عبداللطيف جميل يمنع دخول سيارات تويوتا ولكزس الخليجية في ضمان وكالته !

موضوع مزعج لمحبي تويوتا ولكزس
اما ان الوقت لوجود وكيل اخر للوكالات الحصرية

للاسف لدي ماخذ على وزارة التجارة بعد ذهاب الربيعة عنها بصراحة

اصبحت لا تقف مع العميل ابدا بل تمكن الشركات على العميل بالباطل وليس بالحق

ابعاد سيارات تويوتا عن الضمان سيسحق اسعارها في المعارض اكثر مما هي عليه الان

مع العلم بان ختم الوكيل غير مهم ما دامت مطابقة للمواصفات والمقاييس

.معاك حق ولا أنكر ذلك .. الشوارع مليان تيوتا إذا عديت كلها ... لكن هل عديت كم عدد مالكي تيوتا الجديد-من 2015 وما فوق؟
ستجد معظمهم يملكون موديلات لها أكثر من 3 سنوات. أي خارج ضمان عبد اللطيف. فمالكي هذه الموديلات مرتاح منهم إلا شيء واحد وهو (قطع الغيار). سيتضرر المالك كثيرا إلا رؤساء القبائل والقطاعات الحكومية. فلذا الوكيل لن يبالي وسيرفع الثمن.
طبعا إذا كنت واعي وتقدر تشتري قطع غير أصلية من الخارج وعندك ميكانيكي أمين فالحمد لله نجوت من شرهم.

مااعتقد قانونيا يسمح له بهالشي
بشكل عام مبيعات تويوتا احسها ماهي مثل اول

شكرا

لاحظت انخفاض اسعار لكزس الخليجي في المعارض خلال الشهرين الماضيه

ممكن يكون هذا السبب

ال RX النص فل نزل من 223 الى 208 الف

مقارنه بالسعودي اللي ماسك سعره على 227 الف

مع ان الخليجي افضل مواصفات


عموما التجاره من جرف لدحديره بعد الربيعه

الله يعين

السلام عليكم
لااسف الشديد سياسة البلطجة عند التجار لن تنتهي الى بقرارات صارمه مباشرة تخيرهم بين الانصياع لاوامر ولى الامر او التدمير لان فعلا وزير التجارة هجد الوكلاء والتجار ووقف مع المواطن وعلمنا ان لنا حقوق ماكنا نعرفها
حتى قبل الربيعه تذكرون حمله خلها تصدي .....تجمعو التجار وسنو قوانين ورفعو الاسعار.....!

لاكن الي بيشتري سيارة فيها مواصفات افضل من ابو جميل وبسعر اقل المفروض مايشيل هم الوكيل انا شخصيا شاري من ابو جميل ورحت لوكيل تويوتا في مملكه البحرين.......تحية من القلب لوكيل تويوتا البحرين .....دخل السيارة وفحصها وما سالني عن اي شي وبالعكس لما شاف استمارة السيارة رحب فيني وعاملني بطريقة احرجتني

اخواني صحيح ان وزارة التجارة بترجع للماضي الكئيب حقها لاكن فما علينا غير نكون مجهزين انفسها لما هو اغرب من تجار هالبلد

الحصريات
التلاعب بمواصفات السيارات
التلاعب بالاسعار بحجج غريبة......عليها طلب....لون محدد......باقي منها قليل....
التلاعب بخيارات قطع الغيار.....اصلي ......تجاري درجه اولى.....Walk yourself (مش حالك) والمبالغه الخرافية باسعار الاكسسوارات والاضافات على السيارات
تدنى كفائة اقسام خدمه العملاء من مبيعات وصيانه
تحاشي الافصاح عن المشاكل وعن الاستدعاات

وفكرة المقاطعه ماتنفع لان التجارب اكدت اننا مانصمل ....اجل خلوها تصدي.....وفي نفس الوقت ومن نفس الشخص المتذمر وفي ردة في الموضوع نفسة يباركوله اخوياء على الفكسار الجديد.......ياشيييييييييييييخ

وغير كذا التجار بيجتمعون ويقولون ارفع الاسعار للسيارات وارفعو اسعار قطع الغيار والتامين وامنعو الطلب عن طريق النت لاي شي يخص السيارات وغير من الافكار الشيطانية

وابا اشوف من بيستمر في هالموال

والله يكون في عونا

.يارجل تويوتا مع جميع طبقات المجتمع المبيعات العالية ذي كلها رؤساء قبائل لا للدوائر الحكومية الشوارع مليانه والدوائر الحكومية مناقصات للشراء وفيه بعض قطاعت الامن تشتري تويوتا وليس كل سنه يتم شراء سيارات احيانا كل ثلاث الى اربع سنوات

أفضل حل للوكيل ذا هو المقاطعه لسياراته فقط

مقاطعه لتويوتا ولكزس فقط والأتجاه للشركات المنافسه

لأن المقاطعه اللي صارت سابقا الشعب قاطع كل الشركات !! وأنتهت بالفشل

ابو جميل أشوفه هو رأس الأفعى الكبير وكل خطوه يتخذها باقي الوكلاء يحذون حذوه

.هذا اللي سويته ببساطه ..من يوم ما استلمت سيارتي ما طبيت الوكاله للصيانه
و كلامك صحيح من ناحيه الاستدعاء ..
الاعطال البطاريه خربت علي مرتين و غيروها بلاش .

هل البازعي يضمن السيارات الخليجية؟ بحكم أنه مورد خليجي ولا مهنا فرق عن بخل بعض الوكلاء؟

راح تنزل أسعار الخليجي أكثر .. بالنسبة للضمان فيه ناس كثير ما يهتمون فيه ولا يلتزمون بالصيانة الدورية أساسا وانا منهم .. بالتالي ما فرقت ضمان أو بدون

يا أخوان .. تايوتا وعبد اللطيف صار عملاءها الدوائر الحكومية ورؤساء القبائل ... ليس لهم هم على الطبقة المتوسطة وما دونهم. وطبعا رفع السعر لصالح عبد اللطيف لأن منظور الناس من الفئة التي ذكرتها يرون أن الغالي هو الأفضل وسيارات تايوتا الأغلى والأفضل. انتهى..
سيارات وزارة التجارة معظمها تايوتا من عبد اللطيف فكيف يقاضون عبد اللطيف وسياراتهم من عندهم.
مافي حل إلا سيارات بديلة أو مستعملة لمن لايريدون الا تيوتا.

وتستمر الحقارة من بعض الوكلاء بالاخص الي يستحقر العملاء بمواصفات ناقصة وسعر مبالغ به ولا يبون يشترون خليجي بنفس الوقت؟!

فعلا تباً لهؤلاء الوكلاء الجشعين الي يدور أي فرصة حتى باي ثغرة بالأنظمة والقوانين!

مشكور ياسميي على الموضوع

يبدو أن أبدات أقلل من مستوى وكالة ابوجميل أكثر وأكثر على انه ليس جديراً بالاحترام!

المفروض يكون فيه ضمان دولي من شركة تويوتا الام او ضمان من تويوتا الشرق الاوسط حتى يضمن مالك السياره حقه لان الوكيل لو مارفع سعره ماراحت الناس للمعارض

للأسف بعد ماطلع الربيعة من وزارة التجارة تغيرت أمور كثيرة وبدأ اللعب.
الله يذكره بالخير ... رجل نزيه.

يعني كأن وكلاء السيارات إذا خربت سيارتك بيصلحونها
لك بدون صياح وشكاوي!
أول كلمة تعلمناها منهم إذا وديتها لهم "هذا شي طبيعي" لين تطلع من الضمان يرجع يقول لك السيارة خربانة ولازم تصلحها وتكلفك...
يارجل ملينا من قرفهم وأنا مستعد آخذ الخليجي وأشق الضمان عند المعرض
وللمعلومية لو صار إستدعاء من المصنع بيدخلها من ورا خشمه.

الله يعين

شكل الأمور بترجع لما كانت عليه وتحديدا قبل عام 2009

لا قريب ولا حسيب على هالتجار , حسبي الله ونعم والوكيل وكفى

مبيعات السيارات الخليجية سببت ربكة للوكلاء بسبب فارق السعر و احيانا الموصفات لاكن لايمنع التأكد من وجود كتيب الظمان وشهادة المنشأ قبل الشراء