الخميس 25 يونيو 2026
عاجل

محتار بين تورس 2017 والامبالا 2017

نادي السيارات الأمريكية
17 رد 30,214 مشاهدة 13 مشارك الأقدم أولاً
ب
بوصالح الشرقيه @user_315199 · 15-04-2017
السلام عليكم

مساكم الله بالخير

محتار بين امبالا وتورس 2017

طبعا مارح اخذ فل اتوقع نص فل معقوله

كثير من اللي جلست معهم كل واحد له كلام

وناس تقول تورس افضل وصيانه معقوله وتتحمل ومافي خربات

وناس تقول امبالا اقوى وافضل وصيانه غاليه لكن تحمل خربات مكيف وصرفيه بنزين !!! حتى لو تصب 95

فا حبيت اخذ الراي قبل التسرع واللي عنده مواصفات وفرق السعر يذكرها لنا

ملاحظه اخيره ناس قالت لو انت راعي استخدام اخذ مستخدم من الخليج من قطر لانه اسعارهم 2016

برخص التراب ممشى بسيط شبه وكاله موتر مني مستعجل اسمع رايكم والله يسهل علينا وعليكم



جزاكم الله كل خير
ح
حبيب الحبيب @user_321648 · 23-04-2017
يعطيكم العافية
s
salehhd @user_17805 · 20-04-2017
السلام عليكم

الاخوان ماقصور وشخصياً ارشح الامبالات اذا كانت خياراتك محدودة بين السيارتين
وفي خيارات اخرى من نفس الفئة مثل الكادنزا والافالون والمكسيما والازيرا الجديدة وصلت السعودية
واقترح تأجر السياراتين وتجربهم لتاخذ فكرة كاملة عنهم
وانصحك بالاستخارة
بالتوفيق ومبروك مقدماً
ب
بوصالح الشرقيه @user_315199 صاحب الموضوع · 19-04-2017
مشكورين على الردود وصابر الى نزول الشكل الجديد منتصف 2017

وبحول الله مانروح بعيد
C
CLASSIC @user_295808 · 19-04-2017
تبي الصراحة

امبالا افضل من ناحية الراحة والرحابة

لكن مدري عن الموترين من ناحية الصيانة والقطع
A
A.S.D @user_196264 · 19-04-2017
أرشحلك الامبالا احتمالية كبيرة تتغير التورس السنة الجاية

وعليك بالإستخارة
ب
بوصالح الشرقيه @user_315199 صاحب الموضوع · 18-04-2017
مشكورين على الردود

انا رايح للامبالا اكثر
ا
انا وسيارتي @user_181125 · 17-04-2017
انا جربت السيارتين كسيارات أجار ... ومسكت خط القصيم على الامبالا ...

الحقيقة انها سيارة خرافية وبالخطوط الطويلة مريحة جدا ورساوة عالية ..وتمنيت لو كانت مراتبها ألين وإن كانت جيدة لا بأس بها ...

التورس ما أعجبتني ... أشوف الأمبالا أفضل ...

تورس 2017 نزلت بأمريكا بنفس الشكل الحالي ... والتغيير الجذري حصل بنسخة السوق الصيني ..وممكن يجينا كموديل 2018 ...

سعر الامبالا 2016 ستاندر جديد أصفار بمعرض القيمة بمعارض النسيم ب 79 ألف ريال ...
ت
تورس 2015 @user_321546 · 16-04-2017
.شف ياعزيزي انا سجلت لجل ارد عليك
فإذا عجبتك الامبالا توكل على الله مع اني ماجربته و لا تهتم بكلام الناس الا اللي جربها و تعرف سواقته و انا كانت معي كابريس و تعرف سمعتها بين الناس بس شريتها مشت معي من 2007 الين حوالي اخر 2015 كارفها كرف الويل الين قدر الله علي و يصير لي حادث و بعده خراب في خراب و بعده طيرته
و بعده شريت تورس 2015 قبل اسبوع عليها عرض تصفيه نص فل فتحه جلد تسخين مراتب و نفس مواصفات sel دفع رباعي ب95 الف و اللحين قربت اكمل 1000 بس انطباع على السريع حلوه بالخط من ناحية عزل و رساوه بس فيها ضيق من الداخل و صرفية البنزين ماقدر افيدك زين لان امرنها و ممشاي على 100-120 مبدئيا اشوفه حليله و ماجربت لحد اللحين صيانتهم بس انا اشوف اذا نويت تورس خذ 2016 بدل 2017 ارخص و مافرقت
و بالتوفيق
ي
يا رب رحمتك @user_303478 · 16-04-2017
ب
بوصالح الشرقيه
مشكورين على الردود

سؤال الامبالا كم تمشي من كليو لو تصب 91
على سرعه 120 !! اللي اعرفه تورس تمشي 700 كليو !!

بنتظر المزيد من الردود


.في الطبلون تقريبا 750 و احيانا 800


في المدينه تعبيها فل تمشيك اسبوع كامل ..و في اليوم تقريبا امشي 180كيلو مشاوير داخل المدينه
ا
الحيران 2016 @user_321463 · 16-04-2017
شف انا مجرب السيارتين :

الامبالا اقوى عزم افضل في توفير الوقود اوسع بكثير سواء الوسع الداخلي او الشنطة اجمل على اعتبار انها اقل انتشارا واحدث من التورس

التورس افضل عزل ارضي او هوائي اكثر انتشارا وبالتالي اكثر توفرا للقطع اريح نوعا ما وليس بدرجة عالية لأن الامبالا فيها لمسة الطابع الرياضي نوعا ما

كلا المكيفين متقاربين في الأداء
ب
بوصالح الشرقيه @user_315199 صاحب الموضوع · 16-04-2017
مشكورين على الردود

سؤال الامبالا كم تمشي من كليو لو تصب 91
على سرعه 120 !! اللي اعرفه تورس تمشي 700 كليو !!

بنتظر المزيد من الردود
A
AR_REEM @user_298993 · 16-04-2017
وعليكم السلام ورحمة الله وبركاته


الإمبالا أجدد من التورس وأفضل تطورا

التورس في 2017 بينزل الجيل الجديد منها وحتى الإمبالا تحديثات منتصف العمر أو حتى جيل جديد

ماهو ببعيد !! شخصيا أنصح بالإمبالاإذا خيارك كان بين السيارتين اللي أنت حددت

أما التوروس بسبب ماشفت منها لصديق كان يملكها , السياره ضيقه من الداخل

وعزمها سيء وصيانتها ميكانيكيا ليس بالمستوى الجيد على سبيل المثال البواجي إذا بتغيرها تحتاج تفك رأس

المكينه وبتكلفك حوالي شغل يد 500 ريال أما الوكاله 800-900 ريال من غير سعر البواجي

أيضا طرمبة الماء موجوده داخل المكينه وهالشيء سبب خراب المكينه وخلطت وتم التوظيب


وخذها قاعده عندك الأمريكي مانجح بسيارات السيدان الدفع الأمامي 4 أو 6 سلندر

الياباني بشكل خاص متفوق في هالفئهه وعندك الماكسيما استاندر بسعر مميز وجيل جديد بالكامل

الأفالون ممتازه لكن سعرها عالي للأسف وموديلها من 2013 وبفيس لفت من 2016 والتغيير ليس بالبعيد


أعتذر عن الإطاله لكن مثل ماقيل إن المستشار مؤتمن


بالتووووفيق
F
FHS1425 @user_233546 · 16-04-2017
أنا اشتريت فورد 2011 من توكيلات الجزيرة واستخدمت السيارة حتى قبل شهر يعني في حدود 7 سنوات
لا أذكر أني اشتكيت من السيارة قمت بتمديد الصيانة 60 ألف كم أخرى بسعر في حدود 4 آلاف ريال
أحد عيوب التورس إن الشكل ما تغير من موديل 2010
زرت الواكلة قبل ثلاثة أشهر تقريباً لم يكن موجود موديل 2017 وتحس سوقهم واقف . الموجود في الوكالة موديل 2016 سعر نصف الفل بـ 100 ألف لكن بدون صيانة وفيه عندهم موديلات 2015 بسعر أرخص وشقيقي اشترى موديل 2015 عند نزوله للأسواق وما أشتكى من شيءسوى إنه كان يريد استخدام الملاحة في الشاشة وتحتاج قطعة داخلية
عيب الوكيل في الصيانة هو إنه يزعم أنه قام بأعمال الصيانة والواقع خلاف ذلك لكن إذا أنت حازم وأظهرت لهم إنك فاهم فأكيد الوضع راح يتغير. لأني أنا كنت أرسل السيارة إلى الصيانة مع السواق وكانوا يستغلونه

بالنسبة لصرفية البنزين كنت أعبي 91 بـ 50 ريال وكنت أمشي في البلد في حدود 700 كم وفي السفر 800 كم وهذه ميزة في التوروس غير موجودة في الإمبالا

أنا أشوف التورس أفخم
الوكيل عنده حركات شكلية جيدة تقوم بها معظم شركات السيارات مثلا بعد الشراء يتصلوا عليك ويسألوا عن السيارة وانطباعك وكذلك بعد الصيانة ولكن إذا كان عندكم ملاحظات ما يحركوا ساكن

ربنا يكتب لك اللي فيه الخير ويوفقك في الموتر اللي يسعدك
t
techmate @user_74279 · 16-04-2017
ب
بوصالح الشرقيه


محتار بين امبالا وتورس 2017



ماشاء الله ملاك الأمبالا أعطوك المفيد
وإنتظر ملاك التوروس

أعطيك وجهة نظري الشخصي:
1- إذا محدود الخيارات بين التوروس والإمبالا
الفورد أكثر إعتمادية من GM فإذا تقدر تأجل الشراء حتى الموديل الجديد للتوروس أنصحك فية
إذا ضروري تشتري الآن أنصحك بالإمبالا لأنها أحدث موديل وأرحب داخليا

2- إذا خياراتك مفتوحة لكن ماتبغي تطلع عن الأمريكي أنصحك تأخذ تاهو أو إكسبدشن لأنني عن تجربة لا أثق في الأمريكي السحب الأمامي
للمعلومية طول التاهو أقصر من الإمبالا وصرفية الوقود 8 سلندر تنافس الإمبالا 6 سلندر

3- إذا عقلك متفتح لكل الخيارات وغير محصور بالأمريكي وهدفك الأول سيدان Full Size أنصحك بالماكسيما أو الأفالون

f
flatne @user_305312 · 16-04-2017
انصحك في الامبالا من تجربتي لها سنه ونص
سياره عزمها قوي وراسيه وفخمه ومساحتها الداخليه واسعه
وشكلها اجمل من تورس اللي تعتبر قديمه بالسوق
الصيانه مرتاح مع التوكيلات العالميه ساعه كامله واستلم السياره
ي
يا رب رحمتك @user_303478 · 15-04-2017
جدول صيانه الامبالا

ي
يا رب رحمتك @user_303478 · 15-04-2017
وعليكم السلام ورحمه الله وبركاته
حياك الله :13::


الكلام اللي سمعته انت عن الامبالا .. من تجربتي انا العكس صحيح :)

صرفيه رائعه و مكيف اروع اطفيه احيانا من البرد ماشاء الله
....كان على السياره استدعاء لتغيير قطعه شبيهه بالفيوز اسمها كتاوت يغيرونها بحجم اكبر فقط

قبل التغيير كان المكيف يتأخر بالتبريد
اما بعد التغيير المكيف من اول ما تشغله يبدا يبرد

و هذي رابطه الامبالا فيها اغلب التجارب و الاستفسارات
https://www.assayyarat.com/forums/t275377.html


اما التوروس يفيدونك ملاكها ان شاء الله
سجّل دخول للرد...