استفسار لو سمحتوا عن الصيانة وفترات التغيير .................

السلام عليكم

اخوي Dr.abab_ab

هذه الاجوبه على اسالتك

1- البواجي وأسلاكها.

البواجي تغيرها كل 20 الف اما الاسلاك ما تحتاج تغيير الا اذا طاح عزم الموتر مره وهذا غالبا ما يكون بعد 100 الف

2- زيت القير.

تغيره بعد اول 20 الف من شارء السياره وبعدين يصير بعد كل 40 الف ....... طبعا مع الفلتر افضل

3- زيت الكلتش.

اول شي زيت الكلتش ما يتغير لكن تزوده............. وهذا في القير العادي........ يعني الاوتو ما فيه

4- زيت الفرامل.

برضوا ما يتغير لكن تزوده

5- السيور.

غيرها كل 80 الى 100 الف على حسب ومشيك وظروف حارتكم.....اقصد المدينه اللي انت فيها

لكن اهم شي هاه انتبه وخلك معي..اذا مشت السياره 100 الف لازم تغير السيور كلها واهم سير هو سير المكينه اسمه سير ( التايمن)

مع بعض السيور اللي حوله والبكرات تبعه.......... انمت اذا مشت الكوكو 100 الف ودها للوكاله وقله ........سير المكينه وهو يشرح لك

6- الفحمات مدري القماشات.

الفحمات على حسب سواقتك الله لا يهينك هذا غير انك قير اوتو وتعتمد على الفرامل فقط في الوقوف ما فيه نمره والا رده بالثاني

يعني تقريبا كل سته شهور....ههذه للفحمات الاماميه

اما الخلفيه تاخذ وقت طويل حول السنه وزياده

اما القماشات لا تسال عنها الا اذا قالك صاحب الورشه ان القماشات فيها مشكله عندك وخاصه اذا صار الجلنط ما يمسك الا فوق

اما الا شياء الثانيه

عندك فلتر الهواء والبطاريه افحصها كل مره تغير زيت

هذا ما عندي اتمنى افدتك

اخوك كـــــ717ـــــــام