تغيير زيت الجربوكس لهيونداي جينيسيس

عليكم السلام

حياك الله أخوي وياهلا فيك

المفترض أنك مواضب على تغيير زيت القير أول بأول وفقا للمسافة اللي حددها كتيب الصيانه ودليل المالك وبما أنك غيرته أول مره عند 120 ألف كم يعني المسافة اللي تليها تكون عند 200 ألف كم وترى أغلب وأكثر كتلوجات الصيانه لأنواع وموديلات مختلفه للسيارات خصوصا الموديلات الحديثه أقصى حد للمسافه هي عند 90 ألف كم ولكن بما أنه أغلب السيارات الحديثه تغيير الزيت يكون بدون تغيير الفلتر لأنه يكون داخلي ومايتغير الا وقت فك وعمل صيانه للقير الأفضل يكون تغيير الزيت عند 60 -70 ألف كم

عموما مالك الا حل واحد وهو انزال شئ بسيط جدا من الزيت لأجل الكشف والمعاينه واذا لقيته فيه لزوجه وبدون رائحه احتراق عادي لو حبيت تغيره بس اذا أسود ولزوجته شبه معدومه وفيه بدايه رائحه احتراق فلا تغيره أبدا الا اذا تبي تغيره بالتدريج كل مره تسحب مقدار لتر واحد وتحط نفس المقدار زيت جديد أصلي وتمشي عليه لمدة اسبوع مثلا وتكرر نفس الخطوات حتى تصل الى كمية الزيت اللي لو غيرته مره واحده يعني لو كان مقدار تغيير الزيت يأخذ 4 لترا راح تكرر الخطوات نفسها 4 مرات وبعدها تغيره مره واحد بالكامل

مشكور أخوي
المشكلة بحسب ما قرأت ان الجينيسيس صعب تشيك على زيته يا تغيره يا تتركه.

السيارة أغلب ممشاها على خطوط ونادراً أمشي فيها وسط البلد يمكن هالسبب اللي خلا الجربوكس بدون مشاكل ولله الحمد.