السلام عليكم ورحمة الله
اخواني الكرام
انا خذت لي مرسيدس E200 موديل 2019 والسياره حاليا كملت معي 6 اشهر (هذي اول سياره المانيه اشتريها قبل متعود على الياباني)
خلال 6 اشهر حصلت معي مشكلتين الاولى بسيطه والثانيه حصلت اليوم وضيقت خلقي وفني الوكاله كلامه ما اقتنعت فيه احس بس تصريف....
المشكله الاولى والبسيطه (حلتها لي الوكاله) هي انه الطشاش حق الماي للزجاج الامامي اختربت المضخه حقته وكان الموتر ناشي فقط 800 كيلو ..... جلست 4 ايام بدون السياره وصلحوها لي على الضمان وماشلت همها لانها شي بسيط
اليوم حصلت معي مشكله ثانيه والصراحه زعلتني كثير!!
السياره ماشيه فقط 7 الاف كيلو واليوم المغرب ولعت عندي لمبة انذار انه مستوى زيت المحرك منخفض جدا!!!!!!!!!!
على طول طفيت السياره وكلمت صيانة المرسيدس واخذوا السياره بعد انتظار ساعه وربع متعطل فالطريق
ياجماعة الخير شلون سياره من الوكاله تستهلك زيت!!!!! اليوم عبوها لي 4 لتر والفورمن حقهم كان يبيني ادفع قيمة الزيت اللي اضافوه في المحرك وانا رفضت رفض قاطع ..... كيف تقولون لي في المعرض قبل 6 اشهر انه زيت السياره يتبدل كل 15 الف وهو وصل فقط 7 الاف وخلص الزيت كامل؟؟؟؟
كيف توصل 15 الف وهي تبلع الزيت كله وهي جديده!!!!
اللحين بحثت في منتديات مرسيدس (امريكا واوروبا) وحصلت فقط شخصين نفس حالتي وواحد منهم كاتب انه رجع لكتلوج الوكاله وطلع مكتوب انه السياره تستهلك علبة زيت واحده كل 600 ميل (1000 كيلو)
معقول هالكلام هذا .... والله شي يغبن اشتري فخر الصناعه الالمانيه وكل 1000 كيلو افتح غطاء المحرك علشان اعبي زيت حالي من حال اللي عنده سياره قديمه موديلات الثمانينات؟؟؟؟؟؟؟؟
ابي اعرف .... انتوا ياملاك المرسيدس هل عندكم نفس الوضع وهذا طبيعي ولا ايش؟
