أسئلة عن الهوندا أكورد 2005

الاخوان ماشالله ماقصروا باي شي


بس من ناحية السيدي عندي مافيه اي مشاكل واشغل عليه منسوخ واصلي ولله الحمد مابه شي


بس من المعروف ان السياره لا خذت فيه مطبات او حفر يبدا السيدي يقطع خفيف وهذ في كل السيارات المجزه بسيدي ما عدا البي ام وطقته


حتى اني مجرب لاندكروزر وبرادو ومكسيما وكلها نفس الشي

اخوي حارش مارس

كلامك صحيح ولمكن الـ4 سيلندر فل اوبشن فيها 2 كمبروسر...حسب معرفتي

اخوي رفيع الشأن:
ياهلا اخوي عادي انا ماسويت غير الواجب يالغالي
بالنسبه للكمبروسورين انا اشوفها ميزه حلوه
تقدر مثلا تفصل واحد وتخلي واحد احتياط ماادري اذا كانت هالحركة تصير

وكمان يكون الكمبروسر مرتاح لأنه مارح يأدي وظيفة التبريد لوحده في واحد ثاني يساعده.

بالنسبه للمشاكل الي ذكرتها:
الاولى/ تسريب الماء من فتحة السقف هههههههههههههههه لو كملت قرآءة الموضوع كان اكتشفت الجواب
لأنه هذه المشكله قديييييييييييييييييييييييييمه كانت في السيارات الي في الثمانينات |352|
انســـــى امر هذه المشكله

الثانيه/الصوت بالفرامل: حسب كلام الشركه انه اول ماتشتري السياره يبغالك ماتدوس فرامل بقوة عشان الهوب والفرامل تتمرن شوي... وانا اعرف ناس عندهم اكورد مافيها هالمشكله .. ممكن كانت في دفعه من الدفعات وتم تعديلها

الثالثة: بالنسبه لعزل الهواء: فهذه موجوده نعم ولكن على السرعات المرتفعه >>>170 او 180 مثلا
وشي آخر هذه المشكله موجوده في اغلب سيارات 2003 &2004 ماادري ليش
الكامري& اللومينا & اعتقد بعد المكسيما

على العموم الي سمعته من بعض الاخوان انه الصوت خفيف جدا وافضل بكثير من السيارات الاخرى >>> لأنه اللومينا الي سمعته انه الصوت فيها مزززززززعج

مشاكل بالسيدي: ماعندي خلفيه عنها

ولكن الي سمعته انه المسجل يحب السيديهات الاصليه هههههههههههههههه يعني السيدي المنسوخ يتنح شوي>>> ياريت الي عنده اكورد 2004 يأكد لنا على هالشي
لأني ماني متأكد من هذه المعلومه


اخوك

معليش ياشباب نسيت شي مهم جدا

في احد المواضيع للاخوة الشباب لقيت بعض العيوب اللي ذكرت عن الهوندا الاكورد ومن ضمنها
- تسريب الماء من فتحة السقف,
- مشلكة صوت بالفرامل
- عزل الهواء فيها غير جيد ويسمع صوت الهواء
- مشاكل بالسي دي

أرجو من الاخوة الشباب ممن يملكون الإجابة إفادتنا ولهم جزيل الشكر

اخوي الصقار

تسلم على المعلومة الجيدة, مادام الوضع كذا اجل الامور تمام :) يعطيك العافية على الرد والاهتمام



اخوي حارش مارش
اشكرك من كل قلبي على شرحك المفصل والجميل

واتفق معاك في كل ماذكرته, وانا من الناس اللي كان ولازال يعمل هالشي في سي دي سيارته
لكن المشكلة العويصة اني مااجد الاغاني العربية إلا بصيغة الريل بلير, وهي بمستوى جودة ليس جيد كثيرا
تحتاج انك تحولها بعد ذلك إلى صيغة wav او mp3 وبعد ذلك تسوي لها Burn على سيدي بصيغة تراك عشان تشتغل في السيارة

لكن انت شايف العملية كيف طويلة وغثيثة, هي حلوة اذا كان تبغى تسوى منوعات
لكن في اغلب الاحيان ودك تشتري السيدي كامل عشان تشوف بعد معلومات الاغنية من الشاعر والملحن وخلافه
اضف إلى ذلك ان بعد ما تشغل الاغاني المنسوخة على السيدي راح تكون جودتها رديئة مقارنة بالسيديات الاصلية وذلك يرجع لان المصدر وهو ملفات الريل بلير كانت من الاصل بمستوى جودة غير عالي

ارجو ان تكون اتضحت الفكرة
سعدت كثيرا باهالنقاش معكم واشكركم على اهتمامكم وعلى تفاعلكم مع الموضوع ويعطيكم الف عافية

اخوكم رفيع بن شأن <<-----------مايدري من اللي لعب عليه وقاله ان اسمه الكامل كذا :)

^
^
^
اخوي رفيع الشان .. والله اناما شفت صورة المسجل اللي في الوكالة ..

لكن اذا ما رغبت فيه .. تقدر تشتري مسجل بايونير سعره 1700 ريال تقريبا<< فيه مميزات ممتازة جدا يعرفونها خبراء الانظمة الصوتية :)

وبالنسبة للسيديات أخوي رفيع الشأن ..

هذا اذا كنت بتشتري سي ديات اصلية من محلات التسجيلات الغنائية راح يكلفك ..

بس انا عندي طريقة حلوة ما راح تكلفك الا قليل .. وراح تخليك تنسى شي اسمه كاسيت :)

اذا كان عندك سي دي رايتر في الكمبيوتر ممتاز اما اذا ما كان عندك اشتره من احد المحلات المتخصصة ...

سعره تقريبا 200 وشوي ..

واشتر لك سيديات فاضية صناعة ممتازة ..

تقريبا 18 سي دي بيجيك ب 20 ريال

والاغاني اللي محفوظة بجهازك تقدر تنزلها عالسي دي بسهولة ( عن طريق السي دي رايتر ).. والسي دي الواحد يحفظ 80 دقيقة وطبعا لازم تحول صيغة الاغنية المحفوظة بجهازك لصيغة تشتغل على مشغل السي دي اللي عندك ..

تقريبا السي دي الواحد بتصير فيه 18 اغنية .. اذا كانت الاغاني المحفوظة متوسطة الطول ..

وتقدر تسوي لك سيديات منوعات يحبها قلبك :) وبجودة صوت أفضل بكثير من الكاسيت ...

وبالنسبة لنظام فيتيك وآي فيتيك ..

هذا نظام التحكم بتوقيت فتح الصمامات .. ووظيفته زيادة العزم والتقليل من استهلاك الوقود ..

وفيه انظمة مشابهة له بالعمل ..

مثل نظام vvti من تويوتا

ونظام vtc من نيسان .

وبالنسبة لكمبروسور المكيف ...

اللي اعرفه ان ال 4 سلندر يجي كومبروسور واحد ..

اما ال 6 سلندر 2 كومبروسور :)

تحياتي

حبيت اعلق بس على كلامك ان المسجل مافيه اوبشنز


ان الاوبشنز والتحكم من نفس لوحة التحكم اللي عند السيدي بس زر الاخراج من عند المسجل

اخوي أكورد وبس
انا معاك في ان المسجل بدا يختفي شوي شوي في اغلب انواع السيارات
لكن القضية هنا ماهي مسألة معشعش حبا في المسجل
القضية اقتصادية, يعني بدال ماتشتري شريط ب 15 ريال راح تشتري السيدي ب 50 واكثر
بحسبة بسيطة ميزانية الشراء راح تتضاعف بنسبة اكثر من 300%
وهذا عيب مانقدر نتجاهله
لو اسعار السيديات ترخص وتصير منافسة للاشرطة مافيه اي سبب منطقي يخليك تتمسك بالمسجل ويترك السي دي بنقاوة وجودة الصوت الموجود فيه


اخوي ALCoMmAnDoS
أشكرك من كل قلبي على المعلومات القيمة اللي وافيتنا فيها ياعسل , ولو انك فاجأتني بقضية الكمبروسورين الموجودين في السيارة, صراحة معلومة جدا جديدة
بس ماتشوف اخوي انها كثير على سيارة سيدان صغيرة؟


اخوي حارش مارش
تسلم على الرد, بس حبيت اسالك, انا شفت صورة المسجل حق هوندا بموقع الشركة, بس شكله مافيه اوبشنز ابدا
يادوب زر يطلع لك الشريط, هل هذا الشي صحيح ولا حنا لنا استثناءات؟ :)


ثاني شي ياشباب مافيه احد اعطانا اي معلومات عن VTEC والـ I-VTEC
بحثت في المنتدى ومالقيت معلومات تبين شرح لهذين النظامين ومزاياهم
ياليت اللي يملك اي معلومة يتحفنا فيها وله جزيل الشكر مقدما

تحياتي للجميع
اخوكم رفيع بن شأن

المسجل مسجل هوندا اصلي تركبه من الوكالة ب 1500 ريال ... وعليه ضمان طبعا من الوكالة :)

بالنسبه لإسئلتك : 1&2&3&4
الاخوان اجوبتهم صحيحه

بالنسبه للميزات الاكورد

كثييييييره اخي جدا كثيره

ويكفي انها اخذت اكثر الصالونات اليابانيه في الامان >>> قرأت هذا الشي من مجلة اخبار السيارات قبل سنه ونص تقريبا

شي ثاني فيها نظام ABS وايضا نظام التوزيع الالكتروني للمكابح EBD وايضا نظام التحكم بتماس العجلاتTCS
ونظام التعليق بشعبة مزدوجه

والسياره مريحه وراسية جدا>>> ركبت موديل 2004

وبالنسبه للفل اوبشن المكيف فيها اوتوماتيكي >>> وفيها 2 كومبروسر
ولو تبغى تعرف اكثر واكثر

وتعرف كل مواصفاتها ومميزاتها اذهب للوكيل افضل

أصلا السيارة ما فيها مسجل ، وهذا حال السيارات الجديدة ، مثل الفياقرا والبي إم والكابرس واللومينا وكثير من السيارات راح تصير زي كذا

يعني سي دي فقط

لكن تعرف ربعنا هنا ، معشش بروسهم شي اسمه مسجل ، فهوندا صممت مسجل - فيما بعد - للي وده يركب مسجل ، وإلا لاسيارة بالأصل ما فيها مسجل كاسيت

الاخوان ACC-V6 و EsKiLaN يعطيكم الف عافية على الرد ومشكورين
لكن عندي ملاحظة ياشباب
صراحة تفاجأت ان احد الزملاء طلع هوندا اكورد 2005 ويقول مافيها مسجل!! ويقول ان اذا تبي المسجل تطلبه من الوكالة ويركبونه لك
يقول ان الوكالة قالو له ان المسجل اصلي وصناعة هوندا ياباني
حبيت اتأكد اذا كان فيه احد عنده اي معلومة عن هالموضوع
لاني بصراحة خايف لاتسوي وكالة هوندا مثل سواة عبداللطيف جميل اللي يشيل مسجل السيارة الشد بلد ويركب واحد سياحي قيمته ريال وربع هذا قبل التخفيض, ولاهو سعره اشتر حبة تحصل على 1000 سيدي أغاني موزمبيقية من عام يوم حفرو البحر
بصراحة الحركات النص كم هذي مااحبها في الوكالات, وبمجرد ان الوكيل قام يلعب في السيارة اغسل يدك منها على طوووووول

ارجو ان اجد إجابة شافيه لديكم
تحياتي لك ياعسل انت واللي جنبك (قام يناظر باللي جنبه ويقول وش دراه!! :eek: )

حبيت أضيف حاجة يمكن ماذكرها بعض الأعضاء

إنه الأكورد 4سلندر يجي قير عادي

أما الأكورد 6سلندر بس أتو متيك

تحياتي لكم

والله انا طحت في شلة هالصقور وبصراحة اسم على مسمى , :) الله يعطيكم الف عافية ياشباب
اول شي اشكر لكم ترحيبكم فيني وباهتمامكم بموضوعي
واشكر لكم ردكم المفصل وبصراحة ماخيبتم ظني, لكن ولا عليكم كلافة ممكن احد يعطينا شوي تفصيل او معلومات عن نظامي VTEC والـ I-VTEC؟

وعلى فكرة ردودكم بدت تخليني اتشجع وبشكل كبير لشراء الهوندا الأكورد
بأنتظار الرد

تقبلو خالص تحياتي

السلام عليكم

بعد التحيه

انا قبل اسبوع ونص استلمتي سيارتي الأكورد 2005 فل ابشن

وراح اجاوبك على اسألتك مع العلم اني كنت مجرب موديل 2004 الفل ايضا وكان إستخدامه بالمره حلوه

مع العلم اني من الشرقيه ورحنا فيه الرياض

المهم


بالعكس الصوت من افضل مايكون .. وخصوصا بعد ماتصخن السياره

اللهم صل على محمد وال محمد .. ولا كأن الموتر شغال .. وهو من افضل 10 مكاين في العالم من فئة الـ 4 سلندر وايضا الـ 6 سلندر .. ويكفيك الـ VTEC والـ I-VTEC




الصراحه وبدون مجاملات .. الموتر له هيبتها وخصوصا الفل ابشن .. ,, وراح اذكر المواصفات بسؤالك رقم 5




بصراحه ومن كلام الشباب الي اعرفهم والمجربين للموتر فإن الموتر لايشكو من اي عيوب .. وخصوصا من موديل 2004
وإن وجدت عيوب تصنيعيه فإن الوكاله تتحمل تصليحها وبدون ماتدفع شي




قطع الغيار مرتفعه إذا ماقارنتها بتيويتا .. او بالمكس .. ولاكنها معقوله ... وكلام من تجربه >> القطعه الي بتركبها في الهوندا صدقني سعرها فيها يعني إذا ركبت قماش مثلا بـ 250 ريال انسى انك تبدله إلا بعد 40 الف كيلو واكثر بعد

والصيانه بدون مجاملات .. عبدالله هاشم بالمره اكويس في تعامله مع الزباين .. حتى اذكر اخوي مره من المرات كلموه بعد ماطلع سيارته من الصيانه كان فيها مشكله بالقير وهي موديل 2002 اكورد وسألوه عن الصيانه وإذا كان السياره فيها مشاكل او اي شي (( وهذا كلام بدون اي زياده ))




بإختصار شديد باقولك مواصفات سيارتي الفل انا
جلد .. فتحه .. 6 سيديات .. إشارات بالمرايات الجانبيه مثل الفياقرا .. خشب .. ريموت كنترول ونظام منع السرقه .. جنوط .. مثبت للسرعه وتحكم بالسرعه من المقود .. العداد زينون .. وتحكم بالتكيف في السياره مستقل .. للسائق . وللراكب .. وغير كذا ثبات الموتر على الخط




كما ذكر اخوي بالأعلى .. الفوارق بسيطه

الجنوط .. تحكم بالصوت من الدركسون ...

في النهايه تقبل فائق إحترامي واتمنى اكون اجبت على اسئلتك بشرح كافي ووافي