مجموعه اسئله مهمه عن الكابرس ltz 2005

samuri_x @user_12921 · 18-03-2005

السلام عليكم جميع
عندي مجموعه اسئله اعتقد تهم كل مالكي الكابرس ال تي زد 2005
ومنهم انا طبعا فياليت اللي عنده خلفيه يكون مشكور ويعطينا اجابه انشاء الله انها تكون شافيه
اول سوال عندي هو هل الكابرس ال تي زد الفل اوبشن تجي فيها حساسات خلفيه + برنامج فحص ضغط الاطارات
انا شريت كابرس فل كامل ولالقيت فيها الشغلات ذي
ويوم رحت الوكاله قالوا هي كذا مع العلم الكتالوج يقول العكس
ادري الكتلوج مافيه غير الكذب بس ايا كان طلبت منهم يركبون لي حساسات وبرنامج فحص الاطارات قالوا ما عندنا + بالاساس هي ماتركب ؟؟؟؟؟؟
حاججتهم قالوا السياره مافيها حاجات زي كذا بالاساس مما اثار استغرابي
السوال الثاني اش نوع محرك السياره للكابرس الجديده
رايت في المعرض مجموعه من السيارات تحمل اسم المحرك allyotec بينا سيارات ثانيه باسم ثاني
حسيت انه في غلط يبيله توضيح لان الدفعه الاولى من السياره 2005 حسب كلام الوكاله كان لايزال يحمل محرك ال 2004 ؟؟؟؟ وابي اتاكد من اسمه عشان اتطمن .........
السوال الثالث ماهي الاشياء اللي في السياره اللي تكون تحت الضمان
لانه واجهت بعض المشاكل مع السياره في البدايه في المسجل وبرامج تشغيل السياره ويوم رحت لهم قالوا مو داخله عندنا ؟؟؟؟ وبالنسبه لتامين السياره هم بالشركه يطالبون عند اي خدش ب 1000 ريال فايش لزوم قسط التامين اجل ؟؟؟
السوال الرابع والاخير
اش الاضافات اللي لو حطيتها على السياره تخرجني من الضمان ؟؟؟
ارجو اني ماطولت عليكم وياليت القى اجابات شافيه
اخوكم
SAMURI_X

Caprice @user_9992 · 20-03-2005

اذا على العزل
رح اقرب محل زينة ويحط لك فلينة السودا على جميع الابواب وخلصنا

وبالنسبة للحساسات فهي تركب وحتى هذا مكتوب في الكاتلوج
ماعليك منهم ترا بعض اللي بالوكالات والله مايدري وين ربي حاطه

مؤيد اف1 @user_1786 · 20-03-2005

محرك 2005 في اللومينا والكابرس 6 سلندر محرك جديد بالكامل (وليس الثروتل بودي فقط) وهو اصلا محرك الCTS لكن يصنع في استراليا وسعته 3.6 وقوته 228 حصان وهو محرك ممتار واقتصادي في نسخه ثانيه من هالمحرك وقوته 255 حصان الفروض يجي على اللومينا اس مع جيربوكس 5 سرعات اوتو مع خاصية التعشيق من خلف الدركسون بس ماجانا (لازم مواصفات الخليج اقل)

لاتتعامل الا مع التوكيلات العالميه للسيارات ,,

عزل السياره عادي جداً ماهو قوي ولا ضعيف :)

تحياتي

كابـــSSـــرس @user_6060 · 20-03-2005

اخويك مع LTZ 2004

ويشهد الله اني ماني ضارك ولكن سياره لايعلى عليها

يعني موتر قوي جدا جدا ومريح وشبابية وفخمه وعائلية

ولكن يالغالي العزل الصوتي لك عليه شوي ولكن المسجل يغطي على صوت الخارجي

ولكن يالغالي مافيه سياره تمشي عليها 160 مايطلع صوت هوا

وثانيا يالغالي مواصفاته والله السياره بتكمل معي سنتين وبدون مجاملة

كل يوم اكتشف فيها ميزه جديد مثل اليوم جرس الانذار اكتشفت انه يرن بمجرد محاولة فتح الشنطه من الداخل والسياره مسكرة

يعني ميزه اكثر من رائعه والي في راسه خير يفتح الدرج والله ان يفضحه الموتر هههههههههههههههههههه

توكل على الله يالغالي

samuri_x @user_12921 صاحب الموضوع · 19-03-2005

اشكر الاخوان على ردودهم وياليت اللي عنده اخبار اكيده ياليت لايتردد بالاجابه
بالنسبه للاخ اللي يسال عن الكابرس ltz
السياره اشهد لها بانها طيبه ومكينتها قويه والسياره فوق ذا كله مريحه
بالنسبه للعزل الصوتي والله لك عليه شوي السياره مو لكزس ولافياغرا بس والله بعض الاحيان صراحه تحتاج تسمع صوت المكينه عشان تحس بقوه السياره _ واحد راعي قومات _
بالنسبه للوكيل انا ماتعاملت الا مع الجميح ويشهد الله انه اسوأ وكيل عرفته فياليت تبعد عنه
يقولون العالميه للسيارات افضل
انت شوف واللي يناسبك توكل على الله وروح له
اخيرا وليس اخرا بالنسبه للحساسات والله اني احترت لانه في ناس قالوا يركب بل ltz
ويوم رحت الوكاله يقولون مافيه + ماعندنا فياليت التوضيح اكثر
اشكركم مجددا واتمنى ردود اكثر
تحياتي اخوكم
samuri_x

ALNADR @user_17717 · 18-03-2005

اخوي اعذرني انا بغيت افتح موضوع واسأل بعض الاسئلة عن الكابريس لاني محتار بينه وبين الابيروس..

فلو سمحت لي بودي طرح اسئلتي هنا بعد اذنك.. اسئلتي كلها عن كابريس LTZ

كيف الاعتمادية والعملانية بالكابريس " هل هناك اعطال متكررة ومشاكل الكترونية!!

كيف التكييف والحرارة في السيارة؟

كيف العزل الصوتي في السرعة العالية فوق 140 ؟

ما أحسن وكيل للسيارة من حيث الخدمة مابعد البيع؟

وفي الأخير تنصحوني بشراءه أو لا؟؟؟

xx_V8_xx @user_14932 · 18-03-2005

((اول سوال عندي هو هل الكابرس ال تي زد الفل اوبشن تجي فيها حساسات خلفيه + برنامج فحص ضغط الاطارات))

لا يخوي هذي في الرويال فقط ,, الحساسات سهل تركيبها اما ضغط الاطارات هذي صعبه او مستحيل لانها برنامج

اما المحركات ... فهي نوعين :

8 سلندر V8 5.7 وهذا من موديل 2000 الي 2005 ... لكن في 2005 غيروا غطاء المحرك وفي حاجات اصبحت الكترونيه

6 سلندر 3.8 لكن في 2005 تغير واصبح 3.6 بس اقوى بسبب الحاجات الالكترونيه ( الثروتل تحديدا )

اما سالفة الدفعه الاولى من 2005 عليها مكينة 2004 هذا غير صحيح لان اصلا المكينه نفسها ما تغيرت اللهم الغطا والثروتل الكتروني

وكلمة alloytec هذا اسم محرك الـ 6 سلندر