وعليكم السلام , مرحبا اخوي
مرحبا فيك في المنتدى وان شاء الله بارد على استفساراتك, لأني توني ماخذه وحده من اسبوعين BMW 730 LI 2006
بغيت اعرف ايش رايكم بالــ BMW الشكل الجديد الفئه الــــســـابـــعـــه
بصراحه الموتر كشكل خارجي وفخامه داخليه وتقنيات ماعليها كلام موتر سكبه واانا اشوفه مغطي على الحوت
وبكم اسعارها من الوكاله وبرا الوكال
والله انا من قطر واخذت الموتر ب 260.000 ريال من الشركه
وخاصه ناوي انشاء الله وحده نوعها 730Li موديل 2006 الي اصطبه الخلفي جديد مدري هو 2006 ولا 2005
اخوي الشكل اللي تغير هو موديل 2006 الاسطابات الاماميه والخلفيه ومن البانه ( الكبوت) نفخوها شوي وبدي الموتر من الخلف من الشنطه بعد تعدل تعديل بسيط , وكذلك تم زيادة عدد الاحصنه في الحجم BMW 730 LI 2006
وهل يجي نوع واحد يعني كله فل كامل ولا مواصفات فل ونص وزي كذا
شوف يجي مع الموتر تلفون والشاشه طبعا تلفزيون ونفقيشن وسي دي شينجر 6 دسكات وفتحه لدسك ودي في دي والشنطه فقط شفط اما الابواب ليست شفط , وهذه هي مواصفات ال 730 يعني مافي اقل ولا اكثر الا اذا كنت تبغي تضيف شغله بس لازم تطلبها من الشركه وهم يطلبونها لك من المصنع يعني الموتر ياخذ له من ثلاث الى اربع شهور لين يجيك
انا بغيت سعر الفل كامل من نوع 730Li وهل يجي اقل من الفل
والله انا من قطر واخذت الموتر ب 260.000 ريال من الشركه , وهذا سعر الفل ومافي اقل منه
وما تقصرون شباب اذا رديتولي خبر وخااصه
حقين الالماني والي مجربين البي ام النوع الي ابغاه الي هو 6 اسلندر
وهل في خرابات الي سمعته الشكل الي قبله الي موديلاته 2004 يقولون مافيه
خرابات وقليل ما يدخل الصيانه وضمان من الوكاله الي هو الناغي خمس سنوات او الضاهر 100 الف كيلو
اسمع اخوي انت اخترت حجم 730 وهو 6 سلندر ومعرف ان حجم 730 في ال بي ام هو الحجم اللي ماتكون فيه خرابات يعني يعتبر من افضل الاحجام وعليه رغبه كبيره واغلب اللي تشوفهم برع مواترهم 745 هم 730 بس مركبين كتبة 745 كلها بعشرين ريال بس والاختلاف في الرنقات وممكن تبدلها مع تكايات الراس والمكينه محد بيلاحظها الا في الدعسه وبعض الكماليات اللي في الموتر من داخل, وبالنسبه لضمان الموتر في السعوديه ماعندي فكره عنه , وعندنا في قطر ضمان الجير والمكينه والدفرنش 3 سنوات من غير تحديد كيلومترا , وصيانه مجانيه على الموتر من سفايف ودرام ويل واويل واي قطع استهلاكيه لمدة 3 سنوات او 60.000 كيلومتر يعني في هالفتره ماعليك غير تعبي بترول وتتوكل على الله الوكاله متكفله بكل شي وهذا يدل على ثقة الوكالة بسياراتها حتى تعطي هذا الضمان على الصيانه .
اتمنى ان اكون قد افدتك , وانا حاضر لأي استفسار
