محتاااااار و عاوز مشورتكم

FERRARI F430 @user_17588 SPIDER 2006 · 02-05-2005

السلام عليكم و رحمة الله وبركاته

أكيد أنكم عندكم خبرة في الجوالات و خاصة جوالات الكاميرا ,

الصراحة أنا كنت مبعد نفسي عن هالجوالات خاصة لما فيها من إستعمالات خاطئة و حظر

في جميع المرافق و خاصة الفضائح بما أننا بلد محافظ و الحمدلله و لنا عادات و تقاليد .

مالكم بالطويلة عندي جوالي العنيد و هو على إسمه , متى ما طرى على باله يستقبل مكالمات

أو يعطيهم خارج التغطية أو أنه مقفل , يعني بهذّل عيشتي , ولما أشوف الأطفال عندهم الدمعة أو

الفارس أو الباندا أحس أني متخلف من جد و جاي من العصر الحجري :rolleyes:

المهم عندي الآن 1500 ريال وش تختارون لي جوال كاميرا حلو و فيه جميع البرامج و تكون سعته كبيرة

ليتحمل الكم الهائل من الأفلام (( سيارات بس :D )) و النغمات و الأغاني و الصور

شاكر لكم تعاونكم معي

مع تمنياتي لكن بالتوفيق الدائم

سلالالالالالالالالالالالام

M O A Y A D @user_15565 · 18-05-2005

اخوي انا معاك ان لازم تكون مختلف عن الناس.....

لكن الحقيقة اللي ماتحتاج برهان وهو ان النوكيا هو الجهاز الاول ......

من ناحية الاستخدام الشخصي وطريقة الاتصال.....
وكل البرامج والتطبيقات متوفرة في جميع المحلات......

حتى شاحن السيارة يمكن تلاقيه عن راعي السوبر ماركت !!!!

OVER SPEED @user_4417 alone999 · 14-05-2005

حياك الله

و صحيح سعره غالي حبتين بس مقارب لسعر النوكيا 9500 الكميونيكيتر

بس يشغل افلام النوكيا

تحياتي

FERRARI F430 @user_17588 SPIDER 2006 صاحب الموضوع · 14-05-2005

يسلمو عزيزي

๑۩ [color=#195689]OVER SPEED ۩๑[/color]

على تفاعلك مع الحيرة اللي حطيتني فيها بين النوكيا و السوني أريكسون
بس إذا ما فيه ريال بلاير وش الفايدة ؟؟ يعني أيش البديل اللي يشغّل الأفلام ؟؟

باقي المواصفات معقولة جدا و تتميز عن النوكيا , بس قريت في مجلة الجوالات أن الدمعة هو أفضل جوال لرجال الأعمال و حاز على نسبة 95% من بين الجوالات الأخرى !!! (( عادي أصير رجل أعمال كع كع كع ))

بس سعره مبالغ فيه حبيتين ... يعني قول 3000 و ريحّني ما بقى إلا ريال يعني وش يسوي خخخخخ

و الله ألحين كفّتي مالت نحو سوني أريكسون , لكن بسأل ولد عمي عشان معه أريكسون الباب و أشوف رأيه في الموضوع .

ألف تحية مليئة بالحب و الموّدة أهديها لك

و الله يتممّ بخير , و شاكر لك تواصلك معي يا غالي

نشوفك على خير

سلالالالالالالالالالالالالالالام

OVER SPEED @user_4417 alone999 · 13-05-2005

هلا والله ومتاسف على التاخير بالرد
عندي شويين اختبارات بالجامعة

المهم الجوال معي وممتاز لابعد الحدود يكفيك ان الشاشة باللمس و غير كذا افضل وضوح شاشة للان تقريبا 262 الف لون النوكيا تقريبا 65 الف لون و اهم شي انك تكون مميز يعني مو ناس كثير معهم نفس الجهاز

طبعا فيه مميزات كثيييير جدا
بالنسبة للفيديو مايشغل الريل بلاير للاسف
بس يدعم ملفات ال 3GP و MP4 وطبعا ال MP4 دايما كون عالية الوضوح

الصوت يدعم MP3 و AMR و WAV و في كمان امتدادات ثانية

فيه برنامج الايكسل والورد و البوربوينت

انترنت اكسبلورر

ملفات ال PDF

فيه ال GPRS

كاميرا واضحة بس مو ميجا بيكسل

فيه كيبورد مصغر متكامل احرف + ارقام

الميموري الداخلية 64 ميجا بايت

الخارجية توصل ل 1 جيجا بايت

السماعة الخارجية نظام ستريو يعني صوت جدا نقي افضل بمليون مره عن النوكيا

تقدر تضيف له برامج والعاب وماسنجر و كل شي نظام سيمبيان

يعني جوال متكامل و الكمال لوجه الله

بالنسبة للسعر

في بريطانيا تقريبا 450 باوند

بالسعودية 2999 ريال اكسيوم تليكوم

واي اسئلة انا حاضر

تحياتي

FERRARI F430 @user_17588 SPIDER 2006 صاحب الموضوع · 03-05-2005

و عليكم السلام و الرحمة والبركة

حيّاك الله أخوي العزيز

OVER SPEED

و أشكرك على الرد و المرور عليّ لإني من جدّ في حيرة من أمري .

و الله ما أدري أول مرة أسمع بهالجوال لإن مثل ما أنت عارف سوق نوكيا مغّطي على جميع أنواع الجوالات , و اللي يغير جواله من نوكيا إلى جوال ثاني مثل أريسكون أو موتورولا أو حتى إل جي أحسه متميز و طلع عن المألوف و المتعارف عليه , طيب عزيزي ما أدري إذا أنك جرّبت الجوال أو عند أحد من أقاربك أو أخوياك أو أنه موجود عندك للإستعمال الشخصي , إذا كان عندك ياريت تذكرلي أيش أفضل مميزاته اللي تخليه يغطي على جوال الدمعة من نوكيا ؟؟ على كذا أجل لازم نشوف آراء الأعضاء الكرام , أو أني أروح محل للجوالات و أسأل عن هالجوال و أقارن بينه و بين الدمعة , بس تقول غالي شويتين , يعني كم يزود عن 1500 ريال ؟؟ أنتظر ردّك بأحر من الجمر, لا تطول عليّ

نشوفك على عزيزي

سلالالالالالالالالالالالام

OVER SPEED @user_4417 alone999 · 03-05-2005

سلام

ايش رايك بال Sony Ericsson P910i لا تفوته افضل جهاز للان بلا نوكيا بلا خرابيط

هو سعره غالي شويتين بس فيه كل مطالبك وزيادة

تحياتي

FERRARI F430 @user_17588 SPIDER 2006 صاحب الموضوع · 03-05-2005

هلا و الله و غلا

حيّاكم الله أخواني الأعزاّء اللي ردوا على إستفساري و هم :

ميدو مشاكل

&

عاشق بيكهام

&

المحتار الداج

&

عاشق سكولز

و أقول لهم ما قصرتوا على الإفادة , و واضح أن جوال الدمعة له الأصوات الأكثر فلذلك

نقول توكلنا على الله, و الله يطرح فيه البركة و يعطيني خيره و يكفيني شره (( يعني أفهموا و باركوا له :D ))

و الله شوركم و هداية الله , بس ما فيه خرابات يعني مثلا البطارية ما تخلّص بسرعة أو البلوتوث إذا تشغل يهنّك معك

شوي أو أي عيب . أنا شفت الدمعة و عيبه الظاهرب قرب أزراره من بعض و خاصة الأسهم , يعني إذا كان أصبعك كبير

مشكلة كبيرة

عموما الله يعطيكم ألف عافية و راح نطقم معكم و مثل ما قالوا :

(( حشر مع الناس عيد ))

نشوفكم على خير حبايب قلبي

سلالالالالالالالالالالالالالام

عاشق سكولز @user_15791 · 02-05-2005

والله انا ما اعرف اسعاركم او اسامي جوالاتكم احنا الاسامي عندنا بالارقام

انا انصحك بـ6630 ما عرفته ؟

الي الكاميرة كبيرة وشكله حرف الــ U والارقام متلازقة....اذا ما عرفته دش قوقل صور واكتب 6630 ويطلع لك ( اذا ما عرفته )

وشكرا

المحتار الداج @user_15877 · 02-05-2005

دمعه طقم مثلي ولا تتردد

N A W A F @user_18515 · 02-05-2005

اخي العزيز

انصحك بأحد جوالين

الاول : الدمعة ( وهو الافضل )

الثاني : الفارس

واذا كنت تبي تحمل فيه اشياء واجد من ( صور - نغمات - اغاني - افلام - الخ )

سوي زي ماقالك الاخ ميدو مشاكل من حيث زيادة الذاكرة

انا عندي الفارس وماشي معاي زي الحلاوة

وكان عندي قبلة الباندا

لكن الدمعة بصراحة ماجربتة

لكن استعملتة من عند اخوي وكان رووووعة

لكن حب الجديد والتجديد خلاني اشتري الفارس

انشاء الله اكون افدتك

M O A Y A D @user_15565 · 02-05-2005

انصحك بالمعة ( لون ابيض يطون افضل)

وحاول تغير الذاكرة هو يجي معاه 64 خله 128 او 256 الفرق بينهم بسيط.....

وبالنسبة للبرامج تقدر تنزلها من مواقع كثير من الانترنت
او انك تدفع 30 ريال لصاحب المحل وذلك مقابل البرامج والنغمات والثيمات.......

والقرار الاخير يعود لك....