باص 15 راكب

السلام عليكم خالد انا شفت الموضوع وقلت ابدي راءي واحد مجرب

حنا كان عندنا باص تيوتا وماشالله كرفناه اربع سنين وكان مايعرف الورشه وانا انصحك بالتيوتا واذا تبغا اي استفسار هذا الايميل



[email][email protected][/email]

الهايس يكرف كرف الويل ، لكنه مزعج وغير مريح ولا فيه أي خدمات

عندك المايكروباص بنز ، أنا ما جربته لكن أكثر من واحد يمدحونه ، وفيه مواصفات حلوة وقوي ويتحمل ومريح ، لكن عيبه ما تقدر تحمل عليه من فوق

وفيه ناس يفضلون التويوتا عليه لأنه أقل خرابات وأقل تكفة في الصيانة ، مع إني أشوف البنز منتشر بشكل كبير

اشكرك اخي الفجر الساطع على الرد .. انا كنت متردد بين البنزين والديزل !! بعضهم يقول الديزل احسن وغير مكلف ومبيعاته اكثر بكثير من البنزين .. والبعض قال مثل ردك

ومشكلة التويوتا ان البنزين عندها اغلى من الديزل بعكس النيسان .. يعني لو قلنا السيارتين بنزين يطلع فرق بينهم تقريباً عشرة آلاف فرق مو بسيط

تبي الصراحة خذ لك باص تويوتا هاى اس بنزين وحذاري من الديزل لان مشاكله كثيره خاصه ايام البرد وحنا الحين مقبلين عليها اما باصات نيسان بصراحه فكرتي عنها قليله بس قطع الغيار غاليه شوي بالنسبه لتويوتا وبالنسبه لباصات متسوبيشي وهونداي هذي مو عمليه بعد الخمسين الف كيلو ما تسوى شى لانك الظاهر راح تسلمه في ايدي عماله ماترحم وضمايرهم الله المستعان الا في ما ندر وعلى العموم الله يوفقك

مشكور ياغالي على الرد

اخوي الغالي

انا ما جربت الباصات


بس انا رحت لليمن وللغاليه سوريا


وجدت انها تتعامل بباصات تويوتا بشكل كبير

وتجدها قويه

هي باصات لنفل الركاب بالاجره من منطقه لأخرى

وفي الخطوط وجدتها في سوريا بين قريه وأخرى

ترى الهايس جدا قويه وأنصحك بها

على حكم تجربة الناس لها في الدول المذكوره كسيارات اجره

وأفضل السيارات (( التي تكون أجره في أغلب الاحيان ))

وشكرا

أحمد

اكورد .. تبغانا نشتغل سواقين عند ناس لا لا لا .. نشتري باص ونشتغل على حسابنا الخاص هههههههههه

معقولة مافيه احد عنده باص ولا جرب ولا شي !!! ما اشوف اي رد لشخص مجرب اي نوع !!!

أخوي خالد

تعال عندي في لندن ونقدم طلب سواقين باص ( باصاتهم دورين ) وإلا عندهم باصات توها جديدة


طويلة مره


تحياتي

اكورد .. الباص هذا لشركة وليس للأستخدام الشخصي

بس اذا انت معزم نآخذ واحد ثاني هههههههههه

ليمتد .. الهايس ميزتة انه ما ينزل سعره مثل كل سيارات تويوتا

ولكن ابغا ردود من ناس جربوا عشان يعطونا خبر عن المحاسن والمساوء وهذي ما تعرفها الا من الاستخدام

بأنتظار الردود

نظرا لاكثره انتشار الهايس
هذا يدل على انه الافضل الهايس هو باص تويوتا 15 راكب

إذا شريت الباص ما تبي نكد عليه


تعرف ما في وظايف ولا دراسه


انا وانت كل يوم نتناوب عليه


من الرياض للمزاحمية هههههههههههههه ونكملها للقويعية




تحياتي