لخبراء جيب البورش كايين او من عنده معرفة فية ؟؟؟

شكرا لك وجزاك الله كل خير،،

انا ابي اسال عنه وابي اشوف اقرر على ايش،والله يكتب اللي فيه الخير.وبالنسبة للوكالة انا رحت لهم وقابلت عبدالرحمن وارسل لي تسعيرة 2006 وكانت مرتفعة بشكل خيالي ،ويقول ادفع الحين وتوصل السيارة بعد 6شهور:( ،الكلام هذا قبل شهر ونص.


شكرا لك مجددا وللاخوان واسف على ازعاجكم.

شكرا لكم يا Prozac و Hunter على ردودكم واهتمامكم.

بس اخوي Hunter عندي استفسار؟؟

بالنسبة لاداء السيارة بالبر انت تقول ممتازة لكن ممكن تقول لي كم مقاس جنوط سيارتك؟؟لان الوكالة قال لي ما نصحك بالجنط 20 او 19 في البر ؟؟وصارحة السيارة شكلها اجمل على جنط 20 بمراحل.


و انت تقول انه 80 ريال تمشيك 600 كم ؟؟:eek: صراحة جدا غريبة على كذا صار اقل من صرفية الكورلا.وهذا يناقض كلام الاغلب واجماعهم على انه صرفية كبيرة.

وهل واجهتة مشاكل في الكهرب زي ما قال اخوي [size=4][color=#195689]Prozac [size=3][color=#000000]ومشاكل مع الوكالة ؟؟؟[/color][/size][/color][/size]

وبالنسبة لسعر السيارة يطيح لاني انا سال عنها يطيح بشكل كبير جدا.



وشكرا لكم اخواني على افادتي وارجو ممن يملك اجابة لايبخل علينا

شريتها بالتحديد شهر 2 -2004 ب 312 الف تقريبا ... وبعتها ب 266 الف وحست اني ربحان بعد ماشفت الهم من الوكاله استخدمتها 7 اشهر واعيد واكرر صرفيتها للبنزيم عاليه وعاليه جدا احيانا تتحمس بالخط وتدعس تشوف البنزيم يختفي ؟ بس مايهم السياره كانت متعه غير طبيعيه .. بس ماعبني الا الوكاله ..... واحد من الشباب ايضا يتشكى من الكيان توربو ايضا ... ولله اعلم ... لكن انا مااروج لسياره انها تعبانه لا ! الى ابي اوصله ان مهما كانت السياره فخمه وجميله ماردها تخترب والوكيل لازم يكون قد الثقه .... واذا تبي تاكيد لكلامي رح لساماكو ووقف عند مدخل الصيانه واسمع السب واللعن او اسال اي شخص وشف رده ....

اخوي prozac

بكم بعت سيارتك وكم ماشية؟ وهل بعتها بسبب وجود عطل؟

كلامك صحيح اخوي Hunter نفس الكلام الى انا قلته ان البورش 8 سلندر اقوى م الطوارق 8 سلندر وهاذى مافيها كلام بس كان التركيز على الكايان 6 سلندر مقارنه مع الطوارق 6 سلندر ....... وللمعلوميه انا كان عندي كايان 8 سلندر ابيض 2004 اول دفعه ولاكان مصفح ولاشي ؟؟ وشي ثاني سعره نزل نزله غير طبيعيه وانا بعته شخصيا على موضف في شركه سماكو نفسها والسياره الى اليوم عتده ... شي ثاني الطوارق 6 سلندر مرغوب اكثر بسبب السعر المعتدل لها السبب ماينزل كثير ! .... عموما سيارات جميله لاكن يعيبها الوكيل وانا انصح بالوكيل الى بالكويت سعره افضل من ربعنا ...

خلني افيدك
معي كايين اس
قولوا ماشاء الله
انصحك بالسعودي
لانه مصفح كامل من تحت
في الرمل شيخ بس الهواء خله 18
ما فيه كلام

البنزين تعبيه ب80 ويمشيك 600كم اش رايك

الصيانه كل 10 كم وتدفه 800ريال فقط
بعض الشباب تفلسفوا وهم ماعندهم سالفه

السياره مضمونه من الوكاله سنتين وبعدها تقدر تجدد الضمان الى 9سنوات
وهذا دليل على جودة السياره.

الكايين اس اقوى من الطوارق 8سلندر
الكايين 340 حصان والطوارق 8سلندر 317 حصان

الكايين ما ينزل سعره كثير مستعمل
والدليل انا عجزت الاقي مستعمل رخيص
والمستعمل سعره حول الجديد
وقدامك المعارض
اهم شي يكون سعودي عشان ترتاح مع الضمان
ارجو ان افدتك

البورش كايان 6 سلندر غير ناجحه بمبيعاتها بالمره لان سعرها مرتفع جدا كماذكرت ومواصفاتها ايضا اقل من عاديه وانا ذكرتها بدون زينون بدون فتحه بدون اي شاشه واشياء اخرى ... وللمعلوميه السياره نزلت السعوديه فى 2005 فقط ولم تنزل في 2004 وسمت خبر غريب مؤخرا ان سعرها بالامارات مايتجاوز 170 الف ريال ؟ اذا كان كذا فهو معقول لان سعر اعلى فئه طوارق 190 الف او اكثر ........ وممكن تتاكد من موقع البورش بالنسبه لقوه المحرك فهوا مثل قوه الطوارق 6 سلندر تقريبا ... اي خدما انا حاضر

انا اعرف البورش كاين
4.5 لتر 8 سلندر بقوة 340 حصان
4.5 لتر 8 سلندر , تيربو بقوة 450 حصان


Prozac
ممكن اعرف مواصفات ال 6 سندر الي تتكلم عنه ؟
لاني لم اسمع عنه من قبل .

اول شي لازم تعرفه ان السيارتين الطوارق والكايان سيارات ضيقه من الداخل جدا جدا يعني الراحه في المقاعه الاماميه فقط لاكن الخلفيه جدا سيئه وقاسيه انا شخصيا عندي عائله وتضايقته من السياره احيانا .....

ثاني شي لما نجي نقارن لازم اعرف ميزانيتك كم؟ .... لوقلنا على مستوى ال 6 سلندر الطوارق تجي 3 درجات بينما الكايان تجي عندنا بالسعوديه درجه وحده 6 سلندر وم جد مالها اي داعي .... اقولك ليه اول شي تجي بدون زينون بدون تلفون بدون هيدرولك وبدون فتحه وشكلها يختلف من ناحيه الشبك الامامي وتجي جلد من اردى الانواع عادي جدا وبدون ملاحه وبدون سي دس شينجر وصراحه سعرها 190 او 180 بينهم ..... بهالسعر تقدر تشتري

الدرجه الاولى طوارق الى هي تجي .... زينزن ظبط تلقائى متحرك .فتحه - جنوط 19 انش مع كفرات عريضه ميشلان - الشبك كروم كامل مع شعار الفولكس واجن - شنطه خلفيه شفط - حساست اماميه وخلفيه وشبه جانبيه - وبصمات او حساسات خارجه عند مقبض الابواب .... من الداخل

الشكل اجمل بكثير وممكن انك تقارن بنفسك ... الجل نفس البورش اعلى فئه تقريبا يجيك لون جملي او اصفر عالي الجوده - شاشه عرض اماميه ملونه تعرض حاله السياره ووضع الرحلات - شاشه عرض رئيسيه مع نضام الملاحه - تلفزيون هوائي - مكيف الكتروني امامي فقط - تسخين المقاعد - من الدركسيون ممكن تتكم بخصائص السياره - اضائه داخليه اسفل المقاعد خافته وهاذا الى عاجبني بسياره وموجوده بالبورش ايضا - تشغيل اسياره بابصمه مثل مايقال لاكن مو بصمه مجر زر خاص يشغل السياره اذا المفتاح في جيبك - ممكن فتح السيره عن طريق اللمس يعني مجر ماتقرب من السياره تفتح لك او مجرد ماتلمس الباب تفتح لك - تلفون كاركيت عادي - بوصله لون ازرق زينون بسقف السياره - نظام الهيدرولك ب 4 وضعيات واجمل شي وضع السبور لماتكون السياره نازله وقريبه من الارض - اهم شي القير فيه قفل لدفرنشات امامي وخلفي مو بس خلفي ؟؟؟ الاثنين - من اجمل الاشياء وجو كومبرسور ينفخ الكفرات مع ساعه لضغط الهواء - انذار لوجود انخفاض لمستوى الهواء بالاطار او مشاكل الاطارا عموما - انذارت داخليه اذا مثلا نسيه شخص داخل السياره وقفلت عليه وميزات اخرى عديده ....
الي ابي اوصله انك دافع 190 الف تقريبا وتحصل على كل هالمواصفات بينما ماتلقى نصفهم بالبورش ال 6 سلندر ... وانت وكيفك

السيارتين بصفه عامه جدا جدا جدا ثقال يعني تحس ان عزم السياره مفقود وتحس بثقل مزعج بحركه السياره لاكن مستوى الراحه والثبات رهيب جدا يعني 180 كيلومتر كانك تمشي 60 على كابرس جديد منعزل ومكتوم عن الخارج وهاذه نقطه مهمه لاكن اذا انت راعي سرعه او سبورت ابتعدعن السيارتين لانهم بيفقعون مرارتك :mad:

الخرابات مثل ماقلتلك الكترونيه واحيانا مزعجه .... لاكن الوكاله ماتساعد انا شخصيا واجهتني مشاكل غريبه بالطوارق خلتني اكره الوكاله مثلا اذا فضى البتري او البطاريه انسى انك تقدر تسوي شي لسياره انا فضى على البترى داخل القراج ولاقدرت اطلعها لان فيها نظام يقفل كل شي حتى المفتاح ماتقدر تطلعه ؟؟؟؟؟ ومن المشاكل الى الوكاله نسها مو عارفه تحلها كثيره .... بالعربي السياره تين مزعجين لانهم الكترونيتين جدا جدا والمشاكل دايمه بس الوكاله ماتفهم شي .....

قطع الغيار مبالغ بسعرها بس الحمد لله متوفره ..... صرفيه البنزين بالنسبه ل6 سلندر عاليه جدا ..... في البر الطوارق احس من الكايان واصلب ... في الشارع الكايان اخف وامتع .... كل هاذا عن ال 6 سلندر

اما ال 8 سلندر بورش كايان سياره لايعلى عليها من جميع النواحي الشكل الخارجي والميزات الداخليه والقوه الجباره الى تخليك تستمتع بقياده سياره لايعلى عليها لاكن السعر مبالغ فيه كامل المواصفات 312 الف ريال ....

الطوارق ال 8 سلندر افضل بكثير من ناحيه القوه والخفه من ال 6 سلندر بمرااااحل لاكن اقل من قوه البورش وتختلف الطوارق من برا ومن داخل عن ال 6 سلندر بقيل مثلا الشكمانات تجي عريضه جدا وستيل المكيفات الكترونيه دي في دي خلفي دبل زينون وبعض الاشياء ... لاكن البورش من ناحيه الميزات نفس الطوارق لاكن الشكل الخارجي سبورت اكثر وسعر اغلى بكثير .. سعر الطوارق يوصل ل220 الف او 250 الف او بينهم

بالنسبه لرنج روفر سبورت ابعدها جدا جدا جدا اولا سياره جديده ثانيا مانزلت عندنا اتكلم عن السبورت ومن داخل شكلها عادي جدا بس من برا ملكيه وفخمه ومااقدر افتيك فيها لاني ماجربتها لاكن انا متحمس اخذها لاني مع الجديد دائما ....

ولو اني مكانك بصراحه اخذ الطوارق ال 8 سلندر .... بحري من داخل اصفر او اسود من داخل جملي ... لان السياره مو منتشره ثانيا سعر الطوارق اثبت بكثير من سعر البورش ... اتمنى اني ماطولت عليك وافدتك تحياتي واستخر اول .... اول اسمع لشور وابتعد عن ساماكو تعيش مرتاح ... وفيه ملاحضه ترا الاودي راح ينزل سياره جيب اخت الطوارق لاكن اجمل منها بكثير ... لاتستعجل :)

شكرا لإهتمامك اخوي Prozac

انا فهمت كلامك وانت كفيت ووفيت وانا استخلصت التالي:

1-الوكيل سئ.
2-فيها مشاكل الكترونية (ما تتوقع انهم حلو هذي المشاكل في الموديلات الجديدة؟؟)
3-صرفية كبيرة للبنزين.(طيب هل اكثر بكثير من صرفية VXR)

طيب حبيبي هل تنصحي من واقع تجربة للطوارق والكايين؟؟وش افضل من كل النواحي وانسى فارق القوة انا اتكلم عن الخربات...

وبما انك تطرقت لل رانج روفر سبورت ؟؟ انا اللي اعرفة ان الرانج روفر جيب حساس وجيب دلع مو حق كرف وان الوكيل حقة سئ جدا ...هل المعلومة هذي صحيحة؟؟؟؟
واذا دخلت الرانج بالمقارنة وش يصير افضل؟؟؟؟؟؟



شكرا لك واسف على الاطالة وجزاك الله كل خير..
وارجو افادتي لاني فعلا ابي اشتري وجدا محتار.....

امممم شقولك ؟ كان عندي كايان اس وبعته جربته 6 شهور السياره جدا ممتازه والوكيل جدا سيئ؟ المشاكل كلها الكترونيه يعني مو مشاكل حقيقه لا كلها انذاات كاذبه تروح للوكاله وعدلونها لك ... البنزين يتبخر مايحترق بشكل غريب ... بصراحه انا غيرتها علشان اخذ طوارق 6 سلندر والفرق كبير بالقوه لاكن الطوارق اجمل بميه مره من داخل ... اه صح وبنسبه للبر من قال انها تعبانه اتحدى اي احد يتكلم عنها او عن الطوارق .لاكن الناس تدخل بباترول وتطلع باقل الخسائر اما الكايان تغير له زيت بعد 15 الف كيلو ب 700 ريال مع التشييك مو 7000 ريال ؟ السياره بصفه عامه غاليه بس ماتصلح عندنا لان الوكيل والسوق مايرغبها ... وعلى فكره حتى الطوارق بعتها لاكن نزله الطوارق اسهل م البورش لان الرغبه لسته سلندر اكبر .. واي سؤال انا حاضر ... وبالنسبه لسيارات الديزل الاوروبيه هي الافضل انا استغربت يوم شفت طوارق وكايان وغيرها ديزل لا وفيه سته سلندر وسعرها اغلى من البنزيم العادي وانا افكر بسياره رنج روفر بريطاني سبورت ديزل .. والديزل الاروبي مو مثل ديزل السوزوكي الياباني :)

شكرا لكم على ردودكم واهتمامكم

اخوي ابو بندر:
من اهم عوامل شراء السيارة صرفيتها للبنزين،لان يا طويل العمر الواحد اذا مسك خط مهوب قاعد كل شوي واقف يعبي،وايضا لو تجمع سعر البنزين المدفوع خلال سنه تلقاه بمبلغ وقدره،فماهو شرط ان الواحد يبي يشتري سيارة غالية يعني يدفع بنزين وقطع وصيانة غالية،وانا توي جاي من اوربا (المانيا،فرنسا،النسما)ما تصدق ان كل سياراتهم ديزل بدون مبالغة شفت بي ام الفئة السابعة و مرسيدس فياجرا وغيره والطوارق واودي كلها ديزل ليش؟؟؟لانهم ينظرون الى التكلفة بعد الشراء وما تحصلهم يشترون فل اوبشن مثل ربعنا لا يشترون اللي يحتاجونة من المواصفات فقط.وانا كنت مستاجر بي ام الفئة الخامسة ديزل والله بدون مبالغة انها ممتازة وما تسمع لها صوت واقتصادية ،لكن لو تجيب زيها عند ربعنا ضحكوا عليك.;)


اخوي موتور:
انت يمكن ما شفت التجارب حقت البورش، هم اساسا مصنعينة على اساس انه جيب ،وانا اذا بشتري جيب وماني طالع عليه ليش اتخسر واشترية؟؟؟؟؟
وبالنسبة لسعر الصيانة اللي ذكرته صيانة كم؟؟لانه كثير مرة بي ام ما يخذون كذا

شكرا لك حبيبي مرة اخرى

اخوي Mr-lucky-rMا:
يعني هل السيارة حقك خرابات؟؟وقطع استهلاكه قصيرة المدى؟؟؟اذا المسالة بنزين مقدور عليه لكن حسب كلامك وكلام الشباب انه صيانه وقطع غالية؟؟؟

شكرا لك


ويا ليت انكم ما تبخلون علي بالردود

اخوي الكريم

البورش هو صح جيب بس ماينفع يخش البر

لأنه دخل بيغربله الرمل

مثل ال اتش 2 يدل على هيبه ويوم دخل البر ماعنده ماعند جدتي

انا ما اقول ان البورش خرطي بس

والله حرام تدخل فيه البر

وواحد من العيال عنده

قطع الغيار موب نار لا حريق

مافيه إلا مسط من هالفلوس

اما الصرفيه كل يوم عند محطه

واعذرنا على التلقف

شوف يا أخ Mr_Lover

السيارة قوية وأداها رياضي ،وبعدين انت تبى طعس بسيارة قيمتها 300000، وتبهذلها بالرمل، هذي السيارة حق كشخة.

وبالنسبة للصيانة تكلفك تقريبا 7000بس هذا التشيك العادي، طبعا قطع الغيار غالية وسعر ما بعد البيع ينزل بسرعة.

بس طبعا انت في الأخير راكب بورش ولازم تدفع، مو مثل تويوتا لاندكروزر.