ما شاء الله تبارك الله
الله يعطيك خيرها ويكفيك شرها
سيارتي ايكوبوست وفعلا عانيت وما زلت اعاني من سوء الجودة خاصة في المقصورة الداخلية
من شريتها وهي انواع الاصوات والطقطقة تحس السيارة مفككة والسبب البلاستيك الرخيص والتركيب المش حالك.
مرة وديتها للوكالة كنت اشتكي من صوت مزعج اتضح لاحقا انها قطعة داخل الباب انفكت من مكانها
واشتكيت ان السيارة من كانت جديدة وانا اسمع اصوات قالوا عادي طبيعي لانها كشف ما تكون القطع متماسكة مثل الكوبيه ( والله من العذر البايخ :bigggrin: )
مشكلة ثانية عندي المراتب اذا جيت اقدمها لا صار فيه احد بيركب ورا تنشب احيانا وديتها لهم ولا عرفوا يصلحونها. هل عندك نفس المشكلة؟
غير سالفة الجودة الامريكية التعبانة السيارة من أحلى ما يكون كتصميم ومواصفات وقوة مكينة مقابل سعر معقول.
وأحلى مافيها انها مريحة رغم كونها رياضية خاصة ان سيارتي كشف (مساعداتها انعم) وجنطها صغير 18 :smile:
