مروحه التبريد تشتغل والسياره طافبه

موضوع ونقاش مفيد ومعلومات قيمة

معرفة الخلل نصف العلاج والحمد الله ان المشاكل طلع حلها سهل

شكراً بشير والتيما على الفائدة

.

الله يحييك أخوي ومشكور على الرد والافادة وبالتوفيق

.
تمت تجربة السياره لمدة اسبوعين لجل التأكد ولله الحمد مشيت الامور على مايرام ولم تولع لمبه المكينه وهذا من فضل ربي
تقبلو تحياتي

.

مساء النور

حياك الله أخوي ومشرفنا السابق

كلامك هو الصحيح لأنه احد الأسباب الرئيسية لظهور الكود ومن ثم ظهور لمبة فحص المكينة بالطبلون هو ضعف اما في شحن الدينمو أو ضعف في دائرة شحن البطارية وهذا كله حصل لك بسبب خراب وضعف في أداء الدينمو واللي يسميه البعض في بعض الدول او التسميه الصحيحه "الشاحن " فأنا وقبل كل شئ العلم عند الله لن اتوقع ظهور اللمبة مره ثانية خصوصا أنك تقول غيرت الدينمو بواحد جديد

.
مساء الخير
فحصت كمبيوتر ومابين شي بسبب ان لمبة المكينه طافيه ومشيت من عند الورشه بعد مسافه ولعه لمبه المكينه ورجعت فحصت وطلع الكود P0603
وهوا خاص ب ECM ومسح الكود صاحب الورشه
طبعا سبب ضهور المشكله بسبب تذبذب الكهرباء ايام الدينمو القديم
طبعا فني الغفله الي كشف قالي الله يعينك لازم تبدل الكمبيوتر او شوف شخص متخصص نيسان ان شاء الله يجد لك حل
لقيت في موقع اجنبي كاتب عن المشكله بأنه اذا تم مسح الكود وماولعه المبه فيكون الامر انحل واما اذا ولعة المبه معناه رجع الكود فلازم اما برمجة الكمبيوتر او تبديله
دعواتكم تضل طافيه للمبة المكينه
تقبلو تحياتي

.
حياك اخوي وصباح الخير

المسألة كلها مسألة اذواق وتجارب بس أنا قلت بحكم اللي اعرفه وعموما سعره يعتبر جيد أما بالنسبة الى لمبة المكينة حاول تفحصها وترد وان شاء الله خير .............بالتوفيق

.
الله يبشرك بالجنه
مشكلة تبديل الفحمات للدينمو ماتطول المسأله ويرجع يخرب عن تجربه لمعارف
لله الحمد لقيت دينمو ياباني بسعر
يعتبر رخيص 450 ريال وطبعا اشتريته لانه افضل من الاصلي مستعمل تشليح
لاكن المشكله لمبة المكينه رجعت ولعت بعد مامشيت مسافه وحاولت فصلت البطاريه لمدة ساعه ونفس الشي بعد ما امشي مسافه تولع لمبه المكينه
بكره بفحص كمبيوتر واشوف السبب
تحياتي

.
ياهلا ويامرحبا بالغالي وبمشرفنا السابق

بشرك الله بالخير والشكر لله ومن ثم لك لأنك أنت اجتهدت بعملك هذا

عموما بالنسبة الى الدينمو في السيارات اليابانية اللي اكتشفته أنه الدينمو اللي يخرب فيه عادة وأكثر شئ هو الفحمات فأنت حاول تفك الدينمو وخلي الكهربائي يكشف لك شنو الخربان فيه وان شاء الله مايتعدى الخراب فحمات وسعر الفحمات عادة رخيص وانواع كثيره وفيه أصلي وفيه أنواع طيبه وأنت وشطارتك في البحث وكثير يوفرونه في محلات بيع قطع الغيار وبكذا ماراح تحتاج تغير الدينموو

.
الحمدلله ضبطة السياره بعد تبديل كتاوت وفيوز المروحه
الف شكر اخوي بشير على تعاونك معي
وحاليا اكتشفت سبب اضاءة لمبة المكينه مع لمبة البطاريه وكان الدينمو يحتاج تبديل والله يخارجنا

.
الله يبشرك بالخير
موجود كتاوت لاني اشتريت واحد اول ماصارت المشكله
الله يكون بالعون في محاولتي لتغيره
واذا صار راح اطلعك بالنتيجه
تقبل تحياتي

.
الله يحييك ياغالي

حسب خبرتي واللي متأكد منه 100% وحسب التجارب السابقه أكيد لكل مروحه كتاوت relay وفيوز خاص فيها فأنت حاول تشوف في نفس علبة الفيوزات كتاوت نفس رقم كتاوت المروحه الثانيه وحاول تركبه وان شاء الله تشتغل

.
الله يبقيك مشرفنا الغالي
دورت عليه ماحصلته ما اتوقع يكون موجود لاني تابعت ضفيرة المراوح بدقه
حاليا اكتشفت امر جديد
في خريطة الفيوات الموضحه في غطاء الفيوز
كنت اشوف كتاوت ثاني غير الي بدلته لاكن ماحصلته
واليوم اثناء الفحص لقيته وموقعه اسفل علبة الفيوزات ومغطيه عليه الظفيره
بحاول ابدله لاكن عندي استفسار
هل كل مروحه لها كتاوت خاص بعملها ؟؟؟
لان اذا كانت الاجابه نعم ان شاء الله وجدت الخلل
لان الكتاوت الي مابدلته مكتوب عليه رقم 2
وفيوز المروحه الي ظرب والمروحه الي ماتشتغل رقم 2
الله يسهل