شرايكم بسياره SKODA

يالتوفيق

أنا با صور لك سيارتي وباحط لك الصور و سيارتي فل أوبشن توماتيك ..

بعد يومين أنزل الصور ..

أي خدمة أخرى ؟

اخوي ممكن صور للسياره الفل اوبشن قير توماتيك

أنا واحد عندي هاذي السيارة "سكودا أوكتافيا ديزل "

مثل ما قال هتلـــر يكرفها كرف ولا تقول آي ..

مميزاتها :


* يوجد بها نظام ABS مانع إنغلاق العجلات ..

.. من الممكن أن تكون هنالك أنظمة أخرى لاكن لاعلم لي بها ..

* تصدر صوتاً تنبيهياً عن قرب نفاذ الوقود .. أو عند قرب تلف زيت المحرك ..

*السيارة ثابتة ثبات غير طبيعي على الخط ..

* على كلام أخوي اللي عنده البيجو 307 أنه وصل في دعس سيارة للـ 170 بس يعني
السيارة ما زادت سرعتها " حدها " أما يوم جرب السكودا وصلت السرعية لمايقارب
الـ 190 مع العلم إن طبلونها 220 وطبلون البيجو 210 " ثبات السكودا أكثر من ثبات البيجو "
~~~ هذا و السكودا موديل 2002 وموديل البيجو 2004 ~~~

* الشنطة واسعة جداً جداً جداً ..

* عند طي الكراسي الخلفية سترى إن المساحة المتاحة لك كبيـــــرة جداً
حيث تلاحظ إنك تقدر تنام وتقعد وتتغذا وتتعشا و تريح كلا في هل المكان "" حشه فندق مو سيارة "

* إصدار تنبيه عندما يكون الكبوت أو الشنطة أو أي باب من الأبواب مفتوحاً ..

* إذا كان هنالك خلل في السيارة يظهر تنبيه في شاشة الكمبيوتر إضافة إلى
أن السيارة لا تعمل .. أو بالأصح الكمبيوتر يخليها ما تشتغل ..

* إنسيابية الشكل ..

* إقتصادية في إستهلاك الوقود 17 ريال فل .. "" رايح تتعشى "" .
.
* قطعها رخصية حيث تقارب أسعار التويوتا و الياباني ..

* وكيل رائع في أسواق المملكة ..

* سرعة الصيانة ..

* يعطونك ضمان على كلاً من :
1- ضمان لمدة عام لخلو السيارة من الأعطاب ..
2- ضمان لمدة ثلاثة أعوام لطلاء السيارة ..
3_ ضمان لمدة عشرة أعوام لجسم السيارة من الصدأ ..
* يعطونك ضمان على المكينة .. إذا دخنت يستبدلوها لك ..
وهي مستحيل تدخن إذا كنت معتني بها

* وما خفي أعظم " هنالك الكثير لا كن لايسعني الوقت لذكره " ..

عيبوها :

* بعد الوكالة نسبياً من منطقة إلى آخرى .. حيث تركن في آخـــر الخبــر..

* الكراسي الخلفية ضيفة جداً حيث تتسع لـ 4 أشخاص فقط لا لـ 5 أشخاص كما هو موضح في الكتلوج ..

* صوت مكينة الديزل يفقع الرأس بس إذا مسكت الخط يخف الصوت مع زيادة السرعة ..

هذا كل اللي عندي و كل اللي أقدر أقوله
طبعا السيارة سكودا أوكتافيا موديل 2002 ديزل .. لليوم السيارة و الحمدلله
كل شي فيها زين ما تشكي من شي ..

أسعارها :

طبعاً أخذناها فل أوبشن بـ 55.000 كاش .. ديزل غالي شوي ..
أم البنزين فا يجي فل أوبشن بـ 48.500 أو مايشابه ذلك ..

نصيحة:

إذا بتأخذ سكودا لا تأخذ إلا V6 لأنه يصير أقوى ونفس الصرفية ..

وأنصحك بالسوبرب ترى يمدحونه

وإذا تبي صور للسيارة ترى أنا تحت الخدمة ..

إذا تبي شي إسأل لا تترد ترنا نعين ونعاون ..

إن شاء الله عجبتك يا ولد الكويت

آسف على الإطالة

تحياتي

شباب القطيف

Ss2003sS

ك ن ع * الـسـعوديـة * 6 3 3

مبروك مقدما والموتر حلو

وخاصة مجربه على ايد هتلـــــر

ههههههههههه والله تجربه ولا تجارب اكبر الشركات

أخوي انت تقصد الأوكتافيا ولا السوبيرب

أذا كنت تقصد السوبيرب أنا أنصحك انك تشتريها لأنها الصراحه عاجبتني وماشفت منها أي مشاكل ولاتنسى تاخذ 6 سلندر وأي خدمه انا حاظر

بالتوفيق

مميزاتها :
1- رخيصة 2- اقتصادية بالبنزين 3- انسيابية 4- دوووووس (( تربو )) 5- مريحة 6- تقنية المانية 7- وكالة اكثر من رائعة (( في السعودية ))
عيوبها : 1- هبوط سعرها عند البيع 2- تغيير شكلها 2005 ..

اثنين من اقاربي عندهم سكودا اوكتافيا وحدة ديزل والثانية بنزين ..
انصحك بالبنزين بقوة الا اذا كنت من النوع اللي يكرف صح فالديزل افضل لاقتصاديته ..

ممكن اسعارها

كما تفضلوا الاخوان ان ايادي فولكس فاغن طالتها يعني انتهى الموضوع

واسعارها ارخص من سيارات الفولكس فاغن وقطع غيارها ارخص ولديها انواع مختلفة ولكن ارى الاوكتافيا قوية وجامدة على الارض

وشكرا

================================================
ويكفي انه كل شي فيها فلكس فاجن.... يعني الماني....
================================================

السلام وعليكم..... كيف حالك اخوي....

السياره اللي انت ذكرتها هاذي كنت مستأجرها لمده اسبوعين.... والله انها سياره قويه

وجباره وتستحمل بمعني الكلمه..... انت عاد تعرف الايجار كيف شغله.... دعس وحرق وتفحيط والسياره اربعه وعشرين ساعه تقعد شغاله.....

والله ولا قالت اي ولا شي..... مكينه هاديه ومكيف صاحي بارد....
والسياره واسعهمن ورا يعني يمديك تحط عفش كثير فيها .... ويكفي انه كل شي فيها فلكس فاجن.... يعني الماني....

وعاد مايحتاج.....

ومبروك مقدما اخوي