مساعدتكم في اكسسوارات فورد اكسبلورر

السلام عليكم ,,
أولا يعطيك خيرها ويكفيك شرها.

أنا إنشالله ناوي أشتري وحده, اللي بأشتريها ستاندرد ( توني مقرر قبل كم يوم ) وما عندي معلومات كثيره عن السياره..

لــــــــكــــــن , الشئ المهم اللي بأسويه من ناحية الشكل ( أنا من رايي انك تسويه بعد ) أصبغ الصدامات ومقابض الأبواب بنفس لون السياره والله يطلع شكلها روعه.

---- أما من ناحية المعلومات الثانيه عن قوة وأستخدامات السياره, لازلت أبحث عن اللي ينورنا من اللي جربوها .. ----

السلام عليكم ورحمة الله وبركاته ،،

لقيت واحدة في المعارض بجده موديل 98 بس والله ما ادري اذا كانت فل او .. غير ذلك .. والسعر في حدود 46000 ريال .. ايش رأيكم

والسلام عليكم . ،،،

ألف مبرووووك مرة ثانية و الله يعطيك خيرها و يكفيك شرها
و الحقيقة
الاكسبلورر يبيض الوجه |1|
معناه المستكشف و هو اسم على مسمى يعني وين ما تبي تروح فيه يبي يكشف لك أماكن ما تخطر على بالك
و تكتشف فيه اشياء ما تخطر على بالك
ادخل على هذا الرابط
http://www.fordvehicles.com/suvs/explorer/features/#Safety%20and%20Security
و شوف المواصفات الحقيقية و خصوصا نظام الثبات على الطريق

الف مبروك اخوي
والصراحة اعتقد انك احسنت الاختيار والسيارة ماشاءالله تبارك الله حلوة وبسعر جدا مغري
وخصوصا انها تجي بدفع رباعي كتجهيز اساسي موب زي الكثير من السيارات الاخرى من نفس الفئة

عموما بانتظار انك تعطينا انطباعك الاولي عن السيارة مثل الراحة في القيادة وتماسكها وخلافه

تحياتي لك وعلى البركة مرة اخرى

اسعد الله ايامك يا رفيع الشان

السيارة اللي طلبتها هي xls الستاندرد لأن مافيه فرق يسوى بينها وبين الفل xlt و15000 ريال انا اولى بها .

ثانيا بالنسبة للسيدي كل الدفعات الأخيرة يجي معها سي دي

السيارة سعرها 91 الف

انتظر اتصالك

اخوي مشتاق
والله اخبار جيدة ان الاكسبلورر راح يجي بسي دي
لاني تناقشت معاهم في الوكالة قبل فترة وقلت لهم ليش حاطين في الكتالوج ان السيارة تجي بمشغل سي دي وكشافات ضباب بينما الواقع غير ذلك
وقال لي الموظف مااقدر القى لك إجابة مقنعة بس هذي هي سياسة فورد
قلت وانت الصادق هذي هي سياسة وكلائنا اللي دايم مايجيبون الا اخس المواصفات :D

عموما شي طيب انهم تلافو هالشي وعقبال كشافات الضباب مع قليل من الديكور الداخلي :)
بس ماقلت لنا اي فئة انت اللي اشتريته وبكم اعطوك اياه ؟ لاني والله افكر اشتري واحد

بالنسبة للدعامات اخوي والله انا معاك لو تحط دعامات تصير السيارة 10\10
ولو تبغى معلومات مفصلة عن هالموضوع زر الرابط التالي وشوف رد الاخ ابو اسد بخصوص هالموضوع
http://www.assayyarat.com/forums/showthread.php?t=64737


ولو تسألني بعد عن وجهة نظري انا لو مكانك اركب طرمبة الهوا الكهربائية عشان التطعيس
هذي الله يسلمك تنشبك على بطارية السيارة وتقدر تستفيد منها بحيث انك لو حبيت تطعس بالسيارة تقدر تنسم الكفرات للمستوى اللي انت تبغاه وبعد ماتطلع على الطريق المسفلت تنفخ الكفرات بكل سهولة مرة ثانية بإستخدام هذا الجهاز اللي مال احد غنا عنه
وفيه انواع الآن تركب داخل كبوت السيارة ,يعني ماتشيل هم انها تشغل عليك حيز داخل السيارة
ويجي معاها مقياس لضغط الهواء
يعني يكون عندك بنشري منسدح داخل الكبوت:D

اتمنى اني اكون افدتك
تحياتي لك

اولا اشكركما جدا على تفاعلكما معي

بالنسبة للأخ الكشاف السيارة التي طلبتها من الدفعة الجديدة التي تحوي سي دي كامل وانوار الضباب كم قميتها وما تلاحظ اخي اني محتاج دعام للصدام الأمامي والف شكر لك مرة اخرى

هلا و الله و غلا
اعتقد من وجهة نظري ان الاكسبلورر( على اعتبار ان سيارتك XLS ما يحتاج أي اكسسوارات أكثر من كشافات الضباب مثل ما قال اخوي رفيع الشأن
و كنت اتمنى ان يوجد فيه مسجل سي دي و اعتقد انه مجهز بحيث انك تقدر تركبه في أي مكان في السيارة (التحكم من المسجل الأساسي لاحظ كلمة سي دي CD)
و هذا اللي انا احاول اركبه الآن في اكسبلورري
و الله يعطيك خيره و يكفيك شره ان شاء الله