السلام عليكم ورحمة الله وبركاته
للأمانه انه من اشد المعجبين بالمنتدى ولي فترة طويله اتصفح ونستفيد من رأي الأعضاء وتجاربهم، اااه يجزيكم خير يارب واول موضوع لي حبيت اطرح موضوع جدا مهم وخطير وحبيت اجوف رأيكم فيه
كلنا بدول الخليج لدينا المام حاليا ان الكامري الوحيده التي نزلت بتحديث كلي بالمحرك والقير 8 سرعات فقط بالسعوديه ، وباقي دول الخليج ب6 سرعات والمحرك السابق
طبعا هذا الأمر سبب لنا احباط (مواطنين دول الخليج) كعاشقين للسيارات اليابانيه وتحديدا للكامري، طرت علينا فكرة ، ان ناخذ الكامري من جارتنا العزيزة المملكة العربية السعودية ، ولكن للاسف الوكيل نشب لنا ، احنا مانقبل اي سياره على الظمان اذا كانت من الخارج حتى لو كانت سياره خليجيه!، وقدمت بلاغ للتجاره وللاسف طلع الحق معاه (على حسب كلامهم وكلامه ) ان هذا الأمر من الوكيل نفسه يعني الشركة الام تويوتا
واللي عندنا الاربعه سلندر الفول اوبشن (se 4 سلندر) تفوق ال110000 ريال !
اليس هذا ظلم! سياره نزلت بمحرك وقير سابق تنباع بهذا السعر! ، الGLE للامانه مشابه للاسعار عندكم،
عندما استفسرنا ان لماذا بالمملكة العربية السعودية نزلت بالمحرك الجديد وبالتحديد عبد اللطيف جميل، خبرونا احنا المساحة عندنا جدا صغيره مقارنه بالسعوديه ، يعني اكثر سرعه عندنا صراحه 120 ، ولذلك لانستطيع انزالها بالمحرك الجديد حيث لن تستطيع السياره ان تكمل التبديلات على اكمل وجه! ((يعني المقصد من كلامهم مابتستفيد من ال8 سرعات بحكم السرعه القانونية للدوله، ماحتوصل السياره للتبديله الثامنه او السابعه وهذا يأثر على القير)
خلاصة الكلام ياالغالين ، هل اتوكل على اااه واخذها من دولتنا بالمحرك السابق ؟ الايجابي بالموضوع:
1-علما انها تكون على الظمان
2_ الحسنه الوحيده انها تجي شد بلد (من غير تفكيك) من اقل اوبشن شاشة وجنوط شد بلد يعني غير مففكة مثل اللي تجي وارد عبد اللطيف او اي كان بالمملكه
السلبي بالموضوع اذا خذيناها من دولتنا:
1_ محرك قديم وصرفية البنزين جدا تختلف عن المحرك الجديد ، بس اتوقع مايختلف كثير حيث ان السياره لن تكون القياده بسرعه عاليه بحكم مساحة دولتنا
انتظر رايكم يالغالين وتعليقكم على الموضوع على احر من الجمر
واسف على الاطاله
