السلام عليكم ورحمة الله وبركاته في اول مشاركة لي في هذا المنتدى يسعدني ان اقدم لكم هذه القصيدة الشعرية وكانت فكرتها عندما سمعت احد الشعراء يمدح في صالون ال في اكس ار فكانت مني هذه القصيدة :
قل لمن يمدح لنا ال في اكس ار
كوكب المريخ اقرب من زحل
ليت قبل يقول ما قال استشار
كان علمته بتفصيل الجمل
يمكن يعدل في رأيه والقرار
ويمدح الأفضل في اشعاره بدل
ادري ان أحيان صعب الاختيار
والرجوع الصعب خير من الفشل
موتري ريكستون على طول اشتهر
بين كل الناس يوم انه نزل
كوريا صنعته للناس الكبار
والحمول الجايرة لها جمل
جابه الزاهد وللزاهد شعار
تاجر ناجح ولا عمره فشل
قبلنا ساقه عميد ومستشار
لا شي به علة ولا شي به خلل
مدهش للعقل خاطف للنظر
من تشوفه حار عقلك واختبل
رايع في المشي اذا خذ له مسار
ماسك خطه وعنه ما عدل
دورته فن اذا لف لف ودار
وطلته روعة اذا اقبل وطل
مكنه الماني عليها الاستكر
وقيره الماني وازراره دبل
المواتر كلها منه تغار
لا قربت منه يعروها الخجل
لو يطول الخط ساره ثم سار
ماتمله لا ولا الريكستون يمل
لا عطيته دعسة في الحال طار
في وقتٍ قياسي لمقصوده وصل
تسمع الحنه وتبصر له غبار
لا لمحته رايح والا قفل
الطريق الصعب ياخذها هزار
ما يهمه سهل يمشي او جبل
ان مشا يمشي بخطه ماعثر
كان خطه يابس والا وحل
ان تبي تطلع شدا والا شعار
استعن باللي لها الموقف اهل
في مسيره لها مهارة واقتدار
البطولة دوم ياخذها البطل
