شباب عندي مشكله في اللومينا

ما سوينا الا الواجب

الله عليكم شباب والله ماقصرتو ابدا

احب اشكرك اخوي Revo


و اخوي كابـــSSـــرس

واخوي spark


واشكرك اخوي Totally LS على التوضيح والتفصيل الرائع


واشكركم مره ثانيه والله من دونكم ماعرفت وش اسوي

بالنسبه للمشكله الاولى .................... مو بس فحمات

الاهم في هالمشكله هي الهوبات

لو غيرت فحمات بس من دون خرط هوبات .............. بعد فتره قصيره راح ترجع لك الرجه

لو خرطت هوبات من دون تغيير فحمات ............... بعد فتره قصيره راح ترجع لك الرجه

نصيـــــــــــــــــحه مجرب :

اذا تبي تحل هالمشكله

خذ فحمات GM أماميه وخلفيه .............. مقابل 380 ريال ( أكثر من كذا لا تأخذ )

رح لمحل ميزان .......... اخرط جميع الهوبات وركب الاربع فحمات .... مقابل 180 ريال ( اكثر من 200 ريال لا تركبها )

اذا انت من الرياض فيه محل اسمه العضيب ( ميزان العضيب ) طبعن الاشهر والاقدم

لهم اربع محلات بجنب بعض .................... روح للمحل اللي يشتغلون فيه فلبينيه ( كلهم كويسين لكن الفلبينيين افضل )

اذا بتاخذ فحمات Ac Delco مقابل 250 ريال او اقل من كذا مو مشكله بس ترا ما تطول مثل GM

وعلى فكره مو لازم تاخذ الفحمات من الوكاله لانها برا ارخص







المشكله الثانيه

اذا الصوت ذا يطلع وانت داعس وقبل شوي مشغل المكيف ................ فهذا شي طبيعي

اما اذا من زمان مشغل المكيف ودعست وطلع هالصوت .......... فهذي اول مره اسمع فيها

اما اذا اللي تقصد هو انك اذا دعست وصار فيه صوت غغغغغغغغغ على نهايه تعشيقه وبداية اللي بعدها
فهذا شي طبيعي ولا يخوف ....... لانه مع الحر يصير السير شوي ناشف

الحل تروح لاي بنشر تزيته او تشحمه


غالبا المشكله تكون من السير ............






اما الشي الثالث اللي تبيه

السرعه الالكترونيه

فاخوي spark ما قصر ............. كفى ووفى

قد اعيد صياغتها وهي

تدخل المفتاح في السويتش بدون ما تشغل السياره

تضغط على Mode و Set وتستمر ضاغط عليهم

تشغل السياره وانت مستمر ضاغط عليهم

بيطلع كلام غريب ( الرقم التسلسلي لسيارتك )

اضغط على Mode مرات كثيره حتى تجيك السرعه

بيجيك منها السرعه و ال Rpm والباقي في تانكي البنزين وشغلات كهربائيه بحته

بس على فكره ............. السرعه بتطلع لك صغيره ............ مو زي 2005





اتمنى اكون افدتك



ملاحظه : كلامي اللي قلته لا انوي فيه الدعايه

واتمنى من المشرفين اذا يرون في ردي نوع من هذا مما قد يسبب الملابسات فليحذف المناط به من الرد



تحياتي

الأولى فحمات
الثانية

قبل التشغيل والمفتاح على Off إضغط mode and set وخليك ضاغط و شغل السيارة وخليك ضاغط لين ما يطلع لك كلام يديد عليك

و بعد غير عن طريق Mode لين ما توصل السرعة إلي تباها ... وفي بعد درجة حرارة الكولنت و شغلات ثانية


سلام عليكم

8
8

الا موجود 2004

ومشكلتك يالغالي الاولى فعلا قد تكون فحمات

اما الثانية في الحقيقه ماعندي خبر