بعد ما قطعت سيارتي الأكورد 250 ألف.

على البركة وصول 250 الف وعقبال المليون

الاكورد سيارة ممتازة ومعروفة جدا من ناحية المكدة المشكلة الوكيل يحرم الواحد انه يفكر يشتريها بالاسعار الفلكية الي عنده :17::

هل موديل سيارتك كان قيرها تقليدي او CVT؟

ومشكور على الموضوع رنج كروزر

وعليكم السلام,,
أكيد ما تمشي هالمسافة الا على الخطوط,
وإياك إن شاء الله.

السلام عليكم

ماشاء الله الله يعطيك خيرها ويكفيك شرها
شكلك راعي مشاوير فالمسافة كبيرة خلال 4 سنوات

الاكورد اعتبرها من افضل السيارات في فئتها وامتلكت موديل 1992 واخرى مموديل 1998 وكالة وحالياً لدى قرايبي سيارتتن موديل 2008
سيارة اعتمادية وفيها متعة قيادة ومريحة (المقاعد الجلد ) اما المخمل فهي ناشفة لكنها صحية

السعر مرتفع حتى بالخارج كما ذكرت لكن ارى انه غير مبرر خاصة مع وجود منافسة شرسة



الله يبارك لك بسيارتك وعقبال تقرير 1000000

هلا فيك,
بالنسبة للمشكلة مع اني عرفت انها عيب مصنعي
في منظم القير الا اني حاولت وغيرت الزيت مع الفلتر
وما تغير شي, قابلت واحد قبل كم يوم وسألته يقول ما طلعت لي قلت تبي تطلع لك حول الـ70 ألف المهم
ويتذكر انه لما غير الزيت على 50 يقول لقيته محروق
وهذا نفس الي صار معي لكني غيرته على 100 وشميت
ريحة غريبة ماهي ريحة كلتشات!
العفو.



إذا السعر هذا في جميع بلدان العالم فهو منطقي,
والي أعرفه ان أسعارها غالية حتى بأمريكا لكن ينقصون مواصفات ويجيبونها هنا وطبيعي الوكيل يبغى يربح,
أنا شريت الفل لـ110 وأشوفه مقبول لأنها برأيي
الأفضل في فئتها وما أشوف الا الليجاسي والليجاسي
مشكلتها ضعف إنتشارها.


المحرك تحديداً حتى الكامريات تمشيك للمليون إذا
ما صادفت الدفعات المضروبة,
نقطة تماسك الديكورات وجودة المقصات ومسامير التوازن والربل هي الي تخلي السيارة تحتفظ بصلابتها,
فيه نقاط أخرى في الأكورد وهي متعة القيادة جيدة
وزوايا رؤية واسعة وداخلية واسعة ومواد الداخلية
جيدة, لما أشوف التفاصيل الصغيرة ألأقي هوندا مهتمة فيها مثل لما أدوس دواسة البنزين وأسحب الجلنط وأحرك
ريش المكيف وأفتح الأدراج وباقي التفاصيل أشوف حاجات متعوب عليها ومع ان عزمها ضعيف والقير يعك
معك إذا وقفت وبغيت تمشي وهذا الشي يجنني الا اني
راضي جداً فيها ونادم اني ما أخذت 6 سلندر.

عندي في البيت ثنتين واحدهما موديل 2007 وماشية فوق 350 الف ومتماسكة الى الان ومحركها يعمل بكامل قوته

الهوندا ممكن تعيش معك اكثر بكثير مما تتخيل ولافيه شي بجودتها ابدا

الوكيل دمر مبيعتها بالسعر المتخلف ( ستاندر يساوي فل عندي فئات منافسة )
ولا الهوندا ما عليه كلام

ر

رنج كروزر

السلام عليكم,,
أكورد 014 2.5
باقي 3 أشهر وتكمل السنة الرابعة,
السيارة لازالت متماسكة ومافيها قرقعة ولا حذفة أو رجة بالدركسون ولا فقدت الرساوة بسبب تقادم
بعض القطع وهذا أكثر شي شدني,
لا يوجد تهريب زيوت على الأرض والحمد لله,
تقريباً ما احتاجت الا قطع الستهلاكية فقط,
الملاحظة الوحيدة في القير بعد ما قطعت 70 ألف
صرت إذا هديت عند المطب وبغيت أمشي أحس
بنتعة بسيطة وزادت لين وصلت لأن القير
بطيء في الإستجابة في نفس الحالة
أو إذا بغيت أديور وبحثت ولقيت ان العيب
موجود في الأكورد من 013 و14
لكن ما أدري عن الموديلات الي بعدها؟

ماشاء الله تبارك الله ، الله يعطيك خيرها ويكفيك شرها

حقيقه اسم هوندا معروف على مستوى الإعتماديه وهي من افضل الشركات اليابانيه على مستوى الجوده بس لو تفتك من بعض العيوب المصنعيه
بالنسبه لمشكلة القير جرب غير زيت القير مع الفلتر ممكن ان شاء الله تروح المشكله

وشكرا على الموضوع

.​هلا فيك اخوي رنج كروز ممكن تشوف موضوعي عنها السياره كانت مخمل شاكر لك مداخلتك

العفو,,
جربت اشتريت شمعات ورفارف من الموزعين وأجزم بأنها أرخص من تويوتا ونيسان,
والقطع الإستهلاكية متوسطة,
يمكن القطع المعمرة مثل المقصات والدينمو ونحوها غالية لكن ما احتجتها,
وش نوع الهوندا الي كانت عندك؟
مراتب مخمل أو جلد؟
الجلد مريحة أما المخمل يشتكون منها.