مقارنه محيره بين كيكس من نيسان و zs من MG

السلام عليكم ورحمه الله وبركاته
اشكر كل من شارك برائيه وطرحه وكان في دائره الاهتمامي وتم تنبيهي في اشياء لم تكن في حساباتي
اليوم زرت الوكاله انا والمدام لمشاهده عدد من السيارات في نفس الفئه كيكس، zs, و مازدا cx30
الكيكس الجديده ممتازه لكن سعرها وصل ٩٠ الف وبهذا السعر اقد اطلع سياره اكثر رحابه وافخم
وتفاجئت ان ما فيها تكييف خلفي ولا فتحه هذا الفل وهذه بحد ذاتها صدمه تجعلني اعيد حساباتي
ZS جميله ورائعه ومواصفات في الصميم وسعر مغري ( مكتمله) ترددي فيها اني اطلعت على تقرير يوتبر
ووضح ان تثبيت الرديتر في جسم السياره من البلاستيك ينكسر في المطبات وفعلا شفت هالشئ على الطبيعه
وجاوبني احد الاشخاص المستخدمين لها ما نصحني عزمها ضعييييف مره.
CX30 من مازدا روعه وعليها سحب مو طبيعي تجي نصف فل فيها مكيف خلفي ( مهم جدا) وفتحه واقتصاديه
وسعرها ٨٩،٥٠٠ ريال.
انا لازم اشتري سياره خلال شهرين قادمه ومحتار في المازدا سياره جديده زيرو او ازيدها ١٠ الف واشيل سياره مازدا مستعمله حشمه من CX5
فل كامل افخم واوسع واجمل.
الزملاء بين امرين احد يقول دام وصلت هالمبلغ خلها جديده ٢٠٢١.لك وللزمن وتكون تربيتك تعرف كل مسمار فيها
المستعمل اذا بتاخذه يكون في بحر ٨٠ الف
والاخر يقول حرام توصل ٩٠ الف في سياره بحجم CX30 نصف فل خذ سياره افخم لو مستعمله.
وواحد من الشباب شطح برائيه يقول اني طلعت من عالم الاقتصاديه بمبلغ ٨٠ الف . الاقتصاديه بنظره يكون حده ٧٠ الف طالما اني اخطط على سياره عائليه لاني راح اشتري سياره عائليه فخمه من الحجم الكبير سعرها حدود ٣٠٠ الف غير اقتصاديه في البنزين باذن بعد سنه. واحتمال اخذ ٥٠ الف قرض اكمل مبلغها وان شاء الله ما احتاج يمكن هالسنه انتظار يتوفر مبلغها
ملخص الكلام السياره اليوميه لازم عمليه واقتصاديه وفيها لمسه فخامه،،

السلام عليكم

جاي متأخر :47:

الاخوان ماقصور ومحمد وضح كثير من الامور خاصة انه من ملاك احد السيارات الصنية وله تجارب عديده ، وبالنسبة لشركات الاجرة اغلب الوكالات يعطونهم عروض قوية على السيارات او ياخذونها بنظام التأجير وهي حركة تسويقية بحيث الي يستاجر السيارة قد تعجبة ويشتريها في المستقبل فقد تكون الاعتمادية ليست الاساس في استخدام شركات الاحرة لها خاصة في المطارات

اتفق معاك اخي شفق في طرحك وفكرة جعل خدمات مابعد البيع من اهم الامور عند الشراء واييدك فيها فاغلب المواصفات تدفع قيمتها ولا تسخدمها الا ماندر ( كثرة التقنية غالباً تعني مجال اكبر للاعطال )

مرت علي تجارب بعض الزملاء الي اخذو سيارات جديدة في السوق او غير متتشرة علشان المواصفات ووقت الصيانة تورطو اما بسبب شح القطع وعدم توفرها او سعرها المبالغ فيه بسبب قلة المبيعات

وجود ضمان قوي شيء جيد لكن الكلام كم مرة راح تحتاج انك تسخدمة اذا كان المنتج ممتاز في الغالب لن تحتاج له

سيارات ام جي شخصياً اشوفها من افضل السيارات الصينية ولها اكثر من 9 سنوات في السوق السعودي
والملاحظة على السيارات الصينية ان اغلب قطعها من شركات اوربية وهذا قد يساهم في رفع اسعار قطع الغيار بشكل كبير فالتكد من هذه النقظة امر مهم


جربت السياراتين المذكورتين وكلها جيدة

https://www.youtube.com/watch?v=z1bQk0z2u9o


https://www.youtube.com/watch?v=jxig5OXWICk

اقترح عليك

https://www.youtube.com/watch?v=q2Dunb9Jg9M

حاول تجرب السيارة قبل الشراء واذا متوفرة اجرة افضل اسخدام كم يوم تاخذ فكرة كاملة عن الاستخدام اليومي
ولا تنسى الاستخارة
بالتوفيق ومبروك مقدماً

شركات التأجير غالباً تأخذ السيارات الرخيصة وتقعد عندهم خمس سنوات ويغيرونها لكن بحكم تجربتك اعتقد ان السيارات الصينية راح تسيطر على السوق مثل السيارات الكورية ايام الثمانينات كانت مجهولة وغير مرغوب فيها الحين ملكت السوق وتنافس الياباني .

واغلب مستخدين السيارات الصينية يمدحونها يشتكون فقط من موضوع بعض الوكلاء و ورش الصيانه بحكم انها جديده في السوق وهذا شئ طبيعي .
انا معجب بها شخصياً لأنها اقل سعر واقتصادية وفيها فخامه .
لكن مثل ما وضحت في ردودي خدمات ما بعد البيع مشكله .
المازدا على قدمها وتاريخها في السوق وقوتها الا ان الوكيل سئ (الرينو والبيجو) ماركات عريقه ولها انتشار كبير في المغرب العربي ومصر لكن الوكيل مضيعها الميستويشي من اكثر السيارات اعتمادية وقويه واغلب الشركات تأخذها لموظفينها لأنها تصبر ويابانية من الصدام للصدام برضوه الوكيل عنده مشكله الفولفو نفس الكلام .
من اهم الأشياء في شراء اي منتج خدمات ما بعد البيع.
ومن جهه ثانيه موضوع الاسعار مولعه
نيسان عندهم نظام 50 %دفعه اولى ويقسطون المبلغ حسب راتبك واخر المده تدفع الباقي مثل هالنظام

اخوي شفق الوضع عندنا ممتاز والسيارات ماشية تمام عال العال والصيانات موجودة وقطع الغيار كمان غير ان شركات التأجير عندنا سياراتهم شانجان وفاو وGAC اما وكيل شيري فهو الناغي استلم الوكالة من اليمني واصبح وكيل شيري واكسيد اللي هي فئة افخم من شيري قليلا والمجدوعي وكيل شانجان وGAC انا جربت سيارتين اللي هي GS3 تنافس الكريتا والكيكس وكان محركها ممتاز سعة 1.3L تيربو قوة 135 حصان وجربت السيدان اللي تنافس الكورولا بنفس المحرك جربتهم في طرق جبلية واثبتو كفاءة ممتازة وماخذينهم شركات التأجير

.

.صحيح شفتها على الطبيعه عدلوا فيها من الداخل اضافوا تكاية وسطيه من الخارج غيروا الشبك الأمامي والأنوار ليد ومن الخلف صار فيه تعديل اضافوا خط أحمر عاكس بين الأسطبات

.لله يمسيك بالرضا بحكم خبرتك في السيارات الصينية بالذات في المنطقةالجنوبية كيف وضعها في العزم في المرتفعات ومكيفها في الصيف اما الوكلات المجدوعي اعتقد عنده وكاله شيري والجميح جاك لكن مستخدميها ما مدحوها الوكيل ممتاز لكن السياره ماهي مثل السيارات الثانيه في الاعتمادية السيارات الصينية مثل مكتب سابقا انتشرت في شوارعنا بسبب رخص الأسعار ووالمواصفات المميزة ان كان فيها عييب فقط انها جديده في السوق ما كملت عشر سنوات حتى يبان وضعها واعتماديتها ..... وهذا من اسباب التردد في السيارات الصينية .

    .الله يمسيك بالرضا 
بحكم خبرتك في السيارات الصينية بالذات في المنطقةالجنوبية   كيف وضعها في العزم في المرتفعات  ومكيفها في الصيف   اما الوكلات المجدوعي اعتقد عنده وكاله شيري  والجميح جاك  لكن مستخدميها ما مدحوها   الوكيل ممتاز لكن السياره ماهي مثل السيارات الثانيه في الاعتمادية 
السيارات الصينية مثل مكتب سابقا  انتشرت في شوارعنا بسبب رخص الأسعار ووالمواصفات المميزة   ان كان فيها عييب  فقط انها جديده في السوق ما كملت عشر سنوات حتى يبان وضعها واعتماديتها ..... وهذا من اسباب التردد في السيارات الصينية

عندك خيار ثالث اللي هو الجميح ممكن تشوف ال GAC-GS5 على الرغم ان فيه تحتها فئتين GS4وGS3





GS5 GL 2021

72,900 ر.س.


السعر النقدي لا يشمل الضريبة*

استمتع بمزايا إضافية مع العرض:


ضمان ٥ سنوات مفتوح الكيلومترات
خدمة المساعدة على الطريق ٥ سنوات
باقة صيانة 3 سنوات أو 55,000 كلم أيهما أسبق

اتفق معك في ان نيسان شركة عريقه ايام الحمراني كانت في عزها لكن ظلمها الوكيل العيسى وظلمت من عقليه الناس اللي شوهت سمعتها في الامارات يحترمون النيسان مثل احترامنا لتويوتا وهونداي عندي سياره نيسان قديمه لها فوق 20 سنه مكينه وقير نفسه ما تغير فقط تغيرات في المساعدات والمكيف وهذا طبيعي مع هالسنوات الوكيل الحالي لنيسان افضل من اللي قبله خصوصا مع محلات صيانه بترومين المعتمده من نيسان المنتشره في كل مكان .
بالنسبه لي انا من سكان العاصمه ما عندي مشكله في وكلاء السيارات جميعا لكن الزحمه تخليك تبعد عن بعض الوكلاء وتأمين القطع الغير متوفره وقت احتياجك لها يعني تتعطل تتوهق مو مثل بعض السيارات تحصل قطعها في المحلات اللي عند الورش .
صحيح ضمان بعض الشركات ممتاز مثل MG يعطيك 6 سنوات او 300 الف كيلوا احلا عرض ما تحصله في اي شركه وعندهم في الرياض فرعين لكن الناس تشكي من عدم جاهزية القطع لأن الطلب على السياره اكبر من إمكانياتهم .

للمعلومية الكيكس الفيسلفت نزل عند بترومين
https://www.assayyarat.com/forums/t331481.html#post3182108
ومواصفاته افضل بكثير من الشكل السابق

مرحبا الف فيك اخوي شفق مشكلة الوكلاء والفروع بدأو يحلونها باعطاء حق التوزيع الحصري لموزعين يكون عندهم صالات عرض ومراكز صيانة وقطع غيار ويظلون هم في المناطق الرئيسية الثلاث جدة والرياض والخبر وهذي الطريقة اغلب وكلاء السيارات الصينية عملوها منهم وكيل جريت وول وهافال ووكيل شانجان ووكيل MG انا في الجنوب عندي الموزعين الثلاثة وكل واحد عندة صالة عرض كبيرة ومركز صبانة وقطع غيار غير وجود وكيلين لسيارات صينية عندي في نفس المدينة واحد وكيل BYD وفوتون والثاني وكيل جيتور الصينية اللي هو البسامي الأزرق وعندة شركة نقليات وبعدين الوكيل علشان يفتح فروع تحتاج دراسة لأن المسألة فيها مصاريف من استئجار موقع بمبلغ وقدرة لايقل عن 500 الف ريال غير الطاقات البشرية اللي هم الموظفين كل فرع لازم لايقل عدد الموظفين عن 15 موظف من مدير فرع وموظفي مبيعات وامين صندوق ورجلي امن وموظفي الصيانة ومدير الورشة وموظفي قطع الغيار وهذا الشي ليس سهل ارجو ان المعلومة وضحت


.

ما شاء الله عليك،،،،، صاحب معلومات ممتازه
شوف السيارات الصينيه غزت السوق بسبب تدني اسعارها ومواصفاتها اكثر من ممتاز. بعضها يتفوق على الياباني
وداخله للسوق بقوه.
مشكلتها الوكلاء ما عندهم فروع وخدمات ما بعد البيع بجوده عاليه.
MG و شانجان وشيري وهافال. اروع السيارات الصينيه
وتحتار بينهم.

هلا ومرحبا الف فيك اشوفك اخوي انت متردد اذا انت تبغى النيسان كيكس فأحب اقولك هي ماتفرق عن الصني الجديدة نفس الجير والمحرك وتخوفك على مشكلة قطع الغيار او الوكيل فكلهم ملزمين بتوفير قطع الغيار ووزارة التجارة الأن شادة حيلها على الوكالات فكل الوكالات تستورد قطع الغيار قبل وصول السيارات بشهرين وانا رشحت لك السيارات المناسبة وايضا لاتنسى النيسان ضمانة 3سنوات و100 الف والأخرين 5سنوت و150 الف او 6سنوات و200 الف يعني لازم تحسب الضمان ومعه خدمة المساعدة على الطريق لمدة 5سنوات وهذي غير موجودة في نيسان والكيكس هي نفسها الصني محرك وجير مع اختلاف الهيكل البودي مثل الأنوفا والهايلوكس نفس الجير والمحرك ولاتنسى الحجم والمحرك فرق بين 118 وبين 150 و163 حصان يعني فرق 45 حصان وناقل الحركة في الكيكس سي في تي وللمعلومية اغلب السيارات بهذا الجير ماتعطيك عزمها وتحس المحرك صوتها عالي انا جربت سيارات بناقل السي في تي ومنها الكورولا الجديدة بمحرك 1.5L ثلاث سرندلات المحرك مثل مايقولون يصيح بسبب ناقل الحركة السي في تي واخر سيارة جربتها ميتسوبيشي اتراج وهي ايضا بناقل حركة سي في تي وراح انزل موضوع عنها اليوم شوف انت صلي لك ركعتين استخارة وشوف الأنسب لك


.

التويوتا والهواندي نفس الفئه غاليه بالحيل هذه السياره الفل ٨٥ الفل اللي تقارن بها في هونداي كونا واسعارها تبدأ ب ٨٠ الف
التويوتا مافيه فئه نفس حجمها لكن اسعار التويوتا نار مولعه لذا صرفت النظر عنها.
النيسان افضل الموجود ويابانيه

اذا الوكالة قريبة من بيتك واستخدام داخل المدينة اشتر الام جي بالنسبة للوكيل ملزم بتوفير قطع الغيار النادرة خلال 14 يوم
هذه لوايح وزارة التجارة بما يخص قطع الغيار
https://mci.gov.sa/ar/Regulations/Pages/Details.aspx?lawid=5f5a308a-74c7-4ff8-a24f-a84100c21c48

والصيانة مو لازم في الوكيل سوها في بترومين لكن خذ الفلاتر وقطع الغيار من الوكالة او اي مركز يسوي صيانة حسب متطلبات الشركة المصنعة وماتطيح من الضمان يضل ساري




لي ١٩ سنة اسوق النيسان وعدة موديلات ماقد عانيت من القطع ولله الحمد لو ماحصلتها في محل احصلها في محل اخر ولو ماحصلتها طلبية اليوم الثاني يجيبونها لي وباسعار معقولة
لو انك ساكن في الشمال الحدود الشمالية او الجنوب اتفق معك ممكن بتعاني بعد ماقفل الحمراني والعيسى ولايوجد فروع قطع غيار بترومين اوتو كير فقط المحلات لكن الشرقية والوسطى والغربية متوفرة بالراحة
في المقابل الصيني فلتر زيت في البناشر مافي الا فلاتر زيت تويوتا ومستوبيشي وفلاتر هواء لاتوجد ,,,,,مافي الا الوكالة مافي مقارنة مع النيسان الي الفلاتر في كل بنشر في السعودية اسافر وارمي السيارة في البنشر واتعشى ويحط فلتر اصلي بعد !!

كلهم قلة انتشار واكيد قلة توفر لقطع الغيار وبتكون على الطلب وغالية... ليتك تروح لتويوتا او هيونداي متوفرة اكثر.. ولن تعاني في قطع الغيار او اعادة البيع.

هذا الشئ اللي لخبط اوراقي

خلك على الشركه المعروفه وقطع غيارها في كل مكان
لاتغرك الفخامه والشاشات والجلد كلها ماتنفعك اذا جيت تدور قطعه