لا حول ولا قوة الا بالله.
الله يكون في عونك وحديد في حديد مايهم اهم شي انك سالم.
والله يعيين والله يستر كثرت الحوادث.
والله ضاق صدري بدرجه خياليه.
الله يحمينا ويحمي الجميع.
والله انها عين مادام انك نشرت صورتها مثل ماصار لي بموديل 2004 بالضبط..كنت ماشي 140 وطلع علي واحد وارتبكت اول شي مسكت بريك قلت خليني اكسرها يمين والله وزحفت بي السياره لان غلط الواحد يكسر الدركسون وهو على سرعه 120 وفوق لان اقل رمل او اي شي راح يخلي السياره تزحف طبعا السياره لما زحفت راحت على الجزيره وكانت رفيعه شوي عن المحلي وانقلبت السياره 4 قلبات لكن الحمدلله جت سليمه وطلعت منها بدون اي اصابات حتى لما طلعت مانا حاس بالي صار لان هالشي ماتوقعته لاني سويت حركات اكبر من هالحركه |10| لكن حالة الشارع تاثر واجد..
والحين عندي 2005 وتراها افضل من 2004 وماعندي مع السياره اي مشاكل باستثناء ان بعض الاحيان يطلع صفير هواء من نافذة السايق بس الي فهمته ان هالشي عادي خصوصا اذا كان الهواء قوي..
بس عندي لك اسئله
كنت رابط الحزام؟ لاني كنت رابطه :)
السياره انطفت لحالها والقفول انفتحت لما استقرت السياره ؟ هذا الي صار لي :)
السياره اشوفها ثابته بس اذا تصرفت فجأه وياها هنا يبي لها الف حساب..
بس انت تقول السياره انقسمت ؟الصوره فيها شي ثاني وهذا شي عادي ان السياره تتعور لهالدرجه عشان تمتص الصدمه والي داخلها مايصير لهم شي..
شف يالحبيب
والله اني كنت ناوي ارسل لك على الخاص انت وطلال بحكم حط صور لسيارته قبل فترة بخصوص صورة سيارتك في التوقيع لكن قلت بيقول لي وش ذا الملقوف
هذي عيييييييييييييين
قبل سنة بعد اجتماع الاعضاء الاخير في الرياض كنت معهم وحطو صور سيارتي وكانت كابريس 2001 وبرضو لقطة مقاومة مع طلال (TSS)
وبعدها بعشر ايام خشيت بحادث احس اني كنت زي المنوم مغناطيسيا فيه وبرضو خشيت بعمود لمبة بس على سرعة بسيطة
وكلفتني 11 الف عند ورشة اي كلام
بعدها حلفت مهما كانت سيارتي اني ماحط صورة لها
وانا بعدها شريت كابريس ss 2004 ومع اني كنت فرحان زيك لكن حلفت اني ماحط صورة لها لاني داري بيجيها عين من اي جهة
وتعرف المنتدى مشالله رواده كثار وفيهم الصالح والطالح
والله يعوضك باللي احسن منها والحمدلله على سلامتك يالغالي
الحمدلله على سلامتك ... وصدقني ان دخلتك لبيتكم وانت سالم تسوى مليون لومينا اس اس 2005 ... واسألني انا , الاسبوع الماضي هج بي الكابرس حقي على 160 والحمدلله عدت على خير .
بالنسبة للرجه في الفرامل هذا الي يسمونه abs وظيفته يدبل لك فرامل مرات عديده في الثانيه الوحده عشان ما تزحف السياره
اما ليش ما طلع الا ايرباق واحد فهذا طبيعي لان كل ايرباق له حساس خاص والضربه جت في الجهه اليمنى يعني جهة الحساس تبع الايرباق الجانبي الايمن وهذه ميزه لان الايرباقات الباقيه مالها فايده اللهم انها بتخسرك في تصليحها .
لكن الي ماهب طبيعي ان السياره تزلق على 140 وعلى كلامك انك ضربت فرامل بقوة يعني يوم تزلق السيارة يمكن كنت تمشي 120 او 130 وهذه سرعه عاديه ما يهج عليها الموتر المفروض مهما كان !!!!
لكن الحمدلله على سلامتك والله ان قلبي عورني وانا اقرا الموضوع لكن الحمدلله انها عدت على كذا بس
اولا الحمد لله على السلامه في المال و لا في الارواح
ثانيا الرجه الي صارت في البريك هذا هو نظام الABS و هذا مو معناه شل رجلك عن البريك
بل انه البريك صار يمسك و يفصل بحركه سريعه كي لا يقف الكفر و تفحط
زحفه السياره على 140 عاديه مره خاصه اذا كانت الكسره قويه
انقسام السياره الى نصفين غير طبيعي ابدا و من ملاحظتي للصوره ما الاحظ اي انقسام
الي الاحظه ان السياره من الجنب تعورت مره لانه في عامود اضائه و معروف ان عامود الاضائه حديد في حديد
و اهم شي سلامتك و عودتك سالم لنا والله يعوضك خير ان شاء الله
