 · 29-12-2016

اذا فيك قيمه السكاليد بتاخذ الفخامه و قوى المحرك لكن بالنسبه لي ماعجبني حركت الانوار الخلفيه

SHERLOCK H @user_279998 · 29-12-2016

اتوقع بيعجبك التاهو بقوة خاصة انك تدور تقنيات وفزته حلوة
العتب على الموديل الجديد اشوفه غير مريح ابد بشكل عام
وبشكل خاص مقارنة بالباترول , لان الباترول حتى مراتبه اكبر بكثير

بس انت جرب التاهو واتوقع يجوزلك

انا وسيارتي @user_181125 · 28-12-2016

وعليكم السلام

أنا جربت التاهو الستاندر موديل 2015 .. وكان عزله الهوائي سيء جداً ...!

نعم مريح لكن الجيل السابق أريح ..

ما أدري عن ال تي زد .... ممكن يكون أفضل ...

مثل ما قالوا الأخوان .. جربه قبل تشتريه ...

وفقك الله :)

majed_cool @user_114922 · 27-12-2016

عزيزي انا من ملاك التاهو LTZ 2016 له اكثر من سنه معى السيارة طيبه تقنيات عزل عزم ماشاء الله لاقوة الابالله جربته بالسفر وبالبر وكل يوم يزيد اعجابي بها نصيحتى لك اشتر ولا تتردد من تجربه والله يبارك لنا ولكم فيما رزق

LOAIII @user_309206 · 27-12-2016

جربت الباترول البلاتينيوم الفل اوبشن وصراحة سيارة ممتازة واشبه بسواقة اليوكون والتاهو .

التاهو ممتاز بس مع مرور الوقت بتلاحظ أصوات الديكورات وهذا العيب الوحيد من وجهة نظري في السيارات الإمريكية إلا إذا توقفه دايم في الظل .

وبالنسبة لنظام التعليق في التاهو LTZ مختلف عن باقي الفئات ونفس نظام تعليق الدينالي والإسكاليد (نظام التحكم المغناطيسي) فكرته يعطيك دقة في الثبات والإستقرار عن طريق أجهزة استشعار تحلل الحركة في خلال اجزاء من الثانية ويعتبر أسرع نظام تعليق في العالم .

عزم التاهو جيد ولكن الدينالي أفضل بكثير 420 حصاناً وعزم دوران 846 نيوتن .

S

SAHERR

هلا اخوي لاتشتري شي قبل تجربه ولو ليومين كامله حتى لو تستاجر حتى تكون على قناعه تامه ولازم تحدد المبلغ وهل تبغى السياره كبيره ولا متوسطه عندك الM CLASS

شكله جيد ومحركه 6سلندر وعزمه جيد ولاهو كبير ولاهو صغير

هذي داخليته

وهذي بلون ثاني وفيه عدة الوان هذا اذا انت تبغى الراحه والفخامه وسياره جيب

وسعره بالدولار حوالي 49الف

أتفق معاك ، الـ M خيار جداً ممتاز خاصة لو مرتاح مادياً .

أبـوأسـد @user_15810 · 27-12-2016

وعليكم السلام

بصراحة مستغرب من كلامك عن الباترول البلاتينيوم!

شكل الي اخذته فيه مشكلة

حقيقة التجربة كافية ان كنت بتعجب بالتاهو أو لا

لكن نصيحتي لك ترى أعتماديته ليست بالمستوى المطلوب

شوف تقييمه هنا

MOST RELIABLE

- Toyota Prius (94)
- Lexus CT 200h (94)
- Infiniti Q70 (91)
- Audi Q3 (91)
- Lexus GX (90)
- Lexus GS (89)
- Mercedes-Benz GLC (89)
- Chevrolet Cruze (89)
- Audi Q7 (88)
- Toyota 4Runner (88)

LEAST RELIABLE

- Chevrolet Tahoe/GMC Yukon (13)
- Fiat 500 L (13)
- Ford Fiesta (13)
- Ram 2500 (13)
- Tesla Model X (12)
- Chrysler 200 (11)
- Chevrolet Suburban/GMC Yukon XL (10)
- Jeep Renegade (8)
- Ford Focus (6)
- Cadillac Escalade (3)

http://www.pressherald.com/2016/10/24/consumer-reports-top-ranked-vehicles-in-reliability-survey/

حقيقة أعتقد انك شخص لن ترتضي إلا بالالماني بحكم كلامك هنا

S

Shurrab

جبت لكزس 570 lx وبصراحه كان رائع بكل المقاييس خصوصا عزل الصوت والثبات بس طبعا مو مثل الالماني ابدا

.

AR_REEM @user_298993 · 27-12-2016

التاهو طيب وفيه كل التقنيات والمواصفات في فئة LTZ

قوة المحرك جيده بالنسبه له خصوصا الجيل الحالي صار أقوى من قبل

وصرفيته ممتازه جدا مقارنة بـ 355 حصان اللي ينتجها المحرك .

الدينالي أقوى وفي بحر 430-450 حصان أعتقد وبقير من 8 سرعات .

في مايخص الفرق بالتعليق بين التاهو بفئة LTZ عن الفئات الأخرى LS , LT

نعم فيه فرق من صالح LTZ ومختلف عن البقيه في هالشيء .

أنصحك بالتجربه قبل ماتتوهق حتى لو كان فئة أقل من LTZ , بالتووووفيق

Shurrab @user_319303 صاحب الموضوع · 26-12-2016

2

2B-4G10

بعض الناس لو جربت شي وارتاحت له مستحيل تتنازل عنه حتى لو تنازل عنها...مشجعين التويوتا يمشون على مجد من قبل 30 سنة مازالوا يسمعون نفس المدح ونفس التسويق القديم..بوجهة نظري جرب الموتر ولايهمك هو موتر قصايد او لا اهم شي يكون امن لك ولعائلتك..مريح..مغني..اعتمادي... ولاتنسى سوي تيست درايف ماتخسر شي خصوصا نقطة نظام التعليق كثير يشتكي من قساوة ال LT كما تفضلت لكن يمدحون الLTZ جرب وكن الحكم

كلامك جدا منطقي والله
جزاك الله خيرا

محمد القحطاني @user_269829 MOHMAD · 26-12-2016

هلا اخوي لاتشتري شي قبل تجربه ولو ليومين كامله حتى لو تستاجر حتى تكون على قناعه تامه ولازم تحدد المبلغ وهل تبغى السياره كبيره ولا متوسطه عندك الM CLASS

شكله جيد ومحركه 6سلندر وعزمه جيد ولاهو كبير ولاهو صغير

هذي داخليته

وهذي بلون ثاني وفيه عدة الوان هذا اذا انت تبغى الراحه والفخامه وسياره جيب

وسعره بالدولار حوالي 49الف

2B-4G10 @user_246549 · 26-12-2016

بعض الناس لو جربت شي وارتاحت له مستحيل تتنازل عنه حتى لو تنازل عنها...مشجعين التويوتا يمشون على مجد من قبل 30 سنة مازالوا يسمعون نفس المدح ونفس التسويق القديم..بوجهة نظري جرب الموتر ولايهمك هو موتر قصايد او لا اهم شي يكون امن لك ولعائلتك..مريح..مغني..اعتمادي... ولاتنسى سوي تيست درايف ماتخسر شي خصوصا نقطة نظام التعليق كثير يشتكي من قساوة ال LT كما تفضلت لكن يمدحون الLTZ جرب وكن الحكم

Shurrab @user_319303 صاحب الموضوع · 25-12-2016

ي

يا رب رحمتك

التجربه خير برهان ..

وكانك تدور الفزه و قوه المكينه عليك بالدينالي او الاسكاليد :54:
وكذالك موجود فيها اللي تقول
((يهمني فزه السياره وثباتها وعزلها للصوت واحب التكنولوجيا المتقدمه طبعا ))

و التاهو يوفي من تجربتي له :)

هذا هو الكلام الطيب اشكرك اخوي

Shurrab @user_319303 صاحب الموضوع · 25-12-2016

ك

كومبو11

اشتر لكزس او برادو لأنهما السيارتين الوحيدتين اللي ما عذربت فيهما هههههه
والتاهو بالنسبة لي ليست أفضل من اللكزس أو الباترول إلا في الصرفية فأتوقع بعد فترة بتنزل موضوع تقول ما أعجبك التاهو

البرادو مو شي صراحه
واللكزس غالي جدا حاليا

يا رب رحمتك @user_303478 · 25-12-2016

التجربه خير برهان ..

وكانك تدور الفزه و قوه المكينه عليك بالدينالي او الاسكاليد :54:
وكذالك موجود فيها اللي تقول
((يهمني فزه السياره وثباتها وعزلها للصوت واحب التكنولوجيا المتقدمه طبعا ))

و التاهو يوفي من تجربتي له :)

كومبو11 @user_221939 RiYaDh 4X4 GrOuP · 25-12-2016

اشتر لكزس او برادو لأنهما السيارتين الوحيدتين اللي ما عذربت فيهما هههههه
والتاهو بالنسبة لي ليست أفضل من اللكزس أو الباترول إلا في الصرفية فأتوقع بعد فترة بتنزل موضوع تقول ما أعجبك التاهو