السلام عليكم
امس كنت رايح لمشوار في حي الروضه في الرياض وكانت هناك فيه وكاله
لعبد اللطيف ( كالعادة في كل مكان له وكاله الله يرجه ) المهم شفتهم عارضين كامري سماوي وكني لمحت جنط عليها غير جنط القراندي وانا اللي اديور وارجع لهم وادخل واسال الموضف وش السالفه وش ذا الجنووط الجديده
قال الله لا يهينه هذه يا طويل العمر كامري جي ال 2 يعني فل كامل
وهذه مواصفاتها:
1- جنوط مفاس 15 شكلها لكم عليه
2- مانع للانغلاق
3- ارباق للسائق والراكب
4- وهو المهم مراتب جلد وتحكم كهربائي
5 انوار زينون
6- فتحه سقف
7- جناح خلفي
8- قير اتوماتيك
9- تخشيبه للكونسول
احس انكم قاعدين تتوقعون السعر
السعر غالي شوي 82000 الف ريال سعودي كانك تبيها نقها الله لا يهينك
على فكره هذه نازله من حوالي الشهر تقريبا
ويقولي المشرف انهم قاعدين يطورون الكامري الاربعه
فقلت انا ( وانا ذيب من الذيابه) اكيد بيحطون مثبت سرعه و مكيف لمس ( اتوماتيكي)
وسلا متكم
للا ستفسار حط ردك الله لا يهينك ومعه الاستفسار
