معي حدود 24 الف هل تنصحوني في الفورد

والله بتتعب رضاء الناس غاية لا تدرك



وعلى العموم تبي رزه وكشخه وتحمل ( الفورد المركيز ) اذا توفقت في واحد نظيف واذا لا الله يعينك السراحه

أي وحدة صرفيتها أكثر يا NYC ؟

معلومه الفكتوريا والمركيز وحده وسأل توكيلات الجزيره انا سائلهم نفس القطع بس الاكسسوارات

بما انك رجال جمعت الفلوس وتعبت عليهن ولا رحت ضيعتهن بخرابيط فاضية فانت رجال حريص و معك عقل وتعرف اللي ينفعك من اللي ما ينفعك مشاء الله عليك
فكلام الناس يتعب هذا يقول كذا وهذا يقول كذاك
هالاربع وعشرين الف لازم انك تحرص عليهن وذلك انك اذا شريت سيارة لازم تكون السيارة تكد معك اطول فترة ممكنة الين ما يفرجها ربك
وهذي بالسيارات المستعملة قليل لكن تلقى صيدات
اذا لقيت كراون فكتوريا موديل 96 او 97 (الفراشة)وبشرط نظيفة توكل على الله وخذها
اما القرند ماركيز لاتاخذها
واذا انك تبي تلعب على المضمون مالك الا وكالة مثل الاكسنت
والله يوفقك بما فيه خير لك
اخوك القايد

وش الا اكسنت وش الا خرابيط هذي...

الكامري او الكورلا ..قلنا ماعليه ..صرفيه محترمة وقطع اوكيه.

بس الرجال يبي سيارة واسعة ومريحة...وبعدين ياشباب الفورد كراون فكتوريا والله سيارة محترمة..
ومن قال ان قطعها غالية ...بالعكس قطعها والله والله رخيصة وٍألأ مجربين.

والله وتكرف معاك كرف...

وانت صاحب القرار الاخير

تحياتي...

انا اشوف انك ما تاخذها ومثل ما قالو الشباب

اترك عنك الفورد خراط مجمع
كامري كورلا طبعا هذا المستعمل
واذا تبغى جديد زي ما قالوا الشباب

اسئل مجرب ولا تسئل طبيب

خذ لك اكسنت وارتااح

مانصحك فيها
يعني سياره مستعمله وماتدري وش فيها من عيوب وصرفيتها للبنزين كثيره

انا انصحك تاخذ هيونداي اكسنت (وكاله) جديده اضمن لك

واذا تفكر بالمستعمل خذ لك كورولا ولا كامري

مرحبتين اخووي

انا معاي فكتوريا 97 بالنسبة للصرف التانكي تعبيه 60 يمشيك 600 كيلوو وانت تمشي 120

واذا انت تمشي بالخط 160 كم تمشيك بحدود 400 كيلوو

اما الكامري فتفلل ب50 وتمشيك 300 كم بنص التانكي وانت تمشي فوق 150

يعني بصراحه الكامري راح ترتاح له من ناحيه الصرف مره |1|

وتبي نصيحتي خذ لك كامري 99 نضيف بلا اكسنت بلا خرابيط :confused:

كل ما كان الموديل جديد كانت السيارة أضمن لك

وأنصحك بالكوريلا لأن قطعه رخيصة وإذا طلع فيه خراب ما راح يكلفك
وتقدر تآخذ مرسديس E موديل 91 أو 92
أو أنك تآخذ أكسنت وكالة واتريح بالك

وبالتوفيق

انا من رايي مثل راي الشباب

اما تاخذلك كامري او كورلا او هوندا او( اكسنت) وهذي اخر شي تفكر فيها


ورايي رايك

وعليكم السلام ورحمة الله وبركاته

السياره مريحه واستعملها جيد

بالنسبه لصرفيتها فهي في المدن : 17 ميل للغالون الواحد

في الطرقات السريعه : 25 ميل للغالون الواحد



اما صرفية الكامري 99 في المدن : 20 ميل للغالون الواحد

في الطرقات السريعه : 28 ميل للغالون الواحد

يعني اكثر من الماركيز

انا اقول توكل على الله ،، ولا تنسى الاستخاره

وبالتوفيق

وين تتوكل على الله

ما انصحك فيها

من كل النواحي
قطع الغيار غالي
البنزين يصرف
يعني كون معك 24 الف ومجمع لك سنه اتوقع حالتك الماديه مو ذيك الزود


والله اعلم عن الاستعمال وش يدريك بعد سنه ولا كم شهر تطلع لك العيوب حتى لو توديها لأقوى فحص بالعالم يسدونه لك بشئ تجاري وخلاص

انصحك اخوي نصحيه ادري انك ناوي تشتري الكراون عشان الكشخه وش فادتنا الكشخه والله ما تفيد بل تضر اكثر

انصحك تشتري لك كامري xl موديل 99 تشتريه ويمسك سعره
ولا اكسنت وكاله انت اللي فاتحها والله اتكلم معك جد وتمشيك كم سنه
وانا اعرف ناس معاهم اكسنت والله يمسكون فيها خطوط ومن اروع ما يكون


والراي لك