صباح الخير ومساء الخير لكل من طاحت عينة على هالموضوع
انا قبل شهر او ثنين تقريبا اشتريت يوكن اكس ال امريكي بس المصيبة بلشت فيه وربي بلشت فيه
ماعرف فيه شي لا مواصفات و لا يحزنون اعرف بس اعبي بنزين واغير الزيت
وهذا شكله ابي اللي يعرف عنه اي معلومات عن قوة المكينة والمواصفات اللي فيه يبلغني الله لايهنكم
لأن حتى الوكالة ماعرفت نوعيته وطارت عيونهم يوم شافو شكله
لأن اللي معي موديل 2000 مخزن (( ماشي 37 الف بس ))
ابي اعرف هل هالنوع من اليوكن ينصح فيه ولا لا اجلس اصير انكبت فيه عاد حظي ردي
ولا احد ينزل من فكس ار 2003 ويركب يوكن 2000 بس الشكوى لله حدنا الزمن :(
هاه تبون تقولون لي وش مواصفات هالبلوى اللي طحت فيه ولا لا
وعلى طاري اللي يعرف له تشليح عليه الكلام للأمريكي وبالذات لليوكن ياليت يقولي وين ويفضل لو بالقصيم او الرياض
لأني مانيب بعيد عنهم :)
