آمين يا رب العالمين وأياك أخوي العزيز
على طاري أشتري السيارة الي في راسي فأنا متقلب المزاج وكل يوم أفكر في سيارة :D
بس الي دائماً أراها الأنسب لي في أحتياجاتي كلها والأنسب سعر هو الديماكس بس لاتستغرب أذا شريت غيرها :rolleyes:
وعلى طاري فصل الأيرباق هي أعتقد موجودة فقط في جمس سييرا لأني لم أرى أي سيارة أخرى فيها هذا النظام.
وعلى قولتك صوت الديماكس أعلى من صوت الهايلكس تقريبا تقدر تقول نعم لأن مكينة الديماكس أكبر ولاتنس أنها مزودة بتيربو شارج(أي التيربو يوضع على المكينة لازم الصوت يكون مترفع عن الوضع الطبيعي).
وبنسبة لعزم وقوة الديزل للديماكس فهو بكل تأكيد أقوى من الهايلكس
ديماكس سعة 3 لتر مزود بتيربو شارج مع مبرد داخلي وبقوة 130 حصان وعزم 294 نيوتن/متر للقير الأتماتيك و280 نيوتن/متر للقير العادي.
بينما الهايلكس سعة 2.8 لتر وبقوة 91 حصان فقط! مافي مجال للمقارنة.
وعلى طاري الريحة الي تقولها في الهايلكس هذي طبيعية فيه ومن طبع تويوتا الديزل وبيني وبينك مافي أحد فالح في الديزل أقوى من إيسوزو
أيسوزو صراحة الريحة الي أشمها منه تقريبا غير منفرة وغير كريهة بالشكل الذي تعتقدة والديماكس ما يدخن أذا حافظت على تغير فلتر الديزل لأن لازم تغير كل ما غيرت الزيت المكينة 3 مرات وفي المرة الثالثة لتغيير الزيت تغير فلتر الديزل علشان يكون عزمة قوي ولا تشم منه روائح كريهة جدا ولا يدخن الدخان الاسود وتغير زيت الديزل بشكل عام في الهايلكس والديماكس كل 3000 كيلومتر كحد الطبيعي ويفضل إلا يتجاوزها لأن فيه ضرر على المحرك من ناحية ضعف العزم ويدخن السيارة.
وبنسبة أخوي العزيز لهايلكس الجديد الذي يدعى بالهايلكس فيجو الأن أكثر الدول نزل عندها حالياً؟
بس الي بقهرني هل بيجينا الدور وينزل عندنا وأذا نزل هل سيكون نفس المواصفاته؟
هذي كلها تثير أهتمامي ولم أجد حتى الأن جواباً كاملا.
وعلى طاري أقوى بيك أب لعام 2004 و2005 نعم هذا صحيح بس أذكر في نفس موضوعي قلت بعد الموضوع أذكر بردين وتأكد بنفسك أني ذكرت أنه أقوى بيك أب ديزل وليس بنزين :D أعتقد وصلتك الأن المعلومة الصحيحة.
وبنسبة للهايلكس الي معي هو موديل 2005 غمارتين بدون دبل فل أبشن GLX بنزين حق عبداللطيف جميل البايخ :(.
وسئلك عن (وماهو سبب تغييرك الهايلكس بالديماكس؟)
هنا سؤال ممتاز :) وراح أعلمك بكل التفاصيل:
1-الهايلكس يعتبر بيك أب صغير مقارنتا بالديماكس طراز LS.
2- الديماكس وسيع جدا جدا بينما الهايلكس تجد الديكور قريب منك وتحس راكب كوريلا!
3- العازل الصوتي الهايلكس سيء جدا وأنواع التنسيم وتسمع صراخ وأزعاج المكينة وأنت تمشي في 130 كيلومتر/ساعة!!! لو أشتري ديزل أصرف لي.
4- الهايلكس يطامر طول الوقت وهذا أشين عيب في الهايلكس يتعب الظهر ولا يجيب الراحة.
5- صراحة ديكور الهايلكس مقارنة بديماكس يفشل لون أحمر والدركسون كأني راكب أيكو والمسجل صيني ومرايات صغيرة وقريبة مني وليست في الزاوية النافذة.
6- قييييييييييييير عادي وأنا أبغى أرتاح ما أطيق القير العادي أخذت الهايلكس على أني قلت في نفسي بتعود عليه وحصل العكس أني تبهذلت وتعبت مع السيارة ومع قيرها, الواحد يدور الراحة وتخبر زحمات الرياض ما يحتاج قير عادي من كثر الأشارات والسيارات والزحمة.
شف هنا أقولك الحقيقة الهايلكس بطل التطعيس في البر بنسبة للبنزين بس في الشوارع ما ينبغى بالمرة متعب وغير مريح.
وخذ راحتك في الأسئلة علشان تستفيد وتفيد غيرك أخوي العزيز
أخوك أبوأسد|3|
