وداعـًا لـ(تويوتا) وبالأخص (كـامــري) !

مشكله المتعصبين في التايوتا :)

قسم بالله ياعيال الاكسنت طياارة انا مره تقاومت مع اكسنت ومعي كامري حقت العايله وقام علي قومه وخط مسافه طويله

وامس شفت النترا توه طالع من المسجد وجاي شاطفني طاير مشالله الموتر نشيط وطيارة وركزت في صوت النمر لقيته توماتيك بذا القوه ماصدق فما بالكم بالعادي

الهيونداي جوده ورساوه بس التايوتا حقت تفحيط حتى اللكزس صارو يفحطون فيها ههههههههههههه

صراحة يابو سطام مع اني احترمك و اقدرك لكن انت اللي بديت بالتعصب تبي اقولك كيف ؟

لانك حاط عنوان يستفز محبين التويوتا و يعطي فرصه للي ينتظر منك هفوة انه يرد عليك و بكل عنف بعد
ليه ماحطيت عنوان ثاني مو تخلي المسأله مقارنه

وبالعقل يابو سطام وش جاب لجاب الهونداي اقولك حلوه و سياراتها قويه و ماتصرف بس لكن بالنسبة للجودة والشكاوى بعد ثلاث سنين الظاهر ان الهونداي ماخذه المرتبه الـ 11 ( الظاهر ماني متأكد منها بس متأكد انها مرتبه متأخره )
وتويوتا ماخذه الثالثه او الرابعه ( لكزسس الاولى )
وبالنسبة للانترا و الاكسنت تتفوق بنظري على الكورلا الا الكورلا 1,8 هنا وقف لو سمحت

من وجهة نظري ابو سطام لو انك مدخل الامريكي بالمقارنه كان سمعت كلام يوسع صدرك

اسف على الاطاله

فيديو : والله انا ابتلكم عن اللي ابي وبراحتي .. لان المنتدى هذا ماوضع الا لتبادل الاراء ووجهات النظر وبما ان عندي وجهه نظر في بالي لازم احبرها على المنتدى.. سواء اعجبك الكلام ام لا .. وبعدين وش سالفة الايكو ؟؟ شاذه يعني والا ماهي من تويوتا .. ياعزيزي الايكو ماهي الا بداية (( فشل )) <== ( ااسف على سوء التعبير ) ، لكن هي الحقيقية لان الاكسنت تفوقت عليها من فترة والالنترا فيها مايميزها عن الكورلا بمراحل .. يكفيك مكينه اقل فئة 1600 سي سي .. وياليتك تقرا رد اخوي المميز الاول وتعرف مبتغاي من الموضوع لأن مبتغاي مو مثل ماتتوقع لاني لا انا والا انت اقدر احطم شركة او انجح شركة .. المقصد هو ان سياسة الوكيل في مرحلة ماقبل البيع هي سياسة فاسدة وياليت تركز على كلمة ( ماقبل البيع ) ..
واستغرب من بعض الاعضاء معارضة هذه المقارنة ،، بما ان الشركتين متنافسة .. فالمقارنة طبيعية جدا ..

م ح ص : انا حققت امنيتك ورديت مثل ماتبي .. وياليتلك عزيزي ومثل ماقلت لك قبل كذا (( خلال الفترة هذي قلل اهتمامك بالنت وبالمنتدى واهتم بما هو اكبر من ذلك )) وانت فاهم قصدي .. وبما اني حققت امنيتك بالرد ... اتمنى انك تحقق امنيتي بحصولك على احسن الدرجات بإذن الله .. والله يوفقك يارب .



تحياتي للجميع ..

انا أؤيد كلام الاخ فيدو واتمنى من ابو سطام الرد

أولا أحب أشكر أخوي THE MAX على كلامك الرائع و أشوف أنه زودها شوي على الكامري و الكوريلا أما الأيكو ماعندك مشكل أتكلم عنها ألين تطفش لكن تقارن الهونداي بالتويوتا أنسى الأمر نها ئيا و لا تحاول با لنسبة للكامري مافيها أي مشاكل سواء الجديدة أو القديمة أو حتى موديل 93 و الكوريلا حمار كرف لا تقارنها بالألنترا اللي مافيها أي ميزه تفرح راعيها و الهونداي مايتقارن بالتويوتا إلى من ناحية و احدة وهي الســــــــــــــــــــــــــــعــــــــــــــــــر و تسلم أخوي ما كس على كلامك الجميل باي

أخوكم فيــــــــــــــــــــــــــــــــــــــــــــــــــــــــــــــــــدو

اخوي .. شكرا لتفاعلك ..
وبالنسبة لكلمة امثالك .. انا ماقلتها من ناحية تعصب او زعل ان قلتها بس عشان اوضحلك بعض الاعضاء الي مثلك وردودهم ..
وبالنسبة للتعصب للهيونداي .. شله من راسك والله مو متعصب والله مو متعصب كلها حديد في حديد ..
وقلتلك الموديلات القديمة .. مانشوفها الان لانها كانت قليل تنباع سابقا وبالنسبة للالنترات انا الى الان اشوف موديل الـ2001 مع اللموزينات واحنا الان في الـ2005 وهذي اربع سنوات مو ثالث .. وتشوفها الا الان تكررف معهم ولا قالت شيء ..
وبالنسبة للمرور انت فهمتني غلط يعني اللي كنت اقصدة ان هذي حكومة وماراح تلعب وتخلي الاختيار عشوائي لانها لو اختارت اي سيارة وماكانت بالمستوى المطلوب راح تتعبهم وتخسرهم .. يعني اختيارهم ما جاء من باب فراغ ولكن بعد دراسة وتمحيص .

والمشكلة الان اذا تكلمنا بكلام علمي قلتوا هذا كلام ورق واذا تكلمنا بكلام عملي قلتوا نبي كلام علمي
طيب عزيزي لو تبي الكلام العلمي انتقل لموضوع الاخ ( صحراء الجليد ) بعنوان ( تقارير الجودة ) وبتشوف فيها مكانه الهيونداي ..
وبالنسبة لكلمة(لست بدراية ) .. فراح يكون ردها ان شاء الله بالموضوع العلمي الي انت تبيه والي هو يتعلق بالجودة للاخ صحراء الجليد .

وعلى فكرة بالنسبة للزوار المهندسين مثل ماتفضلت فياليت تعرف ان كاتب هذا الرد طالب بكلية الهندسة ..



تحياتي للجميع ..

اولا اخي ابو سلطان .. احييك على تفاعلك ..



ثانيا يظهر لي من خلال ردك انك زعلت او اخذت في خاطرك...

ودليل ذلك كلمتك<<<< امثالك>>>>> ..


وانا لا اتجادل معك .. عذرا لك اخي بل وضح لي جليا انك متعصب لهونداي .. واضحه والله واضحه مثل عين الشمس...



وعلى فكره هونداي من طلعت وهي تتعامل مع متسوبيشي .. وين الموديلات القديمه...؟؟؟؟

اخي تعامل هونداي مع متسوبيشي .. انت فاهمه خطأ مع احترامي لك!!!

هونداي تكسب الخبره وتتعلم من ميتسوبيشي التقنيه.. وليس كما تظن انها تقوم بتركيب محركات ميتسو على الهونداي ..

كانت قديما هونداي تقوم بالاستعانه ببعض القطع من ميتسو مثل الدينمو والمكثف..وبعض الدوائر الكهربائيه اما المحرك فأسمح لي ..

انا لا اتفق معك..

وانا اتكلم عن علم ودرايه اخي وليس عن تكهنات او ... او ..

اما قضية الليموزين هذي القصه مالها اكثر من ثلاث سنوات او اربع بالكثير بس تعال بعد سنتين ان شفت كل هالالنترات والسوناتات لك اللي تبي . اقصد اللي عند الليموزينات...

وانا اشوفك كل ما قالك احد الهوندا ي جودتها مش ولا بد رديت عليه المرور السري في الرياض والمرور السري في الرياض..

هل مرورنا يحدد جودة السياره..يا اخي قول كلام معقول..

هذا ما كنت اقصده ان تتكلم بكلام علمي وليس بتجارب ليس لها اكثر من ثلاث سنوات .. لانك انت بهذا تعطي سلعة درجه لا تستحقها ..

سامحني على قسوتي بس صراحه ردودك خاصة في هذه المواضيع غير علميه البته.. وتحتاج الى صياغه قبل طرحها.. وكما تعلم المنتدى يزوره الكثير من المهندسين واصحاب الخبره فأحترم عقولهم على الاقل ..وليس بالضروره انهم لم يردو عليك انهم موافقونك الرأي

لا اخي .. ارجوك نحن لا ننكر السياره الكوري وبالاخص الهونداي في تقدم مستمر لكن لا نرفعها الى مصاف الصانع الياباني ... والله انا تعجبت منك!!! .. وخاصة قولك ليش المرور السري ما اخذ الكورولا بدل الالنترا؟؟؟ سبحان الله كأنك تقول ان الالنترا افضل من الكورولا بس تركتها لنا احنا نكتشفها ... هذي الجمله بس تثبت انك لست على درايه بأمور التصنيع للسيارات . وانما تعتمد على مشاهداتك اليوميه في الشارع...

تحياتي لك وارجو ان يكون ردك واضح دون تعصب او كلمات تقلل من قيمة الموضوع اخي ابو سطام.. وارجو من الجميع المشاركه بارك الله فيكم.

تحياتي لاصحاب الخبره...

عاشق vvt-i :
س: هل يستطيع الكوري أن يعمر 15 سنه ؟
ج : اترك الجواب لك ولي تكون في الصورة انا لم اتكلم عن جميع السيارات الكورية بل تكلمت فقط على الهيونداي ، واذا كانت الميتسوبيشي تعمر 15 سنة فإن الهيونداي تعمر 15 سنة ، لأن المحركات واحده .. قتكون القدرة على التحمل والكرف واحده ..
وبالطبع انت تسأل نفسك لما لانرى سيارات الهيونداي القديمة .. والجواب أن الشركة نشاطها لم يزداد الا قبل الـ5 سنوات تقريبا اما قبلها فكانت نادرة المبيعات ، فالمعادلة واضحة : ( اذا كانت سيارات ميتسوبيشي تعمر فإن سيارت هيونداي تعمر ) .
وانا اعطيت كل سلعه قدرها بعيدا عن التعصب والتحيز وهذا لم يكن اول او آخر موضوع من مواضيعي ولكني اتمنى انك ترى مواضيعي وتتطلع عليها بما انك عضو جديد ، فسترى مدى الحيادية بالمواضيع والحماس في الردود لي اول علي .
وعلى فكره انا كاتب روابط لـ3 مواضيع عن السوناتا وبتشوف انت رأي اعضاء المنتدى فيها ..وأنا ماوضعت هالروابط الا اردا على امثالك الي يقولون ان هالمواضيع تفقد المصداقية للمنتدى . |1|
وما هدفي انا ان امدح سلعه معينه او اذم سلعه معينة انا مجرد عضو وقبل ذلك مواطن لا امتلك سوى ما امتلكه فلست من شركاء هيونداي او من اعداء تويوتا ومنافسيهم ، وكيف تقل مصداقية المنتدى .. وانا كاتب الختام وقبلها كل موضوع يعبر عن رأي كاتبه ... صحيح غريب ؟؟؟
اذا كانت حسبما تقول ان محلات الاجار لهم معادلات خاصة بهم ،، ما رأيك بسائقي الليموزين وانا هنا انوه عن الالنتر وانتشارها بين سائقي سيارات الاجرة .. ؟ وما رأيك بالمرور السري ( الالنترا ) ولماذا الدولة وثقت بها ولم تثق بالكورلا المزعومه بالصناعة اليابانية ؟؟

فعلا الوضع يتغير يوم بعد يوم .. لكن من يلاحظ ومن يفهم .. ومن يقدر يقول الي بقلبه ؟؟؟




تحياتي للجميع ..

مرحبا اخواني ...


والله يا ابو سطام احنا ما ننكر تطور الكوري على مدى السنوات الاخيره...


لكن مهما كان يضل اقل جوده واصاله من الياباني عموما ... حتى يثبت جدارته .. يعني هل يستطيع الكوري ان يعمر 15 سنه...ما اظن لكن انظر الى الياباني كرف وشغل ومكده ولا يزال يعمل حتى الان... اما الكوري.. ربما يعمر معك 4 او 5 او 6 سنوات لكن بعد كذا ما اظن راح يكون فيه حيل هو ما راح يقوف بس خلاص .. اقصد افتراضيا انتهى..

اما اللي تشوفهم في الشارع هذول جدد .. اكيد راح يكدون شي طبيعي لكن تعال لهم بعد 6 سنوات وشوف...


لا تكاد تجدهم فضلا عن ان كانو موجودين ويعملون..


لذلك ارجو ان تعطى كل سلعه قدرها ولا يزاد او ينقص فيها..

وارجو منكم ان تحترمو عقولنا ... حقيقة اذا طرحت مواضيع كهذه دائما ربما تنقص من مصداقية المنتدى ..

فأرجو ممن يكتب اي موضوع ان يكتبه عن درايه .. وليس عن تعصب .. كأن يمتدح سلعة يملكها مثلا .. مع فائق تقديري للأخ ابو سطام...


نقطه اخيره .. جودة السياره لا تقاس بمحلات التأجير ...هذه المحلات تضع مدة زمنيه تقوم فيها بمعادلة سعر السياره ومدة خدمتها عندهم مع صافي الارباح...فمثلا اكثر محلات التأجير ..تضل السياره لديهم 3 سنوات على اكثر تقدير فقط.. ثم تباع وتستبدل...فلا تقس على ذلك..

شكرا لكم...

العفو يالغالي ابو سطام
انت إلي الله يعطيك العافيه على طرح الموضوع الرائع
ولو كان فيه ناس يفهمون ويناقشون بحياديه كان طلع الموضوع هذا من افضل مواضيع المنتدى المتميزه لكن للأسف مافيه ناس تقدر وتفهم
والله يعينك اخوي ابو سطام
وماعليك من العذال
وشكرا لك على مواضيعك المتميزه الدائمه

اخوك المميز إلي مابراسه تميز

مرزوق : هلا بك ..وشكرا على تعقيبك السريع بالنسبة لكلام الاخ الاشعث او سمارت ..واني اخشى عليه ان توقف عضويته الثانية..

المميز : الله يعطيك العافية على الرد الجميل والمرتب .. ولعل وعسى ان يوضح المقصد الاساس من الموضوع ، والذي فهمه القليل ، ولكن المتعصبين لتويوتا والكارهين للهيونداي فهموه من وجه اخر .. شكرا لك مرة اخرى على التعقيب والرأي المــــــحــــــــايـــد .



تحياتي للجميع ..

السلام عليكم ورحمة وبركاته

كيف حالكم شباب وش مسوين

قالو لنا عندكم هنا فلله قلنا ندخل نسولف معكم

بسم الله

اولا ليه ماخذين الموضوع من ناحية اسم تويوتا العريق

وماخذيتوه من ناحية الوقائع

فجوده الكوري بدت تتطور وتصل إلى المطلوب والمرضي

ولكن لاتقولون الكوري لا يتحمل الكرف ومدري كيف اعرف واحد معه النترا موديل 2000 ماشي فيها 330 الف للحين ولا اشتكى منها

ليه يقول محافظ عليها تحافظ عليك اكرفها تكرفك

وبعدين الكوري بدا يتطور فلاحظ انا لو جيت اشتري اكسنت او ايكو

فاكيد اكسنت من ناحية السعر والجوده والقطع والشكل بعد والانتشار

الموضوع هو تطور الهونداي بمستوى قوي جدا وانحدار التويوتا السعودي خاصه من وكيلنا المحترم

فاساس الموضوع هو تطور الهونداي شكلنا ومضمون وجوده

وبعدين الاخ ابو سطام طرح رأي ووقائع

معك حق ولا احد قال تويوتا خلاص في الباي باي

لكن الموضوع المقصد منه نجاح وتطور الهونداي

وانحدار ابو جميل

ولكن طبعا لا احد يقدر يمس مكانة تويوتا العريقه

لكن لاحظ انتشار الهونداي حاليا بشكل عجيب غريب فهذا دليل على ان هونداي تريد اثبات نفسها

ولاحظو ان التويوتا نسبيا بدت تقل مبيعاتها والهونداي بدت تزيد
لكن طبعا ماراح تجي مبيعات الهونداي زي التويوتا

لكن التويوتا بدت تنقص
فمثلا لو تقارن مبيعات الاكسنت و الايكو سابقا وحاليا ترى تفوق الاكسنت حاليا
والالنترا والكورلا اقدر اقول كمبيعات تويوتا متفوقه لكن كسعر ومواصفات فاجد النترا في منافسه مع الكورلا ولكن نسبيا بدت تزيد
مبيعات الالنترا وتقول الكورلا قليلا
وإن وصلنا للكامري والسوناتا فاكيد لن تستطيع السوناتا منافسة السياره
التي اسرت قلوب شباب السعوديه ولكن نسبيا بدت توصل سوناتا للمكانه المطلوبه للمنافسه القويه جدا
والشرسه ووصلت للجوده والشكل والمضمون والمحرك والسعر الذي يجعل منها منافس للكامري
ولكن اكيد الكامري تتفوق في المبيعات ولكن كسيارتنا نقارن بين مواصفاتهم وسعرهما فاكيد السوناتا وصلت لمرحلة الكفاءه
للمقارنه مع العملاق الكامري
وقد تتفوق بسعرها ومواصفاتها على العملاق

وارجو ان يكون محور الموضوع هو تطور الكوري وانحدار التويوتا بالسعوديه
واكيد ستبقى تويوتا اسم لامع يسطع فوق الجميع
ولكن نتكلم عن التطور الذي وصل له الكوري مما يجعل منه في منافسة مع سيارات تويوتا

وشكرا لكم وارجو ان لا اكون اثقلت عليكم

وهذي وجهة نظري وتفكيري وشكرا

اتمنى عودتك تكون صالحه يا سمارت


وان شا الله تكون استفدت من ايقاف عضويتك بالاشعث


الله يعين بس


اخوووووووووووكم مرزووووووووووووووق

على فكرة توني انتبه للجملة الي قلتها :


حرام عليك يارجل .. تقارن الموضوع ذا بذاك ؟؟
انا وضعت روابط ومن كلام اعضاء المنتدى ورأيهم بالموضوع وبالسوناتا
انا طرحت الموضوع بأسلوب شيق مرتب وماجرحت في عضو او اصحاب التويوتا .
انا كتبت ختام ( هذه وجهه نظر ورأي شخصي والكل له وجهه نظر خاصة به وهذا المنتدى لم يوضع الا لتبادل الاراء ) وياليتك تفهم معناه .
انا طرحت الموضوع عن طريق أسئلة عشان الكل يشارك برأيه .
انا سويت مقارنة منفصلة لكل سيارة .. وماقلت ( الكوري يركبه الواحد كأنه راكب .... )
أنا احترمت كل عضو بالرد وماجرحت بأحد أبد .
أنا رديت على كل رد يستاهل الرد برد منطقي وواقعي .
انا ماتسبب في وقف عضوية ( الصقار ) الي هو احسن مني ومنك بالمنتدى هذا .
أنا ..
أنا ..
أنا ..

خلاص مليت وانا افهمك انت بس انت باقي معاااندني .. وعلى فكرة ميتسوبيشي الان انا واياه اعز من اصحاب وأسألة وهو يقولك .. وعلى فكرة دايم بالليل نسولف مع بعض على الماسنجر .. بس ماقد جبنا طاريك .. بس انت .. انت .. انت .. الله يهديك




تحياتي للجميع ..

اوكي يابو سطام

يا اشعث : ولكم باك .. لكن على فكرة الموضوع هذا ماشي تمام التمام .. 24 صفحة و 188 رد كلها مثل العسل .. نقاش حلو ومسلي وومتع مع ااعضاء الاعزاء ..وعلى فكرة ترى مكان ردك مو هنا .. يعني لو تكتب موضوع في منتدي ( الشكاوى ) وعلى فكره انت الغوو عضويتك .. يقلولون لانك تكلمت بالغلط على كم عضو .. بصراحة انا منهم .. ولكني مشيتها لك .. لكن يمكن غيري مامشاها لك ولاتنسى كلمتك ( منتدى الالعاب ) يمكن كانت هي السبب الرئيس في ايقاف عضويتك .. وعموما لا توقف عضوية اي عضو بالمنتدى الا بعد مخالفته لسياسة المنتدى .. وأنت أكيد خالفت سياسة المنتدى لذلك اوقفت عضويتك .
واذا كان عند شكاوي ومقترحات لاتكتبها هنا لان هنا مو مكانها .. ولكن مكانها في منتدى ( خدمات وسياسة المنتدى ) على الرابط هذا http://www.assayyarat.com/forums/forumdisplay.php?f=109
وتقدر تروح هناك وتكتب كل الي براسك .. وتطلع اللي بقلبك .. بس بصراحة كونك تبي الادارة تعتذرلك علنا .. فهذا استحالة لانك كنت مخالف لسياسة المنتدى .. واحمد ربك اذا ما اوقفوا عضويتك هذي بعد ..


م ح ص : والله قلتلك كان معي لكزس .. واذا تبي صورت الاستمارة موجودة ارسلها لك على الايميل ؟؟
وبعدين هل ترى من الواقع انك تقارن سيارنة بـ60 الف بسيارة ثانية بـ240 الف ؟؟
هل تتكلم من كامل عقلك ام انك تمزح ؟؟؟؟؟؟ عموما لو عندك كلام شاتنق تقدر تجيني بالماسنجر


تحياتي للجميع ..

والله اخوي ان كانت عندك مشكله بالياباني ،، ماقول الا الله يعيينك

خلينا واقعين ونترك الكلام الفاضي اللي مايودي ولا يجيب، واترك عنك المواقع والمواصفات والمجلات

روح انزل للورش ومعارض السيارات وبتعرف الجواب <<<<<<< اكيد الحين بيحقد عليه

اخوي ابو سطام انا والله ماني متعصب ولا شي بس الواقع يفرض علينا هالشي ، ولاتقولي انه فيه تطور ، لانه لاجا وتطورت الصناعات الكوريه وبالاخص سيارتها بعدين نقارن ماعندنا مشاكل اما حاليا طبعا لا :)

ومثل ماقال واحد قبل انه ابو جميل هو يمكن السبب في المشكله بالمواصفات 0000 اللي ينزلها واللي تقول ماهي بتويوتا من سلامه وغيره ،

السلام عليكم
ابوسطام اقول ليش ماتقارن هونداي كوبيه اللي تقول عنها بالكزس 450 كوبيه
ولعلمك لكزس تبع تويوتا والدلالة افتح الكبوت حق اي سيارة لكزس بتشوف علامة تويوتا وجنبها لكزس كيف تقوا وداعا مع الهونداي تبعك

السلام عليكم جميعا...

تحيه لاخواني جميعأ..

حقيقة انا اعجب اشد العجب ...اي والله اشد العجب ان يستمر هذا الموضوع حتى الان ولم يحذف ...

في سابقة قريبه تم طرح موضوع بأسم << تفاوت الجوده في صناعة السيارات>> للكاتب الاشعث وتكلم فيه الكاتب عن اختلاف الجوده في الصناعه...

وتم التطرق الى افضل المصنعين للسيارات والى اقل السيارات جوده... فهب بعض الاعضاء بالرد القاسي على صاحب الموضوع ...وكأنه قد اخطأ في حق احد..

بل وصل الموضوع الى الغاء الموضوع واقفاله .. بل والاكثر من ذالك <<< تم الغاء عضوية الكاتب>> سبحان الله ..

مع ان الكاتب لم يخطأ على اي احد من الاعضاء وبأستطاعتكم الاطلاع على الموضوع للتأكد لمن لم يكن له سابقا مشاركة فيه..

وانظرو الى هذا الموضوع حقيقة ...وكيفية طريقة عرضه ..مع احترامي للكاتب..حتى الان تم الاكتفاء بالملاحظات فقط من قبل مشرف او مشرفين...

ولكن اللوم . يقع على ادارة المنتدى التي لم تنصف الاشعث..التي وصل بهم الحال الى منعه حتى من التصفح والاطلاع على صفحات المنتدى...




وعلى ذلك انا اناشد ادارة المنتدى ان تقدم لي الاعتذار علنا امام الاخوه واللذين يشهدون على ذلك وخاصة الاخ ميتسوبيشي... وارجو منهم ان لا يلغو عضويتي الجديده بأسمي الجديد...والتي اضطريت ان الغي بسببها ملفات الكوكيز من جهازي وان اصنع ايميل جديد حرصا على ان اشارك مع اخواني....


ملاحظه : ارسلت ايميل للاداره وتم تجاهل رسالتي ...



تحياتي للجميع...

اخوكم الاشعث بأسمه الجديد..smart