بسم الله الرحمن الرحيم
السلام عليكم ورحمة الله وبركاتة
كيف حالكم يا شباب
حبيت انقل لكم تجربة احد الاعضاء بأحد المنتديات الشقيقة مع الردود :
أولاً :
صاحب الموضوع :
المحترف كار
أسم الموضوع :
بعد انتهاء 10000 كيلو- NISSAN ALTIMA - (انطباعات)
=================================================
السلام عليكم ورحمة الله وبركاته
تحية طيبة لشباب الساحة الكرام واشكرهم على جهودهم الجبارة على اثراء الساحة بما هو نافع وجديد
وقبل كل شي احب اهنئكم بمناسبة حلول شهر رمضان الكريم وكل عام وانتم بالف خير
---------------------------------
NISSAN-ALTIMA 2005 3.5L TYPE 2
قبل ما نتكلم يا اعزائي عن السيارة هذه وبعد تجربتي لها كمالك لهذه المركبة احب اني ابين لكم بأنه كل مارح اقوله الان على مسؤليتي الشخصية والله يشهد على ماقول
السيارة لها الان معاي تقريبا 3 اشهر والحمدلله ماشية معايا وماخفيكم انه استخدامي للسيارة استخدام كله حرص وخوف على السيارة من المطبات او الحفر اللتي نشاهدها بكثرة في شوارعنا ولا يعني ذلك اني ماسرع لكن في اوقات او طرق امنة اقدر فيها اسرع براحتي
السيارة كانت رائعة من ناحية الثبات وانا متأكد انه السيارة ارسى بكثير من السيارات اللتي بفئتها وتسارعها كان مبهر جدا وماستطيع ان اوصفه مع انه تمريني لها كان تمرين مايتعدى 90 كيلومتر في الساعة واستطاعت الالتيما ان تضعني في حيرة من امري امام تسارعها المذهل والذي تغلبت به على كثير من السيارات التي لم اتوقع انها قد تجابها في يوم
طولت عليكم من ناحية اداء السيارة واهم شي في موضوعي سلبيات الالتيما
1) صوت المكينة عالي مقارنة بمثيلاتها وأبرز ما لفت انتباهي وهو أنه السيارة تكون على 120 والمكينة بالدورة 3000 اما المكسيما 2800 والاكورد الاربعة سلندر 2700 والكامري ايضا واعتقد هذا شي غريب
2) الانوار الامامية طراز زينون من يوم ماخدتها من الوكالة ومستوى الاضاءة من جهة طالعة وجهة نازلة ويوم صيانة 1000 كلمتهم عليها وقلت لهم اوزنوها بس للاسف نفس الشي
3) زجاج الراكب الامامي يطلع صوت طقة يوم مانزله ويوم ماطلعه مع العلم اني ماستخدمه دايما
وأبرز مشكلة تواجهني وهي مشكلة القير
السيارة قير عادي واكيد انتم عارفين 6 نمر والريوس مع رفعة الحلقة الي في القير
بعد صيانة ال5000 وبالتحديد عند 6000 كيلو بدأت مشاكلي مع القير وهي انه القير مايتحرك من مكانه الا بصعوبة كأنه في شي ماسكه ثقيل مرة في الحركة وخشن جدا لدرجة ساعات كان يتعذر علي ارجعه ريوس من كثر ماهو ثقيل وخشن بعكس ماكان سلس وناعم وخفيف وهذا الشي اقلقني جدا وسئلت بعض الشباب وقالولي عادة السيارة في البداية تجي فيها مشاكل مثل هذه ولا اخفيكم انه خبرتي بالقير العادي قليلة بحكم انه اول مرة امتلك سيارة قير عادي وقلت اصبر عليها وصبرت يومين وانا اتحمل واتعود على القير الممل اللي رفع ضغطي لين ماوصلت معاي لخشمي وقلت لازم اوديها الصيانة . وبالفعل اخذتها ووديتها الصيانة وقلت لهم ضروري الحقو السيارة ماتعشق مثل ماكانت قاموا وانا ابيهم يشوفونها بسرعة قبل مايخف الموضوع لانه نسبة الصعوبة في التحريك كانت متفاوتة ونزل المهندس معاي وشاف القير قدامي وحرك قدام وورا وقالي مافيه شي قلتله كيف مافيه شي انت لاتحكم من عندك روح شوف اي التيما ثانية جديدة وشوف الفرق قام قلي خلي السيارة عندنا وتعال بكرة نفس الوقت .. وجيتهم اليوم الثاني وانا على امل انه كل شي انحل لكن للاسف فاجأني المهندس بقوله انه السيارة طبيعية قمت اخذت السيارة وقلت يالله ماهي مشكلة يمكن انا موسوس ولا اتعودت على الدلع المهم جلست السيارة معاي بعد ماستلمتها تقريبا اسبوعين وبعدها بدأت السيارة ماتشبك الريوس في بعض المرات ويطلع صوت اني ماشبكته وانا متأكد انه مشبوك وهذا الشي من جد اقلقني وانشالله ناوي اقدم السيارة يوم السبت الجاي للصيانة 10000 واتمنى من الجميع ان يشوروني كيف افهمهم المشكلة لانه والله ماصار قير صار صخرة والله
لكن والله ماحب اظلم السيارة لانه بجد سيارة مريحة رياضية
اتمنى من الجميع التعليق والمساعدة يا اهل الخبرة في موضوع القير
واسف على الاطالة والسلام عليكم ورحمة الله وبركاته
================================================
الرد الاول :
================================================
اخي المحترف كار
معلومات طيبة وممتازة وخاصة ان السيارة جديدة ...
لكن ابغى اتأكد من معلومة ....هل القير بالفعل فيه مشكله ام انك على كلامك لست متعود على قير عادي وكمان 6 نمر ؟ والريوس مكان الاول؟
تحياتي
===============================================
الرد الثاني (صاحب الموضوع ) :
===============================================
السلام عليكم ورحمة الله وبركاته
اشكرك اخي الكريم على مرورك وتعليقك وارحب باستفسارك
بس قبل كل شي انا ابغى اكمل موضوعي ::
بعد كتابة الموضوع بثلاثة ايام اخذت السيارة على صيانة 10000 كيلو وسلمتهم السيارة واستلمتها اليوم الثاني وطلعت بها مكة بحكم اني ادرس بمكة والحمدلله كان الزينون طيب وزنوه وافتكينا
السيارة كانت على نفس الحال من ناحية القير الي نفسي اكسره طلعت مكة بالسيارة وانا والله تعودت على صعوبة التنقيل وصعوبة الرجوع ريوس في بعض الاحيان مع سماع صوت (( الصوت اللي يطلع لمن تشبك الريوس بس مو صح وتشيل رجلك على الكلتش )) وجلست يومين على الحال المعفن هذا لين يوم رحت فيه الكلية وانا خارج شغلت السيارة وانا بارجع الريوس ماهو راضي نهائيا وانا احاول وهو رافض اللمبة حقت الريوس تطلع وهو رافض يرجع ويطلع صوت لين ماخليت شباب يدفوا السيارة بكل مهزلة والله سيارة 2005 ماشية 10000 وتندف دفيناها على ورا وجيت باحط الاول والسيارة كل ماحط القير على الاول يرجع محله على الـ N واذا حطيته على الثاني مايشبك تقول فيه شي واقف في طريقه وعلى هذا الحال الثالث والخامس مثل الاول يروح ويرجع مالقيت اللي شغال الا الرابع والسادس شغالين تصورو حركت السيارة لين الشركة وانا ماشي على الرابع لين وصلت الشركة ونزلت عشان اتافهم معاهم ..
لقيت واحد مهندس واقف قلتله الحق ياباشا السيارة منتهية والله وابغاك تكشف عليها الان عشان خايف تروح المشكلة وزي كل مرة يقولوا مافيها شي المهم جهز اوراقه الرجال وجا السيارة وشاف السيارة وقالي السيارة مافيها صدمة ولا ضربة الحمدلله قلتله ايوة انا محافظ عليها قالي اكيد اكلت مطب قلتله لا والله ماكلت مطب ولا شي انا محافظ عليها المهم الرجال كأنه بيطلع الخطأ علي لين ماشغلنا السيارة وركب الرجال فيها وجا يعشق وماهو راضي وانا ابتسم واقوله شايف ؟؟؟؟؟
المهم الرجال كتب في الورقة انه التعشيق ثقيل والريوس ماهو شغال الا انت وحظك واستلم السيارة امس وقالي تعال الاربعاء المسا
رحت الاربعاء المسا بعد عذاب يوم كامل بدون سيارة ولموزينات ومرمطة وقالي السيارة فيها مشكلة في القير واحنا طلبنا قطعة وتعال استلم السيارة يوم الاحد الجاي
الحين باسئلكم كيف اسوي معاهم والناس تخوفني كل دقيقة وتقول الصيانة في الشركات اي كلام ولعب على الدقون ويصلحلولك الشي عشان يمشي فترة الضمان وبعدها يرجع الشي مثل ماكان وانا من جد متخوف والله من ناحية ياخذو قطعة سليمة من السيارة او يكوون فيه خلل في التركيب او حاجة ومادري هل السيارة وان كان القير اتصلح بيكون فيها خرابات ثانية عشان الفك والتربيط اللي بيصير يعني اخاف يطلعلي مشكلة ومشكلة ومشكلة
من جد انا واصلة معايا من السيارة اللي ماعرفت اتهنى فيها ومن 6000 كيلو وانا بدأت المح مشاكلها ولعلم الجميع وانا طالع من الشركة شفت التيما مثل اللي عندي بس اوتوماتيك وواقف وزعلان الولد سألته عن المووضوع وجاوبني انه السيارة بين كل نمرة تعطية لتعة والرجال مقهوور والله... ويعلم الله انا حاس انه مشكلة القير ماهي اول مشكلة خصوصا انه اكبر مشكلة معترفين فيها شركة نيسان وهي مشكلة المساعدات لاني كل مادخل الصيانة اشوف كم واحد مشتكي منها
اتمنى من الجميع مساعدتي في الموضوع
بالنسبة لسؤالك اخ اودي عن الريوس
الريوس على يمين السادس ماهو مكان الاول....مثل ماهو في اي سيارة عادية لكن مع رفع الحلقةوسحبه
وفي الختام اشكركم على المرور واتمنى التعليق
======================================
الرد الثالث :
=====================================
صحيح كلامك بخصوص مكان الريوس بس انا صار عندي لغط بينها وبين السيارات الاوروبية
والله بصراحة مصيبة تخوف اذا كان بالفعل هذه المشكله يعاني منها البعض
مثلا اذا باعات نيسان 100 التيما ورجعت منها على الاقل 30-40 سيارة فيهم نفس المشاكل فاعتقد ان هناك عيب مصنعي
لكن لا ضير عليك ان شاء الله مادام ان سيارتك ياباني ان شاء الله ان المشكله ستنحل في اقرب وقت ممكن
وكان الله في عونكم جميعا
ولك شكر عميق من القلب بما قلته وكتبته.
تحياتي
===================================
هذا ما نقلتة لكم بالقص |550| واللصق بالتمام .
نتمنى كتابتة اراءكم :) .
تحياتي
سيارة
