السلام عليكم ورحمة الله وبركاته
بتعبكم معاي شوي اخواني بس تحملوني لاهنتم
صراحه شفت مواضيع عن الايبيكا واعجبت بها كثير بس مثلي مثل اي شخص ماعمره جرب الصناعة الكورية خايف منها وبقوة بعد
ياريت يااخواني الله يسعدكم تذكرون لي ماتستطيعون من التالي
ايجابيات وسلبيات السيارة!
صرفية السيارة للبنزين كيف!! (4 سلندر )
اسعار قطع الغيار الي تستهلك بكثرة مكلفة ولااسعار معقولة!!!
السيارة تتحمل كرف ولالا
ياريت اذا احد يعرف لي سعر السيارة بالمواصفات التالية
اللون اسود + قير توماتيك + جنوط
اعذروني بتعبكم وياي بس قلت اكتب الي ابيه هنا افضل لي
FOX_7
هلا وغلا اخوي، احنا دورنا نوضح لك الأمور والقرار يرجع لك انت وحدك.
أرخص نوع للإيبيكا قير اوتوماتيك وجنوط بـ56000 ريال.
السيارة عيبها انها تصرف شوي بنزين اذا رجلك حارّة، بس اذا سواقتك هادية ان شاء الله مافيه اي مشكلة.
ايجابياتها:
مريحة على الخط
العزم جيد ومقبول جداً
ثابته وراسيه على الخط
مكيف قوي جداً
رحابة داخلية ممتازة
سلبيات؟
مثل ماقلت لك، يمكن بس صرفية البنزين اذا انت واحد دايم يسرع بالسواقة.
كذلك، الأمان.
يعني اذا بتاخذ اللي قلت لك عليها بـ56000 ريال، مافيها الا اير باق واحد بس للسائق وهذي مصيبة...
وبالنسبة لقطع الغيار، انا للحين اخوي ماجرّبت الحمد لله اغير اشياء كبيرة، لكن ما اتوقع تكون اسعارها غالية.
أخيراً، الإيبيكا عزيزي لا تأتي 4 سلندر على الإطلاق.
الله يوفقك ومثل ماقلت لك اخوي، احنا دورنا نوجه ونوضح لك الأمور والقرار لك وحدك.
اذا تبي نصيحتي، استأجر السيارة يوم ولا نص يوم واختبرها بنفسك.
تحياتي
