من يرشدنا عن الطريقة الصحيحة لاستخدام الناقل الاوتوماتيكي في الرمال؟؟

السلام عليكم

اذا غرزت بالاوتو لازم تاخذ بالك على حرارة القير فكثر العس ممكن يرفع درجة حراتة ويضرب عليك لا قدر الله

دائما حاول تاخذ معاش جراف صغير (شيول )

بالنسبة للمشي في الرمل انا شخصياً اخلي السيارة على d2 والحمد لله ماعندي مشكلة

أخوي ما أقصده في الحفر هو أن تحفر أمام وخلف الكفرات فقط سواء كانت الكفرات الأمامية والخلفية
والتحفر هي فقط لكي تمهد طريق سهل لتحرك السيارة للكفرات فقط
أما لو تحفر ما بين الكفرات مالها أي فائدة أصلا :D
قد تفيد بعض الأحيان الحفر بين الكفرات أذا خفت أن الدفرنس يتعلق فقط

أخوك أبوأسد|3|

بس قد يؤدي الحفـر إلى زيـادة التغـريز إذا بالغــت فيــه ..
لأنه ممكـن إنه ينـزل السيـارة ممـا هي عليـه ..

شف أخوي طريقة أنك تدعس البنزين كله ليست طريقة ممتازة أبدا
والسبب لانه يمكن في أحتمالية يحفر في مكانة أسرع من أنه يطلع طبعا حاول في المرة الأولى أنك تدعس البنزين أذا شفت الكفرات تدور والسيارة تتحرك متابع في الدعسة البنزين ويفضل لا تدعس البنزين لأخر شيء أو أدعس بشكل متقطع نصف دعسه.

في بعض الأحيان وأنت تحط على المنرة الي تحت أو أي نمرة مثل ما ذكرت لك سابقا قد ما تنفع الطريقة للخروج من التغريزة فيوجد حل أخر أنك تمرجح بالسيارة وهي أنك تمشي للخلف ثم للأمام وتعيد المحاولة كل مرة مثلا تمشي للأمام أذا وقف أرجع للخلف وأذا وقف أمشي للأمام وهكذا حتى يمهد طريق بنفسة ويمشي وتنتهي المشكلة.
ولا تنس التبريح :D (الحفر) لأنه أفضل طريقة للخروج من التغريزة بسرعة وسهولة.

أخوك أبوأسد|3|

مشكور حبيبي ابو اسد
ما قصرت والله
بس اذا ما اتعبك ممكن تقول لي كيف اطلع الموتر الاوتو من الغراز اذا انا لحالي؟؟
واحد قال لي:
رد القير لاخر نمرة تحت
ودوس بنزين لاخر شي
لين يبدأ الموتر يهتز بعدها شل رجلك عن الدواسة وارجع دوس اقوى شي ثانية
وكرر هالحركة حتى يطلع الموتر من نفسه
ايش رايك؟؟

يمكن الشباب مشغولين :D

وعليكم السلام ورحمة الله وبركاته

كيفك أخوي Night Hawk عساك بخير

بجاوبك على أستفسارك

بنسبة أخوي لطريقة الصحيحة لتجربة القير الأوتوماتيك فيوجد عده طرق منها ما تكون قوية لكن قد تأدي إلى تضعيف القير ومنها ممتاز المشي ويريح القير.
بقولك كلها

وضع النمرة المناسبة هو يعتمد أخوي على قوة المكينة أولا وأخيراً

فأراى بأن النمرة 3 الي هي D وليس D/O أفضل شيء في المشي في الرمل والتطعيس.
بنسبة لي أنا دائم أطعس بالجمس بهذي النمرة الثالثة ومناسبة جدا جدا جدا وهي أيضا تريح القير كثييييير.
ممكن أذا وأنت تصعد تنزل النمرة من 3 إلى 2 أو 1 بس يفضل أنك تترك دعسة البنزين أثناء التغير فقط, أي من يوم تحرك القير بتحط نمرة أقل وخر رجلك عن دعسة البنزين وبعد ما تحط على النمرة الأقل أرجع على طول أدعس بنزين حتى بس تقلل الضرر على القير.
هو عادي تحط بنمرة أقل وأنت داعس البنزين بس الطريقة الي أقولك عنها أريح للقير عرفت :D.
بنسبة أثناء التغريز أفضل شيء نمرة واحد ولا مانع من وضع 3 لأن أصلا في البداية بينشي في النمرة الأولى
مثل اليوم أنا طالع بالجمس وأطعس لين مليت
بس يوم جيت أنزل من أعلى الطعس غرزت تغريزة جااااااااااااااااامدة مرة :D تدري طلعت بدون ما أحد يسحبني خلال دقيقتين فقط بأستخدام النمرة 3.
يعني مو شرط النمرة 1 هي الوحيدة الي بتقدر تطلع بها.

في البعض يمشي بـ 1 طوال الوقت في البر!
طبعا هي طريقة قوية بس تدري أنك تتعب القير (وبالأصح تضرر القير!!!) لأنك تجعل كل العزم والقوة محصور في النمرة واحد وأذا بغيت تسرع في المشي فنمرة الأولى لا تستحمل المشي بسرعة عليه.

أخوك أبوأسد|3|