تجربة رائعة وجميلة اخوي صالح بس بسألك كيف جودة المواد الموجودة بالديكور لازالت نفس الجيل السابق ولا افضل لاني ملاحظ كثرة البلاستيك بالكونسول الوسطي ، السيارة هذه بالأساس اسمها داسيا داستر ورينو اخذت الشهرة الأكثر من العلامة الأصلية مثل دايهاتسو و تويوتا السيارة هذه في منها نسخة طبق الأصل من نيسان باسم تيرانو تباع بروسيا وبعض دول شرق أوروبا اعتقد و الهند
في مشكلة لاحظتها بمحركات نيسان الموجودة على السيارة سواء 1.6 لتر او 1.8 لتر او 2.0 لتر هو قلب الكامات العلوية قالبينها علشان ضخ البنزين بالبستم يكون مدبلة يعني كل بستمد له رشاشين يضخ البنزين احس انه حركة غبيه ومكلفة بنفس الوقت اذا جيت تغير بواجي السيارة ونفس الوقت نيسان تقول ان هذه الحركة ترفع من اداء السيارة عزم السيارة واقتصادية
مع اني شفتها بسيارة اخوي في السنترا وقارنتها بالمحركات القديمة حقتهم وتعتبر نيسان اقل أحصنة بين منافسينها وحتى محركاتهم القديم يعني مهب ذاك الفرق بالتسارع اللي مساعدها هو جير CVT
يعني سيارة اخوي الثاني حقته السيراتو محركها 1.6 لتر قوتها 128 حصان عزمها 157 نيوتن مقارنة بمحرك السنترا 1.6 لتر (حقة اخوي السنترا 1.8 لتر ماراح اقارنها ) قوتها 115 حصان وعزم دورانها 158 نيوتن
الزبدة المحرك 1.6 و لا 2.0 لتر استفادوا بس من عزم الدوران وتقليل الصرفية وقروشة بتغير البواجي مقارنة بمحركهم القديم والمنافسين اعلى منهم بالأحصنة وأقل منهم بالتورق
بس غير مقنع من رينو تحط ناقل من 4 سرعات السيارة هذه تتوفر بدول كثيرة اوتوماتك اما 6 سرعات تقليدية او 6 سرعات دبل كلتش
تقرير جميل الله يعطيك العافية اخوي صالح
