اخوي بسام
للاسف مشكلة الزنة هذي تعقدت منها كثير الى درجة اني بعت سيارتي تشليح بعد حادث الحمدلله فكني الله منه وكانت الزنة ماراحت والمعروف ان التأريض يشكل عامل مهم في هالناحية وعرفت هالشي من خلال قراءة الكاتالوجات الخاصة بالمسجلات والامبليفايرات
ولكني صراحة ماجربت حلول كثير لانها ماجتني الا بعد فترة من التركيب لذلك المحل يقول تبغى نسلك من جديد وماوافقت وقلت شف لي حل اسهل لانك بتاخذ فلوسي وهي غلطتك ولا سوء تركيب منك وقال لي المشكلة في سيارتك فيها تهريب كهرباء كبير ويمكن بسبب جهاز الانذار وفي هالناحية معه حق لان اغلب اللي يركبون اجهزة الانذار في السيارات ماعندهم خلفية ويركبونه بطرق بدائية تسبب مشاكل في الكهرباء .. المهم المحل شاف لي شي مثل الفلتر يشيل الزنة ويسمونه بويبينة لكن انا ماانصحك فيها والسبب علشان يكون اساسك صحيح وسليم بدون اضافات عكس لما تكون مرب فلتر لان عندك مشكلة فالافضل يكون الاساس بدون مشاكل
انصحك تتأكد اذا اسلاك الصوت في جهة واسلاك الكهرباء في جهة وانصحك تعرض الاسلاك وبالذات اسلاك التأريض وتاخذ اسلاك لينة وعريضة واذا كان عندك جهاز انذار افصله وجرب الوضع
اتمنى اكون افدتك
واسف على الاطالة
تحياتي
