السلام عليكم جميع من يقراء مقالى
والى العزيز الاخ ابواسد
صراحه قرات تحقيقك عن الديماكس وفعلا اعجبنى لانى انا مانى مقتنع بالهيلكس من زمان وشجعنى تقريرك فعلا وشجعنى
واشتريت ديماكس ال اس قير عادى لون ذهبى من عند با خشب بمبلغ 74 الف ريال كاش وانا والله ما جربته من قبل وانا اساسا كان عندى جيب قبل ثلاث سنوات نوعه نيسان واخذته جديد وبصراحه ما اعجبنى وبعته بعد شهرين من شرائه ولن بعد قرات التقرير المعد من قبلكم صراحه اقنعتنى بالشراء من كلامك واشتريت ديماكس مع انى من ركابى المرسيدس ولكن شاقتنى الطلعات للبر وفعلا يوم حسبت الموضوع وجدت ان الواحد يأخذ سيار باعتبارها متعددة الاستعمالات حيث اذا اردتها جيب فهى مرتفعه ودبل واذا بغيت تحمل اغراض فهى حوض واذا بغيت راحه فهى اريح من الهايلكس والددسن واذا بغيت الاقتصاديه فهى ديزل تربو 4 سلندر 3000 سىسى يعنى تفللها ب 25 ريال وتمشيك بحدود 600 كيلو هذا وانت داعس ببطنها طبعا ولكن لما تمشى شوى شوى يقل الصرف وممكن هه ولكنى ما جربت تمشيك 800كيلو طبعا انا رجلى حاره على الموتر يعنى لو تحسبها بحسبه بسيطه راح توفر ثلثين مصروف البنزين مع الايسوزو ديماكس ديزل هذا بالنسبه للمواصفات والمميزات للسياره
ام بالسبه للتطعيس رحت بالسياره للبر والله انها مشت مع نفس الطرق الى مشاها الجيب الى شريته من قبل وبعته بل تفوقت عليه من حيث تخطيها للعقوم يعنى المرتفعات مثل الى حول المزارع وهذا راجع لارتفاع السياره عن الارض مع ذلك فأنت تشعر كانك راكب جيب وفوق ذلك صراحه السياره شكلها الخارجى حلو جدا واحلى من الهايلكس والنيسان
ولا تخاف من الدبل فهو كهربائى ولكنه ما يخوف ممتاز جدا بالعكس يوفر لك مساحه فى داخل السياره وهو عملى جدا جدا هذ الكلام من واقع اتجربه وليس من واقع الكلام الفاضى من البعض
وانا انصح الى يبغى سياره غمارتين ان يأخذ ليسوزو ديماكس وذلك لتعدد استعمالاتها واعتماديتها وجمال شكلها ومرتبها المفصوله ومكيفها الممتاز واقتصاديتها واى يقول انه ما لها سعر فى السوق يرجع لموضوع ابو اسد ويفهم وش الوضع بالضبط
كذلك متوفره بقير اتوماتيك وتراها ما تفرق كلها ممتازه للى يدور الراحه اكثر وعملى وانا لما اغير السياره ان شاء الله راح اخذ جير اتو ماتيك للراحه الزايده
واى استفسار انا حاضر وهذا ايميلى
[email][email protected][/email]
