استفسار وارجو المساعده

هلا فيك أخوي X لكزس X
كيف حالك وش أخبارك عساك بخير
والله يشرفني أني أكون أول واحد يرد عليك
بنسبة أخوي للمعلومات راح أعطيك بالتفصيل الممل:
1- المحرك سعتة 4.2 لتر وبقوة 275 حصان وعزمة ممتاز في الطعوس وللمعلومية أنا شفتة يمشي في الطعوس أسرع من اليوكون بشوي بسبب خفت الوزن.
2- قطع الغيار متوفرة وتقدر تقول غالية نوعاً ما وليس كثيراً.
3- يجي نوعين واحد أنفوي وهو يتسع لخمس ركاب والنوع الثاني أنفوي XL وهو أكبر ويتسع لسبع ركاب وبمحرك أكبر سعتة 5.3 لتر وبقوة 295 حصان وعزم 335 رطل/قدم.
4- لازم تعرف أن للأنواع الفخامة أثنان الحالية وهي SLE وهو نصف الفل وعادة يكون مخمل وقليل جدا جدا بفتحة سقف, ونوع SLT وهذا هو الفل أبشن جلد أكثر الأحيان يجي فتحة سقف.
5- يصلح للطعوس على وضعة الطبيعي بس لو ترفعة شوي مع كفرات عريضة يكون أفضل شيء.
6- تقدر تقول هو شوي حساس في الخراب بس هذا ليس معناه أنه ليس عملي.
7- بنسبة ليعيش هو ناس أعرفهم معهم الموتر وماشي معهم ولا أشتكو منه ومديلة 2002 وحلو.
8- بنسبة لـ(وحاب اعرف كيف مكنته هل هي نفس الجديده قويه ولا متغيره وكل كل شي عنه ) لا ما تفرق أبدا.
9- أفضل وكيل أذا كنت في الرياض أكيد العيسى وأنحش عن الجميح.
10- أذا كان الأنفوي سعودي شد بلاده يكون أفضل بس أذا كان أمريكي فلك عليه يعني مو كلها تجي زينه(خذها قاعدة عندك).
11- بنسبة لـ(وهل هي موجود برا الوكاله) على ما أذكر نعم.
12- لا تستحي أخوي أذا بغيت تستفسر في أي شيء أنا حاضر وفي الخدمة دائما.
13- هو لاقي واحد في المعارض وممكن تعلمني وين أي معرض الشفا أو النسيم كذا يعني.

أخوك أبوأسد|3|