السلام عليكم ورحمة الله وبركاته
اولاً وقبل كل شيء نبي ان ننقاش هذا الموضوع بهدوء
اتعجب دائماً من الناس الي يجون لك ويقارنون لك البي ام والمرسيدس ولا الاودي باللكزس 430 ؟! ... صدقوني ان هذي مقارنة فاشلة وليس هناك اي وجه للمقارنة ابداً بين اللكزس والالماني ! والي جرب مثلاً البي ام الجديد او القديم بعد باللكزس تجربة دقيقة راح يعرف قصدي ....
نبداً اولاً بالشكل من الخارج ... طبعاً لكل سيارة شكلها والاستايل الخاص فيها الالماني واضح عليه قيمته وهيبتها والبدي وقوته طبعاً مو معناته ان اللكزس مافي اي شيء من هذي المواصفات بس صعب المقارنة بالالماني
نجي للسواقه مافي احد راح يفهم كلامي زين الا الي جرب... اللكزس خفيف ودرسكونه بعد خفيف بالمره وتعال في اللفه داعس شف وش يسوي لك مانع الانزلاق.... عكس الالماني رسواه لا يعلى عليها ثقل في السيارة تحس انها متشبته في الارض
نجي لشيء مهم جداً ويغفل عنه الكثيرين.. الي هو الماتيريلز المستخدمة في داخل السيارة (المواد) شوف اللكزس ودقق من داخل ما نقول من ارخص المواد نقول مواد عادية مستخدمة مثلها مثل الانفينتي بعد خويتها.... شف الالماني وخصوصاً البي ام .. حتى البي ام دائماً يذكرون هذا في كتلوجاتهم بس الكثير ما يهمه... حتى الباب لمن تجي تفتحه باي سيارة المانية لو حتى باسات ! انا عارف اننها ما تتقارن باللكزس بس تحسه ثقيل ! ومصنوع صح شلون في البي ام وغيرها....
طبعاً كل هذا الكلام مو معناته ان اللكزس سيارة فاشله بالعكس اللكزس سيارة فاخرة عملية فيها الكثير من التكنلوجيا وخصوصاً موديل 2004 بعد الاضافات الجديدة التي تمت في السيارة...
اخيراً ارجع واقول ارجو ان لا يتحول النقاش الى عراك .. وكل شيء بالهداوه حلو :)
تحياتي وتقديري...
