مشكلتي مع الاكورد...ساعدوني

شف وانا أخوك ...عندي لك رأي طيب بالحيييل ...ولك الخيار

شف دام إنك راعي خط وكل يوم ..ليه ما تشوف لك موتر قوي وراسي ومريح جداً تخليه بس للخط والأكورد تخليه عندك ما تبيعه ...أنا أقترح عليك تدور لك رودماستر موديل 96 بتلقاه رخيص وموتر على اسمه رودماستر (سيد الطريق ) وصدقني بتصير تروح للدوام مرتين باليوم :D ..أنا مجرب الرودماستر كنت أتردد اسبوعيا لمدة سنتين على الشرقية ..وموتر ما يعلى عليه ..خذه وخله للدوام ..وبكذا ترتاح . ..(ترى الحين موتري أكورد بس الى الحين احمل ذكريات طيبه مع الرودماستر )تحييياتي لك :)

أخوى خذ الشور قبل لا تندم :

حدد لك سيارة معينة ترضيك وجربها لمدة اسبوع وبعدها راح تقرر بنفسك حتى لا ينطبق عليك المثل ( خلك على قريدك لا يجيك أقرد منة )
وشكرا

يامشعل لا تعطيها اكبر من حجمها

تعطيك رساوه خفيفه مع ان رساوه الاكورد اشوفها عاليه جدا على حساب الراحه


وتعطيك تهبيط خفيف


وجل من لا يخطئ

تسلم يالصقار على التوضيح

و زين انك رديت قبل ما اوهق الرجال |527|

بس و الله كنت ماكل مقلب باليايات الرياضيه من كثر ما اسمع عنها

اليوم فاكين تظليلتي بس انا كنت مكتم


الله لا يوفقهم امين


وبعدين اليايات الرياضيه اخوي مشعل ماتزيد الراحه بالعكس تزيد الرساوه على حساب الراحه

اليوم عند أحد التفاتيش شفتهم يوقفون الناس ويفكون التظليلات !!!!!!

هل القرار مؤكد ؟

دامك هونت عن البيع فبقولك بعض الحلول اللي ممكن تخفف من

المشاكل اللي قلتها

اولا مثل ما قلت انت تلبس المراتب بعدة طبقات

الشي الثاني تركب يايات رياضيه تزيد الرساوه و تزيد الراحه

و سعرها مع التركيب ما يتعدا 1500 ريال

الشي الثالث و الاخير تضلل كامل السياره تضليل عازل عشان يحل مشكلة المكيف

و اكيد سمعت انه طلع قرار السماح بالتضليل الكامل

انصحك بال 0/1 بيعطي السياره شكل روعه و عزل للحراره

و السعر اتوقع بين ال 1200 و ال 2000 ريال

اتوقع لو سويت الاشياء اللي فوق راح تتغير السياره 180 درجه

و الله يهنيك بالسياره

|3| |3|

والزبدة كل السيارات تحير كثير والله واحد ما عاد يجد سيارة ترضيه تحت ال 150 الف ريال للأسف

اووووو تذكرت سالفه

تدرون وش صار معي امس العصر؟؟

رحت معارض الدمام ادور على لكزس وحصلت واحد كان يدرس معي المهم جلسنا ودخلنا في طاري السيارات وقلت له مشكلتي.. وتدرون وش قالي....

قال لاااااااااااتشتري سياره مستعمله ابدا ابدا ابدا

الا من شخص تعرفه زين ..

واي عداد كيلومترات صار سهل اللعب فيه وهذي الطامه الكبرى

وبصراحه تخوفت من الشغله .

وبعدين جلس يمدح لي في الاكورد وبصراحه كبرت في عيني

وبلنسبه للمقاعد فيه طريقه التلبيس وان شاء الله بركب اكثر من طبقه وبتنتهي المشكله

ومشكلة الهزه رحت للوكاله اول دوامهم واول مهندس شفته سحبته وقلت له المشكله وبصراحه ماقصر الرجال ودخلنا السياره وفكوا الكفرات وحصلنا الهوب عليه طبقات طين بسيطه وهذي سبب الرجه والسياره الى الان في الوكاله وطبعا دخلتها بعد الصياح والنياح

وان شاء الله تكون النتيجه افضل
واسف على الاطاله بس ذكرت التجربه للفائده


والف الف شكر لكل الاخوان اللي حاولو ينصحون ويساعدون
الله يعطيكم الف عافيه
وشكرا|3|

تعقيبا على الموضوع :

اذا كنت تشتكي من الاكورد من ناحية الراحة فأنصحك تشتري لك سيارة جديدة وتبيع سيارتك وتزود شوي

السيارة مريحة في الخط

8 سلندر وصرفيتها حلوة

مراتبها ممتازة وماتتعب

صيانتها حلوة وقطعها مو غالية

مكينتها قوية وحجمها اكبر من الاكورد

هادية جدا وماتسمع لها صوت ابد

عزلها ممتاز و تمسك سعرها عند البيع

طولت بالكلام عليك واعرف انك ودك تعرف وش هي السيارة


السيارة امريكية الصنع


انهـــــــــــــــــــــــــا













فورد كروان فكتوريا :)





اتوقع انها بتناسبك كثير :)




تحياتي للجميع ..

اخوي اذا تبي تسمع نصيحتي لانك مثل ماتقول راعي خطوط

انت قلت تفكر بين الكزس والمرسيدس

المرسيدس فخم وسياره ماعليها كلام لكن راح تتعبك بقطع الغيار وراح تدفع فيها على قد كرفك لها

لكن الكزس مثل الكامري اكرفه ومايخرب عليك مثل المرسيدس

وهذي نصيحة مجرب انا جربت الشبح ولكزس جي اس الشبح كل شوي وخربان فيها قطعه لكن الكزس عبئ بنزين وغير زيت ماشاء الله تبارك الرحمن

على العموم هذا راي لك وانت الي تقرر

SR20ED


سمعت


جاك الرد من واحد عنده اليتما فل كامل 4 سلندر

يازين ردودك يا اكورد وبس

اذا انت مصمم تبيع الأكورد بعها ..
بس لاتشتري مستعمل لنه غالي شوي ...
اشتر لك لومينا LTZ 2005 أو 2006 ..
السيارة هذي مريحه مراتبها و معروف مراتب اللومينا انها مريحه ...
6 سلندر مريحة في الخطوط وعزم ما شاء الله|1| ...
وترها رخيصة وقطع الغيار اسعارها معقولة ...
ولو تشتريها جديدة بنفس سعر المستعمل اللي بتشتريه طبعا الجديد احسن
والزبدة ان الأمر كله راجع لك ..
لتنسى صلاة الاستخارة |3|

يووووه

واصرت الألتيما 4 سلندر أفضل من الأكورد

وين عايش أنت وإياه

أنا عندي أكورد 2003 سياحي ، ومركب جنوط تجارية

وعندي ألتيما 2005 4 سلندر فل كامل

يا شباب والله إذا أخذت الألتيما إني أقول يا زينك يالأكورد ، والله بدون مبالغة

الألتيما ما فيها ABS ، السيارة عندي ، ما أقول قال فلان ، وهذا كلام الوكالة

ما تتميز الألتيما عن الأكورد إلا بشيئين ، القوة وراحة المراتب فقط

أما الرساوة فما أقدر أفرق بينهن ، متقاربات جدا



نجي للأخ وليد

أما الرجة فما لك إلا إنك تراجع الوكالة ، وبما إنك من الشرقية فالله يعينك على الزحمة ، لأن الشرقية كلها ( الخير والدمام والظهران ) ما فيها إلى فرع واحد للأسف ، ومزحوم ، وخدماتهم ما تجي زي خمات فروع الرياض

وعلى فكرة ، أنا سيارتي ماشية 95 ألف ، ولا فيها هزة بالدركسون أبدا ، وراسية على الخط ما شاء الله ، وما يطلع صوت الفرامل المزعج إلا على السرعات العالية إذا مسكت الفرامل بقوة

أما راحة المراتب ، فأنا معك 100 % ، إنها قاسية جدا ، لكن عندي حل وأحاول إن أنفذه بإذن الله ، ويمكن يعجبك

شف لك مراتب ماليبو ، أتوقع إنها تركب على الأكورد ، وهي نفس الحجم ، وأريح من كل المراتب اليابانية ، وأنا أعرفها ومجربها سنتين ، قمة في الراحة

والماليبو مصممة تصميم ياباني ، لذلك أتوقع إنها تركب على الأكورد

نجي للمكيف ، أظنك تستعمل المكيف بطريقة خاطئة !!

إذا ركبت السيارة وهي تحت الشمس ، فما عليك إلا إنك تشغل المكيف على أعلى سرعة ، وتنسم النوافذ بشكل بسيط لمدة دقيقة أو دقيتين ، بعدها بتشوف الحرارة راحت مع الهواء البارد إلى خارج السيارة ، بعدين عدل لاسرعة على الوضع اللي ترتاح له ، وأنا بصراحة ما أبالغ إذا قلت لك إن المكيف بارد جدا وقوي ، على عكس مكيف الألتيما ، أحس إنه ضعيف ، يمكن عشان فيه فتحات تكييف للخلف

وسالفة المكيف ترجع في كثير من الأحيان إلى الارتياح الشخصي ، أنا من النوع اللي يبرد بسرعة ، ولا أحب أخلي الهواء يواجهي ، لذلك أرتاح على المكيف بسرعة ، يمكن أنت من النوع اللي يحتر بسرعة وتحتاج مكيف سبيلت عشان تبرد :D ، لذلك بتواجه المشكلة هذي فل كل السيارات اللي من نفس الفئة


نجي لعقد الناس مع الهوندا ، قطع الغيار

يا شباب ، لي شهر وأنا أصيح عليكم ، القطع مخفضة بنسبة 20 % قبل شهرين أو ثلاثة ، الأسعار صارت معقولة جدا ، ومتأكد إن أكثر القطع صارت أرخص من قطع النيسان ، وبإمكانك تروح للوكالة وتسأل

عموما ، إذا أنت حصلت لك لكزس نظيف فلا شك إنه أفضل من الأكورد وبترتاح معه عالآخر ، لكن اضمن إنه نظيف ، وبعدين توكل على الله

كان الله فيو عونك :)

اخوي الصقار افتح مكينة الالتيما الفل كامل و شوف الاي بي اس على اليسار من جهة الراكب و على فكره ال اي ابي اس في كل موديلات الالتيما يجي معاه اي بي دي و بي ايه.

ياخوك محشوم محد قال كذا

بس انا واحد حاجز قبل كذا التيما فل كامل اربعه سلندر ومافيها من مواصفات الامان غير الاير باقين بس

وقال بالحرف الواحد ال abs مايجي الا مع الجلد بس

يمكن عندنا بالرياض غير