للدخول للاهمية صوت كفر معقوووووووله

د.معالج @user_19698 · 26-07-2005

ياشباب من تالي فيه صوت غريب بسيارتي الكابريس 2001

صوت اشبه بصوت (ووووووووووووووووووووووو)يعني تقل تمشي بزفلت شين

وخاص اذا امشي 40 ويصير واضح بقوه

ومزعج احس انه انه يدخل باذني ومزعج جدا

احس انه الصوت عن رجليني هو ليس صوت قرقعه صوت مستمر

فحصت الرمان سليم 100%10

الكفرات له سنه ونصف وماشي عليها بحدود 60 الف

ونوعها دنلوب اللي نقشتها 7

بدلت اللي قدام باللي ورى ونفس الصوت

هل معقوله من الكفرات وكيف اتاكد انه منها اخاف اغيرها ولا يروح الصوت

وهل ممكن تكون من شي ثاني طبعا غير الرمان لانه سليم

مع ان واحد يقولي واحد من اثنين يا كفرات يا رمان مافي غيرهن هل هذا صح

علما ان الصوت جاني بعد ما دعست حصاه كبيره شوي وانا امشي 100 كيلو بعدها بكم يوم جاء الصوت مادري بسبب الحصاة او شي ثاني

وجربت وانا امشي افضي القير على n وطفيت السياره ومازال الصوت موجود

ساعدوني جزاكم الله خير

وهل في ورشه متخصصه في ذلك لاني محتاج ابسافر مكه بعد كم يوم للعمره عليها

انا بالرياض وشكرا لكم جميعا

د.معالج @user_19698 صاحب الموضوع · 27-08-2005

الشكر للجميع واسف على التاخير لاني مسافر

اولا المشكله مازالت موجودة رغم انني غيرت الرماااااااااانات الامامية جديدة حسبي الله على الورش كلفتني فوق 1300 ريال

ومازال الصوت موجود والله عقدتني طز فيها مليت خل الصوت موجود جعله مايروح مليت قهرتني ولاكن بالامس كنت قريب من ورشه الغروب شرق الرياض قلت يا ولد عندي زيت يهرب ابتاكد منه وبالمره اساله عن الصوت اول ما ساقها علطول رجع للورشه وقالي توكل على الله سيارتك مابه شي قلت كيف والصوت هذا قال لي منت اول واحد ولا اخر واحد هذا صوت خشونه كفرااااات وامش ماعليك خوووووووووف صراحة ريحيني شوي بس ماني مطمن قلت خلني اكمل السنه ذي على خير واغيرهن بعدين لاني بصراحة لا احس فيها شي ابد يعني ما تحذف ولا فيها شي يدل , علما فحصتها فحص كااااامل من تحت قالو لي مافي اي شي مكسور او متاثر وقمت برفعها وعشقت القير وخليتها تمشى مافي صوت يذكر ابد بل هادئة فقلت مادام كفرات هانت

ولكم مني التحية والاحترام وشكرا لكم جميعا

فني سيارات @user_8460 · 23-08-2005

السلام عليكم و رحمة الله

اخي الكريم د.معالج
اعتقد ان هذا الصوت صوت الرمان بلي (بيرنجات ) انت قلت انهم سليمين مافيهم شي ولكن هل تاكدت وكيف ؟؟
كل ماذكرت يؤكد ذلك الشئ
المشي على سرعة 40 لايعطي صوت للاطارات بما فيه الكفاية و لكنه يعطي فرصة لصوت الرمان للوصول اليك وبعد زيادة السرعة لايصل كما في السابقة لانه تكثر االصوت و الهواء المحيط بسيارة مع السرعة
لتاكد ارفع السيارة على الجيك وعشق السيارة في النمرة ولاطارات تدور في الهواء يفضل عند ورشة للاطارات الاربع
لربما الموضوع يشمل الدفريشن وبالاخص الكارونه

او على الاقل ارفع السيارة وحرك الاطار باليد الى اعلى و اسفل اذا فيه حركة فرمان تلاقيه متاكل

وشكرا

ابو الدواهي @user_18812 · 22-08-2005

اخوي د معالج بالنسبة للصوت ترى من الكفرات لان اخوي كان معه نفس الكفرات وهبلن فيه بالصوت لين غيرهم وارتاح
اما من ناحية الرجة فهذا الله يسلمك من جلد المقصات تلفانات لان انا كنت مثلك كان عندي رجة وارصص في كل مكان ولانفع وترى الرجة مومستمرة يعني تروح وتجي غبر الجلد وراح تحس بالفرق
سين سؤال اذا طلعت مطب كبير هل تحس بحركة الدركسون؟

noorh999 @user_13624 · 20-08-2005

انا طلع عندي الصوت بالفورد وكفرات بريللي بس عند السرعة 100 واكثر يوضح ( ووووووووووووووووووو)

ويش مخاطر هذا الصوت ؟ ولو طلعت الرمانه منكسره ويش الاثر

مسترنت @user_16834 · 17-08-2005

اخي الكريم الدنلوب كفرات ممتازة وتستحمل وانا مجربها
بلنسبة للصوت ممكن يكون من الكفر لانه ممكن يكون ناشف حتى لو كانت نقشته نظيفة
وممكن يكون عندك الرمانة خربت لانك حسب ما ذكرت انك طلعت رصيف

هذا اعتقادي وشكرا

قناص محترف @user_21266 · 17-08-2005

طيب هل كشفت على الدفرنس . مع أن النوعيه من هذه السيارات أي كلام ماهي الكابرس القديم لأنه الآن أصبح صناعه أستراليه.

salehhd @user_17805 · 15-08-2005

مالكم الا الوكيل

جربو التوكيلات

والله يكون في عونكم

شفروليه @user_9514 · 15-08-2005

السلام عليكم ورحمة الله وبركاته

من حسن حظي اني واجهت من يعاني نفس مشكلتي انا شخصيا امتلك كابريس 2000 LTZ واجهت نفس مشكلتك وهو
صوت يطلع من الكفرات يشبه الاحتكاك ويزيد الصوت عندما تنخفض سرعة السيارة الى 40 او 20 وسويتلها ترصيص مافي فايدة قلت يمكن من الكفرات غيرت من يوكوهاما الى تويو ولازالت المشكلة ................الى الآن :mad: مما عقدني في السيارة بشكل كبير مع ان السيارة قطعت فقط 60,000 كلم

COMMAND @user_21332 · 15-08-2005

الاخ : د.معالج مشكلتك امرها هين جداً ... لأي محل بنشر وخله يفك الكفرات اللي امام يمين حطه مكان الخلفي يسار يعني بدل اماكن الكفرات على شكل حرف اكس (X)
امام يمين=خلف يسار
خلف يسار=امام يمين
امام يسار=خلف يمين
خلف يمين=امام يسار

سيارتي كابرس 2004 بعد السبعين الف كيلو طلع هالصوت معي مع انه الكفرات ماهو مبين عليها المشي جدد والله
تحياتي،،،

zeyad @user_16152 · 29-07-2005

تحذيررررررررر
تراها كانت عندي واحسب انها حصات ناشبه صح
وبعدين وديتها للورشه وصار من الماسك حق الكفر الى يمسك الكفرات صار منكسر
يعني لو طولت تب تنفك الكفره مره

الرمانه حول ماتنكسر

د.معالج @user_19698 صاحب الموضوع · 28-07-2005

لا الدركسون تمام ولا في حذفه ولا شي والصوت وانا امشي عدال او يمين او يسار نفس الصوت لا يزود ولا ينقص انشالله امشي اربعين فيه صوت بالعكس اذا اسرعت خف الصوت

انا فحصت الرمان وهو سليم علما سعر الرمان يجي كامل وغالللللللللللللي بالوكاله بحدود 700 بعد الخصم وحب خشوم للواحد بس تلقاه عند البسام بحدود 560 اذا كان فيه حساسabs

بس لاخضت شي سويت لها ترصيص ارضي بالكمبيوتر لان كانت فيها رجة راحت الرجة يوم بعدين رجعت مادري ليه

للاسف كل ربعي ماعندهم كوابريس كلهم ياباني ومن شاكلته

على فكره في حاجة اسمها TIER ROTATION تصلح للكفر وش هي

بس اللي انا قاهرني مافي شركه تفحص لك الكفر هل الصوت من الكفر او لا صدق ورشاتنا تعتبر متخلفه والا كمركز خدمة اطارات على غير فائدة ماغير يفك كفر ويركب كفر واذا جاك يفحص الكفر يجلس يناظره هو زين ولا خربان

الله يرحم حالنا

جزاكم الله خير واللي يقدر يفيدني اكثر اكون له من الشاكرين

salehhd @user_17805 · 27-07-2005

السلام عليكم

من رايي تمر فيها للوكاله وتتأكد افضل قبل ما تخسر مخاسير على الفاظي

وغالباً من التواير لانها قديمة و60 الف حتى لو محافظ فهي ماقصرت والمدة لها دور

ليش ما تشوف واحد من اصحابك وتبدل معاه الجنوط كم يوم وتجرب والشغلة ما تكلف 40 ريال عند البنشري وراح تعرف من التواير ولا لا

وانصحك ببرجستون او ميشلان تواير قوية وتصلح لجونا

xx_V8_xx @user_14932 · 26-07-2005

السلام عليكم

اخوي معالج انا عندي نفس مشكلة بالظبط في الكابرس الي معي ... سلمك الله انا رقيت رصيف ومن بعدها غيرت الكفرات وركبت كفرات الوكاله يوكوهاما وجاني هالصوت لكن عنديلك كم سؤال ....

الدركسون هل هو مايل ؟؟؟

هل الصوت يخف اذا لفيت يمين او يسار ؟؟

لانه دركسوني مايل ويخف الصوت اذا لفيت يمين !! وديتها للصناعيه قالوا الرمانه اليمنى .. و وديتها لميزان العضيب وقالي الرمانه اليسرى لذلك احترت وخفت اغير شي ولا يروح الصوت .. علما بأن الكفرات قبلتها ولا نفع ... مع العلم اني قلبت الكفرات ولا نفع

د.معالج @user_19698 صاحب الموضوع · 26-07-2005

صح انا ماشي 60 االف فيها بس محافظ عليها تشوفها تحسبها جديدة النقشة مانمسحت فيها النصف بس عيبي شي واحد اني امشي عليها وسط الحر بسبب عملي

احم شي عندي ليونه الكفر وهدوئه وش افضل شي ياشباب للكابريس

برجستون - او ميشلان ===>>(انواع)

وهل في انواع اخرى اهدى منها بدون صوت

علما الجنط كروم مقاس 16

و شكرا لكم لسرعه ردودكم والله انكم رهيبين تحمسون الواحد يتفاعل معكم يا حبيلكم

بندر بستن @user_17047 · 26-07-2005

شيك على هواء التواير

وشيك اذا كان التاير مصعرر(فيه صعرورا) تراها تأثر وومو شرط تكون من الجهه الخارجيه يمكن تكون من داخل يعني ماتبين الا اذا شلعت الكفر

او توكل على وبدل التواير كلهن واذا لسه ماراح الصوت رد ركب الكفرات القديمه وكدها لما تطير نقشتها وبدلهن بعدين باللي شريتهن وانصحك اب تواير ميشلان لانه مكفول ضد السلخ

والله الموفق

ارجو اني افدتك اخوي ولو بجزء قليل

سلملم

أبوعصيدة @user_17652 · 26-07-2005

|1| أفضل كفرات برجسون هادئة جدااااااا

أبوعصيدة @user_17652 · 26-07-2005

هاذا اخوى صوت الكفرات معناها محبلة فنصيحة منى غيرها وركب كفرات برجستون افضل كفرات ومافي اى صوت مجربها والافضل في اجوائنا ان تغير الكفرات كل 40000

CamSHAFT @user_6565 · 26-07-2005

يا اخي 60 الف كثيرة جدا على الكفر خصوصا في اجوائنا!!!!!!!!
اكيد الصوت من الكفر

ابو زيـــــــــاد @user_20680 · 26-07-2005

هلا اخوي اتوقع كفر والله اعلم