اقوى الايطارات

.السلام عليكم
اخي انا عن تجربة شخصية الهانكوك اطارات متينة وعمرها لاينتهي بسرعة وتتحمل درجات الحرارة العالية للطرقات فقط عليك اختيار الرقم المناسب لسيارتك كارتفاع وعرض ونقش احبذ ان يكون نقش مختلف في الاطار وليس كسهم او نقش موحد

خذ مقياس الاطار و النوع من كتلوج السيارة او من البطاقة الموجوده على الباب وتشتري مثله من اي ماركة الياباني و الاندونيسي بعد ممتاز

شف وانا اخوك عالم الكفرات " الإطارات" بحر واسع وللأسف الكثير يجهلون أبجدياته ويتضح ذلك من الاجابات الي يغلب فيها التعميم ولا تفيد المستفسر بشيْ، وعشان اقرب الصورة أكثر مثل لو تسأل وتقول وش أحسن سيارة وأجاوبك تويوتا ماراح تستفيد شيء. طبعاً أهم شي نعرف أن شركات الاطارات كثيرة وكل شركة تنتج أنواع إطارات كثيرة منها الإطارات المخصصة للسيارات الفارهة والإطارات المخصصة للسيارات الاقتصادية والإطارات المخصصة للسيارات الرياضية فمثلاً تويو تنتج مجموعة اطارات مختلفة منها Proxes C1S وهذا مخصص للسيارات الفارهة وهو اطار مريح وقليل الضوضاء والازعاج ومثلاً Proxes T1 Sport وهذا إطار رياضي مصمم للاستخدام الرياضي واللي يتصف بالرساوة والتماسك ولكن بالمقابل يتصف بالقساوة.

ما يهمك هنا هو قياس الاطار وتناسبه مع قياس الإطار الأصلي فمثلاُ لو أن قياس الإطار الاصلي

215/60R16 94V

215 عرض الاطار بالملم
60 هو ارتفاع جدار الاطار وهو عبارة كنسبة من عرض الاطار
R وهو طبعا نوع المواد المستخدمة
16 مقاس الجنط
94 هو مقياس التحمل
V سرعة الاطار

طبعا آخر رمزين مهب ضروري تلتزم فيهم بس أهم شي ما يكون أقل من الرمز الأصلي، طبعاً إذا تبي تحتاج تغير مقاس الاطار في مواقع تحسب لك هالشي وطبعاً يهمك الارتفاع الكلي Diameter وهذا اللي محسوب عليه عداد السرعة

طبعا عشان تعرف أنت وش تحتاج لازم أول شي تحدد وش نوعية استخدامك ونوع قيادتك.

طبعاً من النقاط المهمة باختيار الاطار هو ما يسمى بنقشة الاطار وطبعاً كل نقشة لها مزايا وعيوب

Directional والنوع هذا يجي مخطط على شكل سهم باتجاه الأمام، ميزة هذا الاطار التماسك العالي لكن من عيوبه الأصوات والازعاج وأيضا عن تدوير الكفرات فإنه مايقبل التدوير بشكل X يعني خياراتك محدودة تحط كفرات قدام خلف والخلف قدام بس.

Asymmetrical وهذا النوغ الغير متماثل النقشة فنقشة الداخل تختلف عن نقشة الخارج وطبعاً أنا أفضل هذا النوع وخصوصاً أنه أقل أصوات ومرن جداً من ناحية تدوير الإطارات.

ويوجد نقشات أخرى بس النوعين اللي ذكرتهم الأكثر شيوع.

نقطة مهمة أيضاً اللي هو مؤشرات تحمل الإطار والتماسك فاحرص على المؤشرات هذي وطبعاً اللي بالسوق عندنا في الخليج أغلبه كذا

Temperature A
Traction A
Treadwear و هذا معامل الاحتكاك وكل مازاد الرقم كلما قل الاحتكاك وعاش الإطار أكثر

اخيرا الشركات تختلف من شركة لأخرى للاسباب المذكورة أعلاه لكن مثل ما أن السيارات كشركات فيها الشركات المتميزة والشركات العادية، الإطارات نفس الشي فالشركات الكبرى عالمياً هي ميشلان، بيريللي، كونتينينتال، قووديير، بريدجستون، يوكوهاما والموضوع أختيار وتفضيل شخصي بالأخير فأنا جربت الأغلب من الشركات وكل إطار يختلف عن الثاني حتى من نفس الشركة وأنا الآن مركب Pirelli Cinturato P7 ومرتاح معه.

تحياتي،،،

شكرا جزيلا