حبيبكم /TSS_LUMINA SS\ راح يطلع سياره ويبغى رايكم باللون

حبيبي ابو نايف

باي سياره لونها غامق بعد فتره تطلع على السياره

مخوش او خدشات صغير مره على شكل دائره انت تقول هذا بسبب

التنظيف الخاطئ

طيب لو حطيت السائل حق عبداللطيف الي يمنع الخدوش راح تجي الخدوش

بالسياره اذا غسلتها او السائل يحميها ؟

فهمت الحين

عزيزي طلال ممكن توضحلي أكثر (( لكن لاحظت بجسي الزيتي بالشمس تظهر مخوش على شكل دوائر

اذا حطيت السائل هذا من العبداللطيف

ما راح يجي او لا ؟))
ماني فهم كلامك هههههههههه
خذني على قد عقلي 9999

هلا حبيبي العقاب

كيف تعديلات مدروسه ؟

طلااااااااااااال انصحك ترى هذي نصيحة بالفضي وشوية تعديلات مدروسة والله وما أحد بيعرفها اسأل مجرررررررررررررررررب وبس..........

مشكور حبيبي او نايف

كلامك ذهب

اكيد راح اوديها هناك

لكن لاحظت بجسي الزيتي بالشمس تظهر مخوش على شكل دوائر

اذا حطيت السائل هذا من العبداللطيف

ما راح يجي او لا ؟

حبيبي TSS_LUMINA SS
قبل كل شي تأكد إنك لو أشتريت اللون الاسود راح تكون سبشل والكل رايح يمدح سيارتك ومستحيل تلاقي أحد يعيب هذا اللون الملكي خصوصا على ss

بعد ماتطلع السيارة إذهب فورا إلى شركة عبد اللطيف جميل (تويوتا) وقلهم أبي أحط المادة الزجاجية الخاصة بالبوية (400 ريال) من الخارج (800)من الأسفل والخارج

وبعد مايضعونها رايح يعطوك مفتاح ويقولولك جرب واخدش السيارة صدقني ماراح تجد الخدوش ..طبعا أنا أخذت هذا الكلام من واحد مجرب وصاحب محل زينة ..وقالي إن المادة تفضل لأكثر من 3 سنين ...

الخدوش اللي ذكرتها سببها الغسيل الخاطئ بالفيري أو الصابون ...لازم تغسلها بالماء مع قطعة قماش ناعمة فقط لاغير

أنا للأسف وديت سيارتي للتلميع الساطع ودفعت حوالي 500 ريال ولكن مادتهم مغشوشة مو مثل عبداللطيف جميل

خذها نصيحة أخ لك
أبو نايف9999
مع التحية

طيب اخوي الاكوردي ابو نايف

طيب كيف اتخلص من المخشات على شكل دوائر بالكبوت السياره

اخاف اطلعها وتطلع مخشه بعد فتره ؟

لكن ما ينخاف على اللون الأسود طالما يكون مع إنسان مثلك

أبو نايف

هلا اخوي نايف

والله الاسود حلو لكن يقولون يتوسخ ويتمخش بسرعه .

خايف علشان كذا

بالتوفيق...

والله حبيب الكل

نصيحة محب الأسود وبس ...والله روعة والله جنان المفروض من أول تقتنع بالأسود

أخوك أبونايف9999

هلا اخوي فتر التحليه

مشكور على الرد

الله يسهل

:D

ياهلا والله اخوي طلال ...

ومبرووووك مقدماً .. والله يعطيك خيرها ويكفيك شرها ...

والصراحه اشوف الابيض حلو عليها ... والاسود كل العالم تاخذه يعني مكرر ..

وان حصل الموف فمهوب شين ..

<< - - - يقالك ينصح الحين.. ما استفدت شئ انا عارف ...

بالعربي .. الابيض .. وان شفت نفسك ماودك فالموف ..

وبالتوفيق مقدماً ...

تحياتي ..

هلا حبيبي عبودي

جلد احمر كيف

يطلع حلوو

فيه اس اس ابيض جلد احمر ؟

مشكور على الرد

اسف على التاخير في الرد..
على البركه مقدما والله يجعلها عون لك في طاعته..

الابيض لايعلى على في اللومينا.بس لو تحصل جلد احمر..تطلع شي غير طبيعي

هلا اخوي THA MAX

الله الله الله

ردك روووووووووعه الله لا يحرمني منك

الصراحه تعجبني بالرد وافي وكافي

وان شاء الله القا ابيض فل كامل جلد اسود

افففففففففففففف

تطلع روعه

مشكور

السلام عليكم ورحمة الله وبركاته

اولا اقولك مبروك الف مبروك والله يعطيك من خيرها ويكفيها شرها واسمح لي على الرد المتاخر وهذا مو معناه لعدم اهميتك لكن لظروفي وانشغالي .

بالنسبة للون انا اقولك وش تاخذ :
خذ (( اسودأحمرفضيموفيأبيض )) :D علشان ترضي الشباب لان الصراحه اشوف بدل مايخلونك على راي اشوفهم طلعوا لك مليون راي .

طلولي خلنا نتكلم عن الالوان شوي ومن بعدها انت ورايك .
اسود :
المزايا
لون جميل ومميز وماعليه اي كلام من ناحية الجمال .
العيوب :
1- سرييييع التغبير
2- اقل خدش لاسمح الله راح يبين فيه .
3- يبغاله تنظيف دقييق جدا يعني مو اي تنظيف .
4- في الشمس راح تشوفه يجذب الحرارة لك .

الفضي
المزايا :
لون جميل ومقبول
العيوب :
1- منتشر انتشار كبييييييير في الرياض صراحة .
2- ماله اي تميز لانه تشوف على ال اس وعلى ال تي زد .

الابيض
المزايا :
هو والله سيد الالوان واكبر دليل شوف من كم سنة وهاللون موجود ومع ذلك الى الان الناس تاخذه على جميع السيارات وهو لون حلو على اللومينا اس اس .
العيوب :
صراحة اللون الوحيد اللي ماحصلت فيه عيوب

الاحمر
المزايا :
لون براق وجذاب جدا جدا ( خاصة للبنات ) :rolleyes: ومميز واكثر شي تلاحظه على السيارات الرياضية مثل الفيراري .
العيوب :
نفس الشي ماحصلت عليه اية عيوب تذكر

الموف
يارجال اذا تاخذه صدقني ماعندك عند جدتي والله لاهو حلو ولاشي وانصحك تبتعد عنه .

الحين خلني اتكلم بحرية شوي واعطيك رايي واللي هو يتمثل في اللون الابيض
والله لون لك وللزمن ولاسمح الله صار حادث او صار في السيارة خدش لون البوية يكون متوفر ومايبين في السيارة انها مصلحه وغير هذا لو خذت بيضا وحطيت لها تضليله اسود تطلع جناااااااااان . واكثر شي انصحك تبتعد عنه هو الاسود لان بصراحه يبي له تنظيف ولاتقول راح انظفها واعتني فيها هذا يكون في البداية اول ماتاخذ السيارة لكن من بعدها راح تطفش وغير هذا بعد شهر او شهرين راح تلاحظ مع ضربة الشمس وجود خدوش كثييييييييييييييييييييرة وصغيرة في البوية واذا تبي تعرف اكثر اسئل اللي عندهم اللون الاسود وشف وش يقولون لك وفي اشياء كثيره وهذه لك نصيحتي ياطلال ابعد عن الاسود وخلك على الابيض والله ابرك لك واخير لك وازيدك من رايي بعد خذ ابيض والمقاعد احمر والله حلوة .

واعذرني طولت معاك لكن صدقني لولا غلاتك ماكتبت كل هالكلام اللي كتبته واتمنى تستفيد .
وكلمة اخيرة يا طلال
( خذ ابيض )

اخوك THE MAX

مشرفنا صج إن الأسود يتوسخ أسرع لكن عادي لمعته فيه وفخامته غير، بس من داخل لازم أحمر تحمل تاخذ أسود من داخل خبرك صيفنا مافيه شمس.

اشكررررررركم على الردود

لكن والله الاسود روعه وحتى لو يتوسخ :D

الله يسهل :D

مبرووووووووووووووك أخوي مقدماً

أنصحك بالألوان التالية : بالترتيب
1/ الأسود
2/ الموف
3/ الفضي
4/ الأبيض
5/ الأحمر