وش رايكم بالابيكا؟؟

المفكر @user_8211 · 29-04-2004

السلام عليكم ورحمة الله وبركاته

كيف حال الشباب؟؟
بصراحه بعد ما وجدته من طيبة واحترام اعضاء منتدى السيارات صار مرجعي الاول لكل سؤال يتعلق بالسيارات<<<<<<<<مين قدكم

الوالد معه كابرس 94 LTZ هبلتبه كل يوم خراب قبل شهر خسر عليها 3500 ريال
تغيير ديلكو وبخاخات وغيره
فعرضت عليه انه يبيعها ويشتري سياره متوسط حجمها فعرضت عليه السوناتا
رفض <<<تعرفون الشيبان كوري لا
فوريته الابيكا اعجبته قلت اسئلكم وخاصة اذا فيه احد مجربها

وبالنسبه للمواصفات ما يبي الا قير اوتوماتيك وشبابيك اوتو وقفل مركزي

و السلام عليكم ورحمة الله وبركاته

MONDEO _05 @user_7546 · 05-05-2004

المفكر
..
دليل فشل الكراون فكتوريا انتشارها الواسع ..
..
بالفعل فاشله ..
..
نرجع للموضوع ماعلينا الابيكا ممتازه جدا .. ولكن يوجد افضل منها انت قولي وشو وانا من عيوني..
..
تحياتي

مطفي النور @user_10866 · 05-05-2004

انا كنت بشتري ابيكا ورحت استاجرت لي وحده تماتيك.. عليها عزم بايخ يالله تجيب 180 عقب الشين وخفيفه مرررررررررررررره ماتصلح للخطوط ابد.. اذا تبي رأيي شف لك كورلا او صني او سيفك احسنلك..

سبورتيفو2002 @user_5020 · 04-05-2004

شوف أخوي بالنسبة لل أبيكا سياره كويسة وممتازة يعني من جميع النواحي تراها ممتازة شوف أخوي من ناحية المواصفات ترى مواصفاتها حلوه يعني أزرير في الدركسون يعني زي الكراون فكتوريا بعدي في زي يسكر المريات اللي على جنب وفيها حق 6 سيديات وكشافات وجنوط وتكيفها ممتاز أنا الوكالة معطتني وحدة عشان مدخل سيارتي الوكالة بصراحة ممتازة لاتفوتها وشكرا وآسف على الإطالة والقصة الطويلة

المفكر @user_8211 صاحب الموضوع · 01-05-2004

مشكورين يا شباب على ردودكم
بس المشكله ما فيه سياره يابانيه رخيصه وكبيره ما فيه الا الكامري لكن سعرها غالي يعني لو تلقا جي ال 2003 جديد بالموت 56 الف صح والا لا؟؟
وصحيح ان الابيكا دايو لكن اسمها شفروليه وبعض قطعها امريكيه مثل القير والمكينه ويكفيك انها ما نزلت الا2004 يعني جديده على السوق وشف كيف انتشرت!! صح والا لا؟؟
اما بالنسبه للكوريلا غاليه وصغيره (ما تعجب الشيبان) صح والا لا؟؟
وبالنسبه للفكتوريا لا يمكن افكر فيها لا نها سياره فااااااشله وغاليه!!

ومشكورين على الردود

RED Chevy @user_10596 · 30-04-2004

مارحتوا بعيد الإبيكا دايو...........
سيارة حلوة وأحس تطورت من داخل عن باقي الكوري، لكن شوف الياباني شي مضمون 100% والأمريكي لاتشوف تحت اللومينا والكوري مانصح به والألماني ماتحصل شي جيد بهالسعر فشوفوا الياباني أحسن وبرايي يود مينونك لاييك أين منه.

LIMITED @user_1932 · 29-04-2004

ياخذله كورولا ولا سفك
سيارتين يتميزو بالعمليه وباقتصادية البنزين .

تحياتي

المفكر @user_8211 صاحب الموضوع · 29-04-2004

مشكور اخويTSS_LUMINA SS على الرد السريع

بس المشكله ان الوالد يفكر يشتري جيب بعد كم سنه فنبي سياره تمشي الحال ورخيصه لان الابيكا بحدود الاربعين حلوه يعني لو بعنا الكابرس تجيب حول 16 الف وخاصة ان الكابرس V8 5.7LITER يعني تجيب سعر

والفكتوريا مع نسيبي والله ما تسوى قرش صرف بنزين وما فيها قوه بس احين ما فيها الدركسون خفيييف
ونبي شيئ ما يصرف ابد نبي ننسى المحطه الحين الكابرس فل بــ80 ريال ما يقعد الا 4 ايام اما الابيكا 4 سلندر 2لتر يعني انسى بنزين

الحين وش رايك؟؟

TSS @user_5129 · 29-04-2004

والله الابيكا جدا جدا جدا رائعه وخطيره وجميله

احد من اصدقاي ماخذ وحده والله روعه وخطيره

لكن رأي انه ياخذ كراون فكتوريا ب70 الف

تقريبا نفس السعر

بالتوفيق