مفتاح سياره ب 4000 ريال ..؟؟؟؟؟؟

عذاااااري @user_11551 · 20-09-2004

السلام عليكم

تحيه طيبه للجميع

عندنا سواق سيارته ايكو .....

الزبده ان السواق ضيع المفتاح حق الايكو.... ((( مفتاح السياره نفس اللي يشغلها يفتح الابواب))))...

دورنا لمده اربع ايام للمفتاح وماحصلناه ..... يعني ماافي امل ....خلاص

رحنا لمحل لاكثر من محل يقص المفاتيح قال ما نعرف لها ....

رحت لاكثر من مكانيكي ماعرفو لها ...

ماخليت محل ولا هندي ولا مكانيكي ولا كهربائي ولا حرامي سيارات ماجبته .....

ادري تبون قصه ال 4000 ريال

رحت للوكاله طبعا تويوتا |162|

قلت لهم اني مضبع المفاتح وماعندي اسبير ....

وش الحل ؟؟؟؟

قالو لي نغير الكوالين الابواب ونغير السلف ونبرمج الكمبيوتر ....

قلت بكم يااخي العزيز.... قالي ب 4000 ريال .....((( اربعه الالف ريال سعودي )))))؟؟؟؟؟؟؟ |347| |347|

طبعا انا لو اخذ الهندي والسياره واوديها الحراج وابيع السياره مع الهندي ماجابت الفين ريال ....!!!!!!

الايكو موديلها 2001 ..... وفككوها الصناعيه ماقصرو فيها واخر شيء قالي يبيلها برمجه ....

قالو في الرياض في محلات برمجه ..... وانا في الخبر .....

اللي عنده حل تكفون لا يبخل علينا ....

السياره لها اكثر من شهر واقفه في الصناعيه....

وشكرا للجميع

HEMI @user_4440 HeMi 4 EvEr · 21-05-2006

الله يا زين الكابرس

ضاع مني المفتاح اللي يفتح الأبواب والشنطة..قمت بدلت قفل الابواب والشنطه واعطاني مفتاحين جدد..كل هذا ب150 ريال :)

و الله يعينك على مشكلتك وانشالله راح تنحل

راعي الصابونه @user_25594 Banned · 18-05-2006

الله يعينك والله يخلي لنا القديم
لا وتقولون وراكم متمسكين في القديم؟

v6_sa @user_29919 · 16-05-2006

السلام عليكم ورحمة الله وبركاته
الموضوع مو سهل اذا فقدت مفتاح سيارتك خاصه اذا كانت تويوتا من موديل 2001 وفوق الوكاله مايقدرون يبرمجون مفتاح جديد ولا عندهم مفتاح اسبير لانه ماتقدر تبرمج اكثر من ثلاث مفاتيح للسياره وانت اذا اشتريت سياره جديده من تويوتا يعطونك ثلاث مفاتيح اثنين ماستر كي اللي هو (الرئيسي) وواحد صب كي ( الاحتياطي )
وطبعآ اذا رحت للوكاله ياويلك اقل تكلفه من سيارات تويوتا 1800 ريال لحد 12000 لسيارات لكزس لانها نفس التقنيه والتقنيه هذي اسمها لمبوليزر سيكيورتي lmmobilizer المهم الحل الوحيد انك تروح لتشاليح السيارات وتاخذ كمبيوتر وطقم سويتشات مثل نوع سيارتك يكون من سياره مصدومه مثلآ هذا الحل كان قبل لكن الحين فيه ناس تبرمج مفاتيح جديده والشغله صعبه شوي
المهم اللي يبي اي معلومات عن طرقة البرمجه اوي استفسار يراسلني على الايميل هذا
[email][email protected][/email]
وانا مستعد لاي استفسار وحياكم الله

issa.noor @user_18506 · 16-12-2005

يا رجل انا عندي حل سهل وبسيط انا عيسى من الاردن وبحب اقلك انو ممكن انك اتركب كوالين الابواب والسلف من اي محل بخرطلك مفاتيح اجداد مع الكوالين وبخرطلك السلف كمان بس بدك تطر تلغي شغلت الكمبيوتر اطلا شو بدك فيها الغي الكمبيوتر وريح راسك وحط مفاتيح اجديدة مع كوالين

sr20de @user_8906 · 11-12-2005

توني انتبه لتاريخ الموضوع قديم جداااا من شهر 7

نيسان للأبد @user_17211 · 09-12-2005

والله مشكلة مالك الى انك تشب في السيارة

هع هع

امزح معك الله يعينك اخوي

TORNADO @user_4795 KING ZOOM · 03-12-2005

والله انك الصادق انا غيرتهم عندي ايكوا ونزلت صورها قبل كذا بالمنتدى

المهم ب 4000 ريال وعليها شوي وغيروا طقم الاقفال والسلف والكمبيوتر وبرمجة الكمبيوتر

والله زححححمه

ودمتم سالمين

نواف القانص @user_1951 · 02-12-2005

فيه حل يكلفك من 100 الى 150
روح لكهربائي محترف وخلة يفصل نظام الامان
وبعدين كالون باب ب40 رال
والسلام

need_for_speed @user_24217 · 01-12-2005

عدنا والعود احمد والله حرام هالشي يصير انا برمجت مفتاح على اوبل 98 ب 25 دينار وسعره المفتاح خراطه بس 5 دنيانر كله لاجل عيون المغنطه يعني كل القصه مش لازم تطلع اكتر من 200 ريال حق مفتاح مغنط
ياريت اقدر ادلك على شخص عنا بالاردن ما يعصى عليه اي مفتاح

sr20de @user_8906 · 30-11-2005

بالدمام شارع الملك سعود محل اسمه العامودي للمفاتيح روح عندهم و قولهم القصه بس لا تجيب طاري 4000 ريال بيطلع معاك الفني على ما اعتقد ياخذ 150 ريال يفتح قفل الشنطه و يسوي نسخه منه و بعدين يبرمجها لك ب 250 ريال و السالفه كلها ما تكلف 400 ريال .

المطلع @user_18232 · 30-11-2005

طبعا انا لو اخذ الهندي والسياره واوديها الحراج وابيع السياره مع الهندي ماجابت الفين ريال ....!!!!!!
____

حلوه هذي :)

الخجول @user_21445 · 20-08-2005

صباح الخير
انا عندي الحل بس شكلك لقيت المفتاح
انا عندي تدريب في تايوتا والي ارعفه اذا كنت اشتريت السيارة من الوكالة يكون عندهم مفتاح اسبير
اما اذا اشتريتها من اي معرض اخر مايوجد لها مفتاح اسبير
هذا الي اعرفه

salehhd @user_17805 · 17-07-2005

السلام عليكم

يا خي الموضوع سهل تمر الوكالة وتاخذ مفتاح ممغنط للسيارة قيمتة 200 ريال حسب علمي وتوديه محل مفاتيح يقص المفتاح على حسب قفل الباب وبعدين تودي السيارة بسطحة الى الوكاله وتخليهم يبرمجون المفتاح على السيارة

هذي الطريقة يعملها نيسان

اذا كنت من اهل الدمام نصيحة روح للعامودي حق المفاتيح وهو مشهور في شارع الملك سعود وهو يحلك الموضوع

وسعر المفتاح الممغنط عنده 250 ريال ممكن ياخذ عليك زيادة او مر محلات المفاتيح المشهورة في منطقتك ويحلونلك الموضوع

اما مسألة تغيير السلف والاقفال فذي شي غير معقول ابد وما اعتقد ان هذا هو الحل الوحيد

LoVeR @user_20326 · 14-07-2005

وين راعي الموضوع ؟؟

عندي له حل وبالصدفه وجدته

اخوي عذاري اذا كانت المشكله لازالت قائمة اخبرنا حتى نخبرك بالحل

تشاو |3|

sosoksoso @user_18955 Banned · 12-07-2005

hhhhhhhhhhhhhhhhhhhhhhhhhhhhhhhhhhhhhhhhhhh

CAMRY_2005 @user_16793 · 12-07-2005

ف

فني سيارات

اعتقد الوكاله مسؤوله عن توفير مفتاح للسيارة عن طريق اخذ رقم الهيكل (القاعدة ) وبرمجة مفتاح ثاني لها وليس العكس برمجة كمبيوتر السيارة ولا تحتاج تبديل مفاتيح الابواب كلها ايش هذا التخلف الي في الوكاله

الله يعينك عليهم ومثل ماقال اخوي عليك بالدعاء ولايمان انك بتلقاه
صل ركعتين وتلقاه قدامك ان شاء الله

جزاك الله خيراً يا اخي الكريم ... وبيض الله وجهك ، والله يعطيك العافية في الدنيا والآخرة .

CAMRY_2005 @user_16793 · 12-07-2005

P

Polite

هلا أخوي ،
أول شيء لا تفقد الأمل في إيجاد المفتاح المفقود ،
خذ هذا الدعاء وردده دائا ..
(( اللهم جامع الناس ليوم لاريب فيه إجمع بيني وبين ضالتي ))

وإذا فقدت الأمل 200% في عدم إيجاده ،
روح لأقدم محل مفاتيح بالمنطقة ،
أظن عندهم مادة يقدروا يولفوا منها مفتاح سبير ..

الله يكون بعونك ،
وإن شاء الله الشباب يفيدوك أكثر . :)

جزاك الله خيراً يا اخي الكريم ... وبيض الله وجهك ، والله يعطيك العافية في الدنيا والآخرة .

مملكة المفاتيح @user_19830 · 15-06-2005

السلام عليكم الرحمة

أخوي عذاري

انا صاحب محل مفاتيح واقدر احل مشكلتك هذي
:cool:

romans22 @user_16635 · 05-01-2005

السلااااااااااااااااااااااااااام عليكم

يااخوي انا عندي الحل بإذن الله وبأربعين ريال فقط

شوف

اذا مفتاح السياره عادي ومثل اي مفتاح ترا صارت هالسالفه معي واقول لك وش سويت.......

رحت لصحاب المفاتيح وقلت له انه يفك كيلون الشنطه حق السياره ويأخذه ويقص على نفس السنن وفعلا هذا ألي صار هو قال لي على كيفك تبغانا نفك اي كيلون؟ قلت له فك الاحسن.... قال خلاص اذن نفك حق الشنطه لأنه بتكون سننه جديده فكه الرجال وقص عليه وعطيته اربعين وانتهى الامر.........

اتمنى تنحل مشكلتك ياعزيزي وبلغني ايش صار معك