اريد شراء اكورد .. انتظر نصائح موكب اصحاب الاكوردات في الموضوع

مشكووووووووور أخوي هنادي-V6

ترى في 3 ألوان تعجبني بالاكورد

الأسود
الفضي
الأبيض

انا سيارتي فضي

تحياتي

هلا حبيبي

اكورد ماشاء الله عليك باذل جهد
وفعلا تستاهل ملك الاكورد




شوف حبيبي
هل انت جاد في مقارنة كيا بهوندا
الكيا شكل فقط
صدقني كلها سنة وتبدا تخرب

طعني خذ اكورد اسو د او ابيض وماراح تندم ان شاء الله
و كل ماتأخرت كل ما ضيعت وقت على نفسك


وصدقني ماتلقا مثل الاكورد بمثل هالميزانية
توكل على الله واعزم وراح تدعي لي انا وااكورد في6



اسف على الاطاله

وش دعوى أخوي غشيم يطلب نصيحه


بالنسبه للكيا أوبروس تراها سيارة توها نازله يعني صعب إنك تلقى أحد يعرفلها كثير

هذا اللي أقدر اجوبك عليه الآن

لأني ما عندي خلفيه عنها لأنه توها نازله بالسوق


تحياتي

والله يا عزيزي accord v6 اشكرك جدا لرد والاهتمام

والله يا عزيزي شوف اسمي وشوف موضوعي ...

انا انسان مالي خبرة بهالمجال وتوي الي بديت أهتم يوم بغيت اشتري سيارة جديده

الي معاي الحين كابريس 89 واخذته وهو مستعمل وما كنت مخير ولا امامي اختيارات

وطول عمري ما ادري وش السالفه في الجديد عن السيارات لكن الحين بودي اشتري

فانا شايف هنا اعضاء مهتمين بشكل كبير بالسيارات قلت مالك إلا ذا المنتدى

الزبده اني واحد على قد حاله بالسيارات ولو اني فاهم ما كان لقيتني في كم يوم اسأل

مليون سؤال في اكثر من جهه ... ادري اني مضيع خخخ

بس عن الكيا اوبيروس ووكيلها والاسئلة الي انت طرحتها لتوضح لي وللاعضاء

عيوب الكيا ... انا عن نفسي ما اعرف اجاوب ... انا ابي الأجوبه عشان تتوضح لي

الخيارات واعرف وش اختار ...

انا عرفت عن الاكورد الفترة الي فاتت كل شي عجبني حتى اسعار القطع ما تشكلي مشكله كبيره جدا لانها اسعار السوق الي ماشيه وانا اتقبلها غير كذا ما عندي عليها
اي ملامه سوى انها ياباني حديدها مو قوي زي الاوربي ... وواحد مثلي متعود على
الامريكي بيجيب العيد لو ما انتبه لكن نقول اكيد بأحرص عليها ...

اما الكيا اوبيروس يوم شفت الحديد مختلف عن الباقي بديت افكر بالسياره بغض النظر عن اسم الشركه ...
شكل السيارة وكل مواصفاتها عجبني لكن المعلومات الي بالمحرك وهذا الكلام مالي
علم فيه ... والوكيل وقطع الغيار هل هي غاليه اغلى من الاكورد ؟؟

انا اتمنى اني احصل مقارنه بين هالسيارتين يوضحلي كل شي بيساعدني كثير والله
وانا يوم كتبت هالموضوع وانت رديت انت والاخوان اترسخت الاكورد في المخيخ عندي
وشفت الاوبيروس قلت يمكن الي خلوك تشغل بالك بالاكورد يعطونك معلومات تفيدك عن الكيا اوبيروس بس ياليت تكون معلومات عن نفس السيارة هي الاوبيروس ومواصفاتها وحمايتها وكل شي ... ومن جهه ثانيه عن القطع الغيار والوكيل وهل هي ممتازه ولا لا ...

معليش اخوي اكورد ادري انك ودك تكب 50 طن بنزين فوقي وتولع سيجاره
وترتاح من هالاسئلة حقت الغشم خخخخخخخ لكن عاد استحملنا شوي
ومع الايام بنتعلم ونصير فاهمين زيك وما ينضحك علينا ونحن متنحين

تحياتي لك عزيزي وشكرا للاهتمام والمتابعه

أخوي غشيم يطلب نصيحه

طبعاً الخيار الأول والأخير لك

ما في أحد بيجبرك تاخذ سيارة أنت ماتبيها

بالنسبه للكيا واللي شفته بعيني من عموم سيارات كيا والله لو تدخل للصناعيه راح تمسك راسك

موديلات جديده تتصلح هناك بدل الوكالة

إذا شفتها ما تقول هذي 2003 أو 2004

وش يدل هذا ؟
جوابي أنا ( يدل هذا على إن الأشياء المستخدمه في الكيا غير عمليه وتستهلك بشكل كبير )

أما الأكورد صح القطع سعرها مرتفع شوي بس قطع لك وللزمن

وبالنسبه لك أنت تقول تبغاها 4-5 سنوات

الأكورد لو تاخذها وإنشاء الله مايجيها حوادث راح تشوف الفرق بين السماء والأرض بالنسبه للقطع

القطع الإستهلاكيه تعيش معك لفتره طويله والوكيل ( عبدالله هاشم ) خدماته بالصيانه ممتازة جداً وانا مجربها وللآن أي شي يصير معي علطول أرجع للوكالة ولا أطلع إلا وانا راضي

لدرجه إني دخلتها فحص الــ 20.000 كلم يوم طلعت منهم بالليل السيارة ماشيه تمام
اليوم الثاني طلع صوووووووت صرصره أمامية

علطووووووووول رجعتها للوكالة ودخلت جوى الصيانه قلت بشوف وش بيسوون

تدري وش سوو؟
علطوووووووول فكوا الكفرات الأمامية وفكوا الفحمات والهوبات ورموا الفحمات والهوبات وركبوا فحمات جديدة وللعلم إنهم يوم يفحصونها للـ 20.000 كانوا مغيرين فحمات وقماشات على الضمان وشف كيف غيروها مره ثانية خلال يومين

وش يدلك هذا عليه

طبعاً أنا ما أمدح السيارة والوكيل إلا لأني شفت السيارة قويه وعمليه وصيانتها سهله
وقطع غيار متوفره

أنا أبيك تسأل وأبيك تردلي هنا قدام الأعضاء كلهم هل قطع الكيا متوفره ؟
هل صيانه الكيا مكلفه ؟
هل وكيل الكيا ممتاز ؟

الأسئلة هذي راح توضح لك أشياء يمكن أنت ما حسبت حسابها

وفي شي نسيته

كيف الكيا في الخطوط هل هي عمليه أو مزعجة
هل هي مريحه أو لا ؟


أرجوا إني أكون وضحت لك النقط اللي في بالي



تحياتي

ادري والله اني تعبتك بس عاد السموحه ودي اني استفيد بس
وعاد ما ودي احط فلوسي وما اكون راضي اخرت هالتعب
.....
المهم
انت دليلك عن كيا كلارس صحيح انا معاك انها سيارة ما تسمى سياره
فعلا مالها داعي كانت السياره لكن هناك اختلاف بين السما والارض
بين الاثنين ... انا ودي اتاكد بس من قوة الاوبيروس وحديدها
لاني اعشق الفخامه ... والحال المادي ما يوصلني للبي إم ومشتقاتها
وعندي احساس كبير ان الاوبيروس لو اتفهمت من الشعب راح يطيح عليها
لان لها مواصفات خياليه ..

وانت رايك اكورد وبس ولك حق فهالراي لان الاكورد ممتازه وتعيش
انا ابي سيارة فخمه وتعيش معاي 5 او 6 سنوات مو اكثر
وتكون بحاله جيده ولو الاوبيروس لها القدره هذي فراح تكون اختيار مغري جدا

ياكثرك هههههههههههههههههههههههههه

قلنا خذ أكورد وانت مغمض

ترى الكيا ماتعيش مثل الأكورد
وتبي أكبر دليل


الحين كيا كلارس كم كان عددها أول مانزل والحين كم عددها بالشوارع

تراها ما تعيش أبد


تحياتي

السلام عليكم

اعزائي مشكورين جدا على ردودكم التي افادتني كثيرا ...

وعندي سؤال اخير <<<<<< اسألته ما تنتهي

امس زرت معرض كيا !!!!!!

وشفت كيا اوبيروس .... صراحه شفتها سيارة بمواصفات

تطارح الاكورد ويكون في امل في موازنتها بينها وبين الافخم من الاكورد !!

ادري ان الكيا ورق وصناعه كوريه ... لكن الاوبيروس اشوفها غير

ومن الوزن ممكن تحس الفرق حيث ان الاوبيروس وزنها من غير ركاب 1800 تقريبا

اما الاكورد 1400 تقريبا

ايش تنصحوني بين الاثنين ؟؟؟

Accord V6 ماشاء الله عليك
فعلا ملك الأكورد

أخوي غشيم يطلب نصيحه

بالنسبه للمسجل راح يفكون لك الدرج اللي قدام القير ويركب المسجل الكاسيت
طبعاً راح ياخذ نص المساحه والنص راح يكون تقريباً درج صغير

والصوووووووووووووت صافي وممتاز جداً

تحياتي

بسم الله الرحمن الرحيم
-----------------------
كل الشكر والتقدير للأخ العزيز GRANDE-V6 / أكورد وبس
على الثقة
----------------------
كل الشكر لكل من شارك..... وصراحة إجابات جدا واضحة
---------------------
أخي السائل....قبل ما أتكلم عن الأكورد أحب أقول لك زين ما اخترت ..ولا داعي للحلفان عن السيارة وأنها جميلة وأنها قوية ووو ..السيارة أثبتت وجودها وما ودي أتكلم عن السيارة فلساني عاجز عن الوصف بحق وحقيقة ......و يشرفني أني أقنعت خمسة من أصدقائي بشراء الأكورد وبالفعل نصحتهم بشرائها وأشتروها وشكروني والحمدلله على ذلك
---------------------------------
أنا سيارتي فل كامل 4 سلندر 2003 وكل ماذكرته موجود فيها ...بالإضافة إلى وجود المكيف المزدوج ...والتخشيبة الكاملة...وهي موجودة أيضا في 2004 حيث لا يوجد أي فرق بين 2003 و2004 ماعدا صوت منبه الحزام الموجود في 2004

مقعد السائق فقط تحرك الكتروني
----------------------------------
الأكوردات الموجود في الوكالة 2004
---------------------------------
لا يوجد مسجل الكاسيت في سيارة الأكورد . ويتم شراءه وتركيبة في الدرج الموجود في المقدمة والسعر ذكره الأخوان .....((وجة نظري الدرج وخصوصا إذا كان مخشب منظره جميل للغاية ...وافهم الباقي)))
الأسطوانات الستة عملية لدرجة لا توصف وأنا مبسوط للغاية بالأسطوانات ...تنزيل من النت وخلاص
--------------------
الفيابر هي الزوائد الموجودة في أسفل السيارة بشكل عام
---------------------
الأكسسوارات للأكورد بالهبل ...بس والوكيل لا يأتي بها فقط الدعاسات والتخشيبة المقلده
---------------------
هناك بعض المحلات تقول أن الجناح موجود ولكن لم يت التأكد بعد
---------------------
بالنسبة لصوت المسجل يعتمد على السماعات والسماعات جيدة جدا



أتمنى أن أكون كفيت ووفيت ...واسف على التأخيير

أنواااااع الإحرااااج :D

الفايبر أول مرة أسمع له .. !!!

أما الجناح .. فاللي أعرف إنه حتى الآن غير موجود في الوكالة .. لكن ممكن تطلبه من الخارج

والمسجل .. بياخذ عليك نصف مساحة الدرج .. والنصف الباقي بيصير درج صغير بدون باب .. بس شكله طالع حلو


وبالنسبة للسيارات اللي ذكرتها .. عن نفسي أفضل الأكورد عليهم كلهن .. أما اللاقونا .. فالسيارة حلوة حسب ما سمعت لكن غير منتشرة ووكيلها ما أدري هل هو جيد وإلا لا ..

والماجنا حلوة .. لكن ما تصف جنب الأكورد من أكثر النواحي .. ووكيلها خايس ..

توكل على الله وطلع لك فل .. صدقني تتمتع فيها طول ما هي معك .. إن شاء الله

عندي سؤال اخير :

انا حيران بين الأكورد فل كامل 4 سلندر ابو 82 الف
وبين سيارات فرنسية من شركه رينوت
والي هي سيارتين الاولى لاقونا والثانيه ماجنا

حبيت اسأل وش رايكم في حيرتي ووش تقترحون علي

اخوي
Accord V6

بغيت اعرف عزيزي
المسجل الكاست بياخذ المساحه كلها للفتحه الي اشرت عليها
لاني شفتها واسعه بالمره وكبيره !!! فاكيد بيأثر على شكلها

وكمان بغيت اسأل عن الصوت في المسجل الي بيركبونه هل هو ممتاز ؟؟؟؟

بغيت اسأل عن القيابر !!
سمعت عن هذا الشيء وبيني وبينك مدري وش هو
ويقولون انها مع الاكورد شي غير طبيعي
وش ذا الفيابر وهل ممكن تيجي مع الشركه كأسسورات ؟؟
وهل من ضمن الاكسسوارات يكون في جناح خلفي للسيارة يعطيها شكل رياضي ؟؟
وايش الاكسسوارات المتوفره هنا بجده من الشركه للاكورد

انصحك وبقوة بالاكورد

اهم شي
لون اسود او ابيض


الفل اربعة سلندر
اللي هي VTI-E
تجي جلد
فتحة سقف
مسجل بست سيديات
مكيف الكتروني بتحكم مزدوج(درجة حرارة للسائق واخرى للراكب)
مقعد السائق تحكم الكتروني
تخشيب او نيكل شد بلد على حسب اللون اللي بتاخذه
عندك اللي داخله بيج يكون تخشيبه فاتحه زي الفل... مب الغبيه حقت السبيشل
واللي داخله رصاصي يجي الديكور نيكل

ان شاء الله مانسيت شي



واسف على الاطالة
واي سؤال لاتتردد اسأل وراح نجاوب ان شاء الله

الأخAccord V6

لأن مافهمت كلامك لأن
المحرك مايجي الا
vtec او i_vtec

أول شي أحب أشكر الأخ GRANDE-V6
على ذكره اسمي

-----------------------------------------------------------------------------------

بالنسبه لطلبلك الأكورد سيارة عمليه لأبعد الحدود
والفخامه الداخليه لا يعلى عليها مقارنه بالسيارات اللي من فئتها
طبعاً الأربعه فل يجي فيها تخشيب من جوى
كرسي السائق كهرباء أما كرسي الراكب عادي ( حتى الـ V6)
بالنسبه للمسجل تقدر أول ماتشتري السيارة قبل ماتستلمها تطلب يركبون لك مسجل كاسيت ( مكان الدرج اللي قدام القير ) وراح يكلفك إذا شريته مع السيارة علطول بــ 1500 ريال
أما لو شريت السيارة ورجعت لهم بعدين وقلتلهم أبغى مسجل كاسيت راح تدفع 1850 ريال قيمة المسجل و 150 ريال قيمة تركيب
يعني اشتره وادفع حقه أول ما تشتري السيارة علشان توفر 450 ريال

بالنسبه للـ VTI-E للأسف ما عندي خلفيه لأني عندي V6

أرجوا إني أفدتك بالمعلومات اللي عندي


تحياتي