صرفية بنزين؟؟!!

خلاص تأكدت ان السيارة ابدا ما تصرف وايد
لأن افولها ب 3.5 دينار وتمشي معاي 400 كيلو
فأعتقد انها صرفية معقولة خصوصا انه رجلي ثقيلة على البنزين ((مو أقل من النص))
وبعدين انا ما امشي فيها بخطوط سريعة
دائما بالمدن وانتو عارفين ان بين المطبة والمطبة مطبةه عندنا بالكويت :)

سلام اقول السياره تصرف وتصرف واجد
الكامري 4سلندر الخزان كامل 400 كيلو
وسيارتك اصغر منها اشوي تصرف زيها مو معقول

مشكورين جدا يا اخوان على هذا التفاعل الطيب :)

اخوي Bo_nA$$rA كم ماشية السيارة ؟ اذا كانت جديده ومامشت 5000 كيلو الى الان فلاتحسب استهلاك الوقود لأن المحرك بيكون تحت التمرين وبيكون استهلاكه غير محدد اما اذا كانت ماشيه اكثر فسيارتك مشيها غير طبيعي
استهلاك سيارتك الطبيعي هو :
9.8 لتر لكل 100 كم ( مدن )
7.1 لتر لكل 100 كم ( طرق سريعه )

يعني المفروض تانكي 60 لتر يمشيك 612 كم في المدن و 845 في الطرق السريعه طبعا هذا لسرعة 120 كم بحد اقصى

شووف اخوي انا على سيارتي من الدمام الى الكويت تصرف ربع وشوي تانكي
والسرعه 80
ومره كنت ماشي 180 - 200 من الدمام الى نويصيب باقي على الكويت 100 كيلو
التانكي فاضي ...
يعني على حسب السرعه
وعلى حسب رجلك على دواست البانزين يعني لا تعدي الضغط (3) وعلى كذا ماراح تصرف وكل مازاد الضغط كثرت صرفيته
(المعروف ماتعدي الضغط 3 )

المكتوب عندي ان خزانها 61 لتر
مع انها لي فولتها تاخذ 3.500 دينار((3دنانير ونص)).... يمكن الباجي بالخزان الاحتياطي...
المهم
يعني السؤال بطريقة ثانية هل 42 ريال لكل 400 كيلو صرفية معقولة لسيارة 4سلندر؟؟
هذا هو السؤال :)
وشكرا

شكرا لكم جميعا
والله شكلي براجع الوكالة لأنهم فعلا متعاونين ويفتحون النفس :)

اقول يا اخوان هذا بسيط طيب الجموس عندي جمس 94 دبل طير عقولنا من صرفية البنزين فيه حل له والا الله يعين على المعارض بس والله حسافه السيارة قويه وراسيه على الطريق

على حسب
الدعس


لان كلما زادت السرعه عن 120 بدا

يصبح الصرف دبل

وهذا شي علمي

اخوك

كابرسSS

اوف خزانها 61 لتر؟
وانت تمشي 400 كيلو يكون البنزين مررررره مغلق يعني؟
يعني حوالي 55 ريال لل400 كيلو
اذا كده انا اشوف انها تصرف بنزين خصوصا انها 4 سلندر 2.2 لتر بس
شوف انت احسبها كده
اذا مشيت 400 كيلو المفروض تعبي ب 40 ريال او اقل اذا مادعست كتير
انا في الماكس 6 سلندر 3000 سي سي وامشي 350 كيلو اعبي ب 33 ريال اكتر او اقل حسب المشي
وفي المرسديس الله يمتحنه ياكل بنزين كتير امشي 400 كيلو اعبي ب50ريال تقريبا او اكتر شويه مع انه 6 سلندر وقديمه السياره موديل 92 وتقيله مره
سيارتك غيرلها فلتر هوا وبواجي وفلتر بنزين اهم شي
ويمكن هيا كده تصميمها يصرف بنزين الله اعلم

شكرا لكم
والله ريحتوني مع اني توقعت كونها 4 سلندر انها تمشي على الأقل 500 كيلو خصوصا انه خزانها 61 لتر

ماعندي خبره

لكن اتوقع انه كويسه على السياره