وصول لكزس ES 2019 لدى الوكيل مع الأسعار الرسمية في السعودية

أول سيارة إنتاجية في العالم 2019 لكزس ES تحمل كاميرات جانبية بدل المرايا وليست اختبارية


كشفت شركة لكزس عن اول تقنية كاميرات جانبية مضافة بالعالم بدل من استخدام المرايات الجانبية مع محاولات عدة من قبل الشركات الأخرى ،، -

من أهم مميزات الكاميرات الجانبية انها ستكشف أماكن النقاط العمياء بشكل واضح مع تحديد المسافات عن طريق زر يقرب ويبعد المسافات ( زوم ) للرؤية الخلفية الواضحة للمركبات أو عند ركن المركبة في الأماكن الضيقة مع تثبيت شاشتين في ركن الداخلي للسيارة بحجم 5 بوصة ، أيضا مع الكوارث الطبيعية الكاميرات الجانبية لا تؤثر على الرؤية
تويوتا ستكشف عنها للسوق الياباني كأول دخول رسمي لطراز لكزس ES لها للسوق الياباني لم يسبقها بيع ES في اليابان وستكون بديلة لكزس GS سيتم الكشف عنها مع تقنية الكاميرات في شهر أكتوبر ومن بعدها سيتم اطلاق الكاميرات الجانبية في الأسواق العالمية * تويوتا تسمي هذه التقنية الإنتاجية الأولى من نوعها في العالم المراة الرقمية .


‏


‏


‏


‏

‏



الفيديو

https://youtu.be/HZ98z6q2_2I

ما شالله سيارة وجاهة

أولا دخل الفرد بالسعوديه يختلف كثير عن دخل الفرد بالإمارات

ثانيا حنا أخوي محمد نتلكم عن وكيلنا المحلي كـ سعوديين ولا لنا علاقه بوكيل الإمارات والكويت وإلخ

الخليجي على أصوله هو اللي تستورده بعض المعارض بنفسها مثل معرض العمر و معرض دبي وحمزه وإلخ

لكزس ES موديل 2017 وقتها فل كامل DD لدى أبو جميل بـ 195 الف ريال ولا أحد حولها وياخذون CC منه مشلحه بس فرحانين بالبانوراما

والمعارض اللي توفر الخليجي تبيع DD بـ 175 ألف ريال بس !! و CC عندهم بـ 155 ألف ريال

وأبو جميل يبيع CC بـ 182 و المعارض 175 أقل شي

وهي أقل مواصفات من CC الخليجي .



أبو جميل وإدارته الفاشله بكل شيء من تسويق ومواصفات وإكسسورات حكم على نفسه بالخساره

من اللي بيدفع بسياره زادت 29 ألف ريال بعد ماكانت 180 ألف ريال ( فئة CC لأنها الأنجح والأرغب )

دخلت موقع امريكا حطيت كل شيء مواصفات طلعت ب 208 وهنا 229 زيادة ابو جميل 21 الف يا رجل سبيتوا ابو جميل وتركتوا الخليجي شوف تجربة حسن كتبي الفطيم فالامارات وصلتها 250 الف رحب حقه 50 الف ريال فالسيارة

الجيل السابق 166 الف فامريكا بشكل يومي كنت ادخل و اسوي build واتحلم وماخذ جوي 😁

زود على كذا قزاز دبل وجلد طبيعي مع مواد طبيعيه محصورة على dd و اف سبورت باقي ولا ريال ادفع فيهم حرام


لا الكامري لكزس شيوخ 😁 و لكزس افالون شيوخ 😂 ترى ماهو عيب اذا شاصي نفسه رح جرب القراندي 2018 وجرب es dd اذا ما حصلت فرق تعال قولي كامري شيوخ

كامري شيوخ كالعادة

هذا الملاحظ بتجربة حسن كتبي لنسخة الهايبرد كان صوت المكينة مرتفع عند التسارع .

ياخي شيء عجيب وكاله عبداللطيف جميل بالاسعار شيء غير منطقي
انا حاليا بصدد شراء جيب لكزس 2018 فئه AD الوكاله ب393 و المعارض 347 فرق جدا شاسع
ES سياره جميله وعمليه وهذا الموديل تغير كبير بس السعر جدا مبالغ فيه المنافسين حيارات افضل وارخص لكن ممكن مساله اعتماديه لكزس هي الاساس عند الناس

كلام جميل

من مواصفات الفخامة توفر العزم العالي وانطلاق السيارة بأدنى جهد ولمسة على البنزين

لكزس
والالماني 4 سلندر و4 سلندر تيربو
مقالب كبيرة بأسعار مبالغ فيها

وش فايدة اتخشيب والمواصفات اذا حنت المكينة على طول براسك ودايم طابق الدعسة للتنقلات الاعتيادية

وهالشي يستهلك بنزين اكثر ويتهلك عمر المحرك بشكل أكبر على العكس من ال 6 وال 8 سلندر

.الاربع سلندر والهايبرد ماراح يكون لها سوق لدينا
والسبب ضعف المحركات تخيل سياره فخمه تتسارع من الصفر 100 9 ثوان بالغصب مع ازعاج صوت المكينه الي بيشتريها راح يقع في فخ للاسف
6 سلندر ممتازه مكاين ناعمه وقويه معروفه من المديل السابق وزادة قوتها ممكن تتسارع من 0-100 اقل من 7 ثوان ولكن سعرها خيال 220 الف على سياره دفع امامي هذى المبلغ يجيب لي جي اس او bmw الفئه الخامسه والكثير من السيارات لاكن اكاد اجزم انها لن تتفوق عليها في الراحة والعزل والرحابة

السعر زاد في أمريكا فقط ٥٥٠ دولار فقط ٢٠٦٢.٥ ريال بس وهذا زايد حول ال٣٠ الف ريال !! ...
اتوقع المعارض تبيع بسعر ارخص بكثير كالمعتاد

تخسى كامري مطور ب 230
سحب أمامي وقوطي اقتصادي مع قليل من الفخامه ب 230

عموما اتوقع لها النجاح
لانها لكشش يلد شيك بالجيب:56:

اللي محيرني ان فيه فراغ بالفئات من الوكيل وخاصه ان مافي اي فئة مبلغها بحدود ١٧٠ او ١٨٠ الف واغلب الظن ان راح ينزل بالمعارض فئات خليجيه بسعر ١٧٠ و ١٨٠ الف ريال ويكسر سسعر الوكاله

ثم يجي وبكل وقاحه ويحارب المعارض اللي يوردون للسوق وارد خليجي بمواصفات أكثر وسعر أقل من سياراته

الأسعار لاتستحقها أبدا , حدها لأعلى فئه 190 ألف ريال بالأخير سحب أمامي و شاصي ومحركات أفالون

لكن من الواضح أن الأفالون 2019 بتكون نار أيضا






خلوها تصدي #

ماعنده وقت أبو جميل حاط الأسعار تبدأ من 200 الف

غاليه وماتستاهل هالاسعار

ES ب 230 الف تقريبا ؟؟!

سيارة حلوة مااختلفنا بس عاد بهالسعر لا فوق

ماتستحق بكثير! دفع امامي في الاخير!

يبدو لي يبي سوق الهيابرد يمشي

مااشوف فئة بتناسب للشراء كثرها

ابو جميل ماعندة لازم اي موديل جديد يرتفع سعرة لكن بهذة الصورة ما يعتبر ارتفاع هذه سرقة 30 الف ريال لكل فئة عن الموديل السابق ...

شكرا على وضع الأسعار
يعطيك العافيه

لا اعتقد ان لارتفاع السعر علاقة بال GS لأنه غالبا زبون الجي اس سيتجه لماركات منافسة توفر له دفع خلفي ناهيك على أن مبيعات الجي اس ضعيفة بالاساس

كالعادة سيتم تبرير الارتفاع بأنه هذه السيارة جيل جديد وافخم ومن هالكلام

خاصة صاحب القناة اللي فوق ثالث واحد اللي تشعر معه وهو يغطي هذه السيارة أو غيرها كأنه مندوب مبيعات يعمل في الشركة