اللومينا وقصه الحادث المأساوي

في تمام الساعه 11 صباحا من يوم الخميس الموافق 27 \ 1 \ 1425هـ

كنت خارجاً من احدى المحلات الواقعه على طريق الشفا الطالع بمدينه الطائف

فشاهدت دوريتين لومينا تمر من امامي بسرعه جنونيه ومشغله السيفتي فلم

اكترث لها فبينما انا اولع السيجاره مرت كمان دوريه بسرعه البرق

( نبدأ بالعاميه)

قلت ياولد روح وراهم يمكن ماسكين لهم ارهابي ولا مهرب المهم اني دعست

وراهم بالمستوبيشي ولحقتهم وكنت ماشي وراهم تقريبا 160 مشينا يمكن 5

كيلو بعدها لفو يمين وطلعو على طريق الهدا الدائري طبعا انا وراهم ويوم طلعنا

على الدائري الا ذاك الحادث اللي يالطيف الموضوع الا الآن طبيعي

ولكن قولوا وشي السياره

السياره لومينا دوريه موديل 2002 تابعه لمرور الحويه

المهم وصلت هناك والحادث لسه طازه يعني يمكن ما مر عليه 10 دقائق

كيف جاء الحادث طبعا على كلام شهود العيان انه جاء من الطريق الدائري

ويبغى يلف يمين علشان يرجع على الطائف ( وسط البلد ) ولكن يوم لقط اللفه

زحفت عليه السياره وراحت به على طول وضرب في الصبات اللي هي الحواجز

الخرسانيه في يسار المنعطف وحاست عليه واستقرت في الحديقه اللي في

يمين المنعطف

اما عن حالة العسكري اللي كان داخلها فكان راسه عند مكان التكايه مابين

المقعدين وكانت رجوله تقريبا عند باب السائق وهو ينزف من اغلب جسمه

ويصيح بصيحه مصحوبه بونه وكتمه

نسأل الله ان الله يلطف بحاله ولا يبتلينا قولو آمين

اما عن حال السياره فأنا من بعد هذا الحادث حلفت على نفسي اني ما اشتري

لومينا ولا اسوقها ........ السياره يوم صدمت في الحاجز كانت سرعتها تقريبا

ما بين 60 - 90 لأنه قبل ما يضرب في الحاجز كان ماشي 100 او 110 وداس

على الفرمله بقوه قبل مايصدم بـ 20 متر اما اللي حصل في السياره فالصدمه

وصلت الى كبينه السياره عند حدود القزاز الأمامي و ومكان ارضيه رجول السواق

دخلت عل جوا وصارت المسافه اللي بين الدركسون وارضيه السائق يمكن 10

سنتيميتر ( هذا دليل ان سيارات هولدن تفتقر الى قفص حمايه الركاب الذي

يحمي كابينه الركاب اللي هو موجود حتى في سيارات كيا )

اما عن الأيرباق والله ما طلع لا حق السائق ولا الراكب وغطاء كارتير

المكينه طايح في الشارع ومكسور والسياره فيها من الدمار الشامل ما الله به

عليم

( لتأكد من مصداقيه كلامي لكل واحد الحق في الأستفسار من احد زملائه او

اقاربه في المرور او الشرطه في الطائف او اذا كان قد عرف مكان السياره

الله لا يهينه يصورها ويدخلها في هذا الموضوع وله حق اتعابه كامله )

زبدة الكلام ان السرعه ما منها فائده مع انها في نظري لم تكن سرعه زائده

وان سيارات هولدن حاصله على درجه صفر في السلامه وعلشان كذا هذه

السيارات ممنوعه في امريكا واوروبا ولم تباع في هذه المنطقتين