سؤال عن الافلانشر (بيك اب شفر) خصوصا اخواننا في الكويت

لا تعب ولا شي اخي NiCK ...... نعين ونعاون

والله ما اعرف كيف اشكرك اخوي الوليد تعبتك معي

وانا حصلت واحد يشتري سيارات من الكويت انشالله بيفيدني

شكرا للجميع

المكاتب او المعارض اللي تبيع الافلانش في الكويت كثيرة ..... في معرض ما تضيع بس ما عندي علم عن اسعارها هل غالية او ان فيه معارض ارخص منها ...... اغلب المكاتب تكون في حولي وفي بعضهم في السالمية

والله اخوي نيو يورك ناويها انشالله

ويا ليت تزودني بطريقة الاتصال بمعارضكم لانه ما سبق لي زيارت الكويت للاسف :( بس ترى كنت ناوي احضر هلا فبراير عشان ابو نوره :D

بالنسبه للدوج محركه جبار وما عليه كلام لكن انا اصلا ما اطيق سيارات البيك اب ابدا لكن الافلانش داخل مزااجي من جد وداخليا ومركبه مثل الجمس بالضبط وهذا اللي اعجبني وغير كذا شكله مو بيك اب شي ثاني صراحه

وشكرا جزيلا

الاخ العزيز NiCK

الظاهر من اسئلت ناوي تاخذها بجد :D

انا استبعدت اسعار السيارات الوارد امريكا ، وكل هالاسعار اسعار استعمال الكويت وتعديل بالكويت ، وفي منه يتعدل بأمريكا ويوصل عندنا حسب الطلب

فعلاً الداخليه نفس اليوكن والسوبربان ... اليوكن يتصنع بامريكا وكندا ... السوبربان يتصنع بامريكا والمكسيك ... الافلانش يتصنع بالمكسيك فقط

ملاحظه : الافلانش حصل على 3 نجمات على سلامة السائق و 4 نجمات على سلامة الركاب في حين حصل السوبربان على 4 نجمات على سلامة السائق و 3 نجمات على سلامة الركاب

بس ما فكرت بالدودج رام محركه HEMI ؟ واجهته فيها هيبه اكثر بس مافيه شبابية الافلانش والداخلية تقريباً متشابهين إلا بالطبلون

اعجز عن شكرك اخوي الوليد

بس ممكن تقول لي اسماء مكاتب او تعطيني ارقامهم لاني بالسعوديه ولا عمري رحت للكويت فودي اتصل من هنا قبل ما اروح هناك وما احصل اللي ابيه

وشاكر للجميع جزيل الشكر

اذا كنت تبي تجيب السيارة من الكويت الى السعودية فانا انصحك ان تاخذها من موديل 2003 وفوق واهم شي انها تكون مصنوعة في سنة 2003 يعني مو تجيك موديل 2003 وهي مصنوعة في شهر 9 من عام 2002 ... لانك اذا اخذت 2003 وطالع ما راح تدفع جمارك ...والافضل طبعا انك تشتري السيارة من الكويت من احد المكاتب وبدون لوحات بمعنى ان السيارة ما استعملت في الكويت وتركب عليها لوحات وهذا طبعا افضل واريح في انهاء اجراءات البيع والتصدير

مشكورر اخوي نيو يورك ومشالله عليك دائما تفيد

بس اخوي ليه ما تنصح فيه خصوصا ان داخليته مثل داخلية الجمس بالضبببط والبلاستيك هوا هوا وانا معك ان بلاستيك الجمس لك عليه ويتفكك بس مو لهادرجه اللي تخلي الواحد يستبعده اما السلامه فحتى الجمس للاسف سيئ حسب تقييمهم :(

اتمنى انك تفيدي اكثر اخوي وبالنسبه للاسعار الموضوعه هل هي لسيارات كويتيه ولا استعمال امريكي؟

وشكرا

الاخ العزيز NiCK

قبل ان اعطيك الاسعار احب اقولك ان هالسياره صناعه مكسيكيه واغلبها بلاستيك واللي جربوها يقولون داخليتها تتحرك ولمى فحصوها بـ NHTSA السلامه زفت ( ما انصحك )

طبعا الاسعار تشمل كامل المواصفات مع كفالة الوكيل

سلفر 2002 بـ 80.400 ريال سعودي

نحاسي 2002 بـ 86.400 ريال سعودي

اسود 2002 مع جنوط مقاس 20 : بـ 93.600 ريال سعودي

اسود 2002 بـ 72.000 ريال سعودي

احمر 2002 بـ 86.400 ريال سعودي

ابيض 2002 مواصفات خاصه بـ 110.400 ريال سعودي

ذهبي 2003 بـ 103.200 ريال سعودي

نحاسي 2003 مواصفات خاصه بـ 132.000 ريال سعودي

برونزي 2003 بـ 86.400 ريال سعودي

اصفر 2003 مواصفات خاصه بـ 122.400 ريال سعودي

نحاسي 2004 بـ 122.400 ريال سعودي

اسود 2004 مواصفات خاصه بـ 126.000 ريال سعودي

مشكورين اخواني على الردود

اخوي الوليد طيب بكم احصله عندكم مستعمل استعمال كويتي يعني سياره كويتيه مواصفات كويتيه للشي النظيف

ابو اسد مشكله هالوكيل والله هذا وانا عندي واسطه عنده لكن مافيه فايده وبالنسبه لرأيك في اداء الجمس اتقبله بكل سرور وكل انسان وله رأيه

اخوي مورتالي مشكوور على التوضيح انا ابي فل كامل او نص فل المهم شي نظيف واهمممممممممم شي يكون مواصفات كويتيه يعني استعمال كويتي مو امريكي بكم احصله؟

وهل فيه امكانيه اجمركه للسعوديه بسهوله؟

وشكراا

هلا اخوي اعتقد ان الشباب افادوك وهو يتوفر ب3 انواع هم z71 وهو المتوافر بكثرة والي يجي لونين من تحت لازم يجي رصاصي والنوع الثاني LE وهو افخم شي ويجي لون واحد وبصراحة روعة والنوع الاخير NORTH FACE على ما اعتقد هذا هو اسمة وهو كذالك يجي لون واحد وليس لونين وجميعهم4×4 وقطع غياره متوفرة والي اعرفه انه الوكيل نزل عندنا في سنة 2002 وكان سعره جديد اصفار 11500 دينار اما الحين نزل سعره الى النصف تقريبا وانا اتكلم عن Z71 وقبل شهرين شفت واحد مع جنوط حجم 20 Z71 وارد امريكا ب 6500 ويمكن راعي المكتب ينزل بالسعر وطبعا مثل ما قالو الاخوان اغلبهم وارد امريكا يعني لا تتوقع انه الوكيل يوفرة لك بس من ناحية قطع الغيار فهي متوفرة ولا تشيل هم والله يوفقك واتمنى اني اكون افدتك

مشكور أخوي NiCK على الأيضاح
فعلا السيارة أكثرها أستخدام أمريكي ولا يجي سعودي أبدا
مع أني مستفسر عن الوكالة ليش الوكيل ما ينزلة.
يقول : السعر مرتفع ولا فيه أقبال عليه.
رغم أن سعر بالريال السعودي يوصل إلى 130 ألف للفل ابشن تماما!!!
بس لازم أخوي أوضح نقطة قلتها:
(عندي قاعده مافيه جمس يصلح للبر)؟؟؟
طيب كيف جمسي وهو بدون دبل يدخل الطعوس وأطعس به وماشاء الله يمشي ويطعس ويتطح!!! مع أن مكينته أضعف من مكينته سيارتك!!!
وجهت نظر أنا عندي الجمس ممتاز في الطعوس وخصوصا أذا جاك صندوق لأنه أخف بكثير من الصالون ولاتنس القير العادي يخلي الثقيل يمشي غصب في الطعوس.
مشكور أخوي على ردك وأنشاء الله, الله يوفقك وتلقا الي يعجبك

أخوك أبوأسد

مشكور أخوي NiCK على الأيضاح
فعلا السيارة أكثرها أستخدام أمريكي ولا يجي سعودي أبدا
مع أني مستفسر عن الوكالة ليش الوكيل ما ينزلة.
يقول : السعر مرتفع ولا فيه أقبال عليه.
رغم أن سعر بالريال السعودي يوصل إلى 130 ألف للفل ابشن تماما!!!

والله ان السيارة فظيعة ..... وموجودة بالكويت بكثرة في الشوراع والمعارض ... لكن المرور عندنا الله يهديهم لازم يعطونك لوحة زرقا عليه " حق النقل" مع اني شفت واحد في الخبر طلع له لوحة خصوصي

لووول

اخوي انا عندي قاعده مافيه جمس يصلح للبر انا مابي للبر يمكن روحه روحتين للثمامه وارجع اما بر انسى
انا ابيه للمدينه بيني وبينك رزه اكثر من الجمس واشوف انه ازين

اما الامريكي اقصد ان الموجود عندنا في المعارض كلها استعمال امريكي مواصفاتها امريكيه يعني

والله يسلمك

أخوي سؤال أنت تبيه للبر ولا حق شو
وضحكتني أخوي NiCK واااااااااااااااااااااجد كل ما دخلت موضوع مشارك أنت فيه ألقا لك أستفسار عن الأفالانش
خخخخخخخخخخخخخخخخخخخخخخخخخخخخخخخ
بس في شيء ما فهمت عليك الي هو(وبيني وبينك ما يستاهل هالسعر ومستعمل بس سمعت انه ينزل في الكويت فاذا موجود فيها اكيد انشالله ان المستعمل ارخص هناك واضمن من الامريكي ولا؟)
ماذا تقصد بـ (واضمن من الامريكي ولا؟)!!!!!
وسلامتك

تسلم حبيبي
انا حصلت كم واحد امريكيه اسعارها من 80 الى 95 الف وكلهم فل كامل بس شي بفتحه وشي بدون واللي بدون فتحه يجي بجلد

وبيني وبينك ما يستاهل هالسعر ومستعمل بس سمعت انه ينزل في الكويت فاذا موجود فيها اكيد انشالله ان المستعمل ارخص هناك واضمن من الامريكي ولا؟

وانتظر رايك واخواننا الكويتيين