من يعتقد أن قوة اللاندكروزر 250 حصان فليدخل!!!

مشكورين يا اخوان على هذا الموضوع لاني بصراحة متعجب من اسعار تويوتا المبالغ فيها جدا مثل الااند كروزر غالي جدا و صرفيته للبانزين مو طبيعية وانا اقصد 8 سلندر والوكيل عندنا بالكويت اسعاره خيالية ومع ذلك الناس تشتريها وبكثرة والسبب الاسم ,مو مشكلة نعتبر الاند كروزر يستاهل, لكن السيارة الي ماتستاهل سعرها من تويوتا البرادو على شنو تستاهل 9000 دينار يعني سعرها قريب من الجمس وايضا فاشلة جدا من ناحية الثبات في الخط والله يعين من يصير له حادث في برادو ومع ذلك الناس مازالت تشتري هذه السيارات كان لسان حالها يقول نحن راضيين على هذا النصب والاحتيال

صدقت أخوي msh3l1 وأشكرك على ردك وأرائك
بنسبة للأكورد أنا بعد شايف هذا الشيء أيضا في عام 2004 كانت الأكورد سياحي فتحة بـ 68 ألف أما الأن السياحي بدون فتحة! بـ 70 ألف والله شيء يقهر!!!!!!!!!!!!!!!!!!!!!!!!!!!!!!
هذي السيارة أنا أشهد لها أنها ممتازة ومواصفات وتكنولجيا وصراحة ما أرى أي سيارة قدرت أنها تتفوق عليها!!!
ويقهرني يرفع سعرها طيب نقول يمكن العملة اليابانية مرتفعة والي يقهرني أكثر مثل ما تقول أن السيفك ما أرتفعت ولا ريال!!!
يعني الوكلاء يبي يستغل الواحد بأي طريقة مهما كان السبب
أتمنى أن تكون هناك جهه مسؤولة عن وضع حداً صارماً جداً لمثل هذه المبالغات في الأسعار والتي يكون عادتا ضحيتها المستهلك!!!

انا كتبت بالرد اللي قبل



انا ما اعجبني فيهم الا خدمتهم و الا الباقي كله و انتم بكرامه خياس .



و من ناحية الاسعار كل الياباني مرتفع .. خذ مثال الكورد كان الفل اول ما نزلت ب 71 الف

و الحين 86 الف ..... وش رايك؟؟

اما انه يرفع اسعار السيارات اللي عليها اقبال فللاسف اغلب الوكلاء اللي عندنا كذا

خذ مثال وكيل هوندا رافع اسعار الاكورد فوق لكن السيفيك ما رفع السعر و لا ريال

بالعكس مسوي عرض جميع الاكسسوارات مجانيه !!!

و اخيرا لا تحسب اني متعصب للتويوتا و اكره الهوندا .. بالعكس احب الهوندا و ان شاء الله قريبا

ابطلع اكورد .. و لو اظطريت في يوم اني اشري سياره من تويوتا ما راح آخذها من غير البازعي

و يعطيك العافيه على الروح الرياضيه :) و تقبل الآراء المخالفه

msh3l1

دامكم طريتو الاسعار...بسألكم بكم اسعار الاند بدول الخليج..

أخوي أنا ما أتكلم عن تويوتا أنا أتكلم عن اللاندكروزر فقط وفاهم قصدك لكن ليش القوة لاتكون كبيرة!
الشيء الثاني : بنسبة للأستهلاك لا أعتقد أن اللاندكروزر يمشي في المدن 500 كيلو:confused:
في خطوط يمكن:rolleyes: لكن لا أصدق أنه مدن يمشي كذا فأنا مجرب اللاندكروزر حق الوالد ما يوفر أبدا لا في خط و صخوصا في مدن
وأشكرك أخوي على أرائك ونتقبل أي أراء أخرى msh3l1
ثالثا أخوي يومك تقول عني :D (اخوي ابو اسد مدري ليش انت ما عندك شغله الا تطلع عيوب بسيارات ) أنا ما مهب شغلتي أن أطلع عيوب السيارات أنا أتكلم عن السيارات ولا أطلع العيب إلا في محلة:rolleyes: وجهت نظر
يعني عاجبك تصرفات عبداللطيف جميل الي يسويها فينا؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!
ما أقصدة بميزات وعيوب اللاندكروزر أنه لا يستحق أبدا هذا السعر العملاق!!! وين أول عن الحين ولا تنس ما قلته أن جميل يرفع سعر السيارة التي عليها أقبال :mad: فهذا لا يحتمل أبدا يعني ما أستبعد يوم بيخلي وكيلنا اللاندكروزر بـ250 ألف!!!!!!!!!!!!!!!!!!!!!!

اخوي ابو اسد مدري ليش انت ما عندك شغله الا تطلع عيوب بسيارات
تويوتا حتى لو كانت غير صحيحه <<<< اتوقع ان كل هذا بسبب الوكيل
اولا بالنسبه لمكينة اللاندكروزر الاعضاء قالوا لك انه اهم شي العزم و ما يحتاج نعيد الكلام
يعني الافالون الجديده 3500 سي سي و القوه فوق ال 280 حصان .. وش رايك ؟؟

ثانيا


130 ريال تعبي التانكيين العادي و الاحتياطي .. و العادي تقريبا يعبى فل تقريبا ب 90 - 95 ريال
و اتوقع سياراتكم فيهن مشكله و الله اعلم
لان الوالد كان معه لاندكروزر و كان التانكي الاول بس يمشي فوق ال 500 كيلو يعني يوصل 530 - 540 كيلو
هذا الاول بس يعني التاكيين ممكن يوصلون ل 750 كيلو .

و اتفق معك ان الوكيل اسوأ وكيل بحركاته البايخه ذي لكن و الله انه احسن وكيل من ناحية الخدمه

و بالتوفيق للجميع

أخوي LIMITED أنا متشوق جدا لرأيه اللاندكروزر الجديد
فهل رأيت شكله!
أذا رأيت شكله الحقيقي فأرجو أن تضعه مع ردك
وما يجعلك واثقاً بأن اللاندكروزر سوف يتغير السنة القادمة علما أني لم أجد أي موقع الذي يعرف كل جديد عن السيارات ويتكلمون عن جميع السيارات سؤاء اليابانية أو الأوربية أو الأمريكية حتى الأفالون الجديدة أخبرو متى نزولها ولم أجد موقع واحد يتكلم أن الاندكروزر سوف يتغير قريبا؟
بنسبة أخوي لكلامك(اتوقع السبب الرئيسي هو ثقل السياره يا ابو اسد الاندكروزر وزنه ثقيل جدا) أنا أتفق معك أن الوزن ثقيل جدا لكن ما أعرفه هو أن السوبربان أثقل بكثير من لاندكروزر وليس الفرق قليل أبدا
لأن الوزن اللاند على ما أذكر أن 2700 كيلو (لست متأكد أذا كان الأجمالي أم لا)
بينما السوبربان محرك 8100 الوزن الأجمالي المكتوب على الباب هو 4001 كيلو (هذا ما قرأته في أحدى الوكالات)
يعني صراحة أتمنى أذا نزل الجديد يكون أقل أستهلاكاُ للوقود وأقوى بكثير وأتمنى إلا يستغل وكيلنا أبوجميل برفع السعر كعادته
وأرجو أن تأكد لي ما مدى تأكد من أن الاندكروزر سوف يتغير عام 2006 مع أنزال الصور أذا كانت لديك أو الموقع الذي يجزم أنه سوف يتغير السنة القادمة

اتوقع السبب الرئيسي هو ثقل السياره يا ابو اسد الاندكروزر
وزنه ثقيل جدا .

عموما لن ينفع الحديث عن سياره سيتم تغييرها .

أشكرك أخوي LIMITEDعلى التوضيح أن بعض الشركات تكتب القوة الأجمالية
لكن ماهي الشركات التي تكتب القوة الأجمالية!

المهم عندي سالفة وهي أيضا شيء في الاندكروزر أستغربها كثيراً
اليوم قابلت واحد من أصدقاء الوالد معه لاندكروزر 2003 VXR أبوعيال كبير في العمر يسألني: كيف الاندكروزر وش رايك فيه, أقول: ممتاز ولا أحلى منه في الطعوس , يقولي: بس باذتني صرفيته!!!
أقوله: كم يمشيك. يقول: 400 كيلومتر بالكثير!!!!!!!
أقوله: كم تعبيه البنزين فل؟
قال: 130 ريال المعتاد! يعني صاير مثل صرفية السوبربان محرك 8100 !!! مثل ما قال أخوي NICK سابقا عن معدل أستهلاكه لسيارته
والي يقهرني كيف تصير هذي صرفيت الاندكروزر وهو مكينته 4.7 لتر؟!...
وأنا قد جربت اللاندكروزر VXR حق الوالد في الخطوط صراحة ما يوفر أبداً , يصرف بشكل غريب ومرتفع على حجم المحرك!!!

Shevchenko
الاجمالي هو تقاس القوه قبل تركيب المحرك في السياره
الصافيه بعد ان يتم تركيب المحرك في السياره .

أبـوأسـد
ليس كل الشركات لاتذكره .

الأن لا أحد يأخذ بأعتبار القوة الأجمالية
لو أخذنا بالقوة الأجمالية لوجدنا أن أكثر السيارات لها قوة كبيرة جداً!
الذي نتبعه هو القوة التي تذكرها الشركة فقط!
لأن الشركة لا تذكر القوة الأجمالية

طيب يا اخ ليمتد اسش الفرق بين القوة الاجمالية والصافية؟؟

مكينه الفورنر هيا نفس مكينهVX-R تم تزويدها بنظام VVTI

واصبحت 4.7 لتر بقوة 282 حصان بعد ان كانت 235

وقول الشركه بأن الاند 250 حصان هذا القوه الاجماليه
اما الصافي 235

وحتى الاكورد اجمالي القوه 270 حصان اما الصافي 240

يا اخوان فرقو بين الاجمالي والصافي .


بالنسبه لسعر السياره فهو مبالغ فيه اللاند في نظري لايستحق اكثر من 180 الف .


يا اخوان السياره حتتغير ومانبغى تعليق علي سياره صار لها 8 سنين
لاني ما اعتقد كان احد يقدر يتكلم على الاند اول مانزلت عام 98

ولا اعتقد انه راح يتكلم عن الاند 2006 اذا تغير بأذن الله .

وبالنسبه للقطع التي يقال بأن عبداللطيف يستبدلها

ما اقول الا ربنا فوق .

ابو اسد الحين تقول لي تأكد قبل لا تكتب وتسوي انت اكبر من غلطتي لوووووووووول الله يرجك

انا قايل تسارع الفور رن مو تسارع الاندكروزر وهذي من تجربة مجلة موتر ترند

وهالسياره نفس مكينة الفي اكس ار لكن مع نظام vvti تقدر تدخل موقع المجله المذكوره وتشوف النتائج بنفسك

وشكرا على تقبل الأراء

أشكرك جميعا على الردود
أخوي NiCK أنا أتفق معك أن أهم شيء العزم
بس هل تعلم أن أصلا القوة الحصانية هي الأساس في قوة الأنطلاقة
يعني كلامك أن (وصار تسارع هالجيب في 7.2 ثانيه) ما راح يصير أبدا
أنا ياخوي أسوق وأجرب اللاندكروزر حق الوالد صدقني ما في أمل يجيب تسارع في 9 ثوان!!! وين طلعلي هذا 7.2 ثانية؟ هذي قومت لومينا SS :D
صدقني أخوي العزم القومة للاندكروزر ضعيف وتحس بثقل السيارة!
أما عن كلامك أن(اما كلامك عن الوكيل انا معك في كل شي باستثناء تغيير الجلب والمساعدات لا هذي قووويه)
الجلب متأكد بس أنا ما قلت المساعدات :D أنا قلت المساحات :p تأكد أخوي قبل لا تكتب خخخخخخخخ
أشكرك أخوي NiCK على ردك ونتقبل أرائك

أهلين



أنا سمعت انه كثير وكالات يرفعون أسعار السيارات لما يشوفون الاقبال كثير عليها
ويزيدون الأحصنة مثلا القوة 200 يقول لك 400 أو 500 حصان !!!!!



مع الشكر والتقدير ،
cars fan

بصراحة شيء غير مرضي

وياخي ليس فقط عبداللطيف جميل

كل الوكالات ماشية على هذا الطريق

وبصراحة ظلم ويجب رفع خطاب للمقام السامي

يعني شوي وتصير الكورلا بـ60 ألف

ولك التحية على هذا الإطراء....

بالنسبه للقوه فغريب انه يغيب عن بالك ان سيارات الدفع الرباعي اهم شي فيها العزم

شف كم عزم الاندكروزر ودور اي جيب من فئته بنفس عزمه ونفس سعة المحرك

النقطه الثانيه هالمحرك قديم وتم وضع نظام vvti عليه في السوق الامريكي على كم سياره منهم اللكزس gx وجيب اسمه فور رن
وصار تسارع هالجيب في 7.2 ثانيه اما الشروكي اللي عليه محرك هيمي 345 حصان فتسارعه في 7 ثواني والتسارع في الربع ميل متقارب مع الفور رن رغم ان الفور رن اثقل

شفت كيف؟ يعني السياره بتتغير قريب وانا اضمن لك انها بتنزل بمحرك اقوى من كل هاللي في السوق واللي كلها جديده باستثنائه

اما كلامك عن الوكيل انا معك في كل شي باستثناء تغيير الجلب والمساعدات لا هذي قووويه

سمعتت انهم في الصيانه يسرقون سمعتتت اما تجيك جديده مغيره لا ياخي وش دعوه

على فكره هو يغير الجنوط بعد حقت الجي اكس ار يعني حده اشياء خارجيه

وكلها سنه ويتغير انشالله

وشكرا على الموضوع والتوضيح